Acts 13:43 - De Beebaa Dabu

⁴³ Gai de masavaa huu ne mavaevae ai dangada, gai de gau Ssuu ma denga Gentile soa gu daumaha ange laa gi de Maadua ne daudali ange i a Paul ma Barnabas, gai gilaau ga agoago ange gilaadeu ga hagammahi ange gilaadeu gi duudagi ina donu huu delaadeu seesee i de abodonu o de Maadua.

Acts 13:43 Iomraidhean Croise

Matthew 23:15

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e hulo gi mommee mmao i henua i lalo e hai ai dahi dangada gi daudali adu i goodou, gai goodou ga hai ia gi kii ange se dangada e baba ange gi de ahi i goodou.

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Acts 13:50

Aagai de gau Ssuu ga hagabasa denga haahine maolunga e daumaha ange laa gi de Maadua, ma denga dagi o de aduhale laa, gai gilaadeu ga vaivai hai a Paul ma Barnabas ga alualu gilaau gi hulo gee mai i delaadeu ungaamee.

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

Acts 14:3

Gai Paul ma Barnabas ne daulooloa delaau nnoho i kilaa, ma de lo taane i de agoago muna a Tagi Maolunga, gai ia ne hagadonu agoago o dono abodonu, i dana hai gi maua e gilaau i de hai denga hagailonga ma mee hagalele mouli.

Acts 16:14

Gai e dahi hahine i kilaa ne langona amaadeu agoago, dono ingoo go Lydia. Ia se hine e hagao ina denga malo purple, gai se hine mai i Thyatira e daumaha ange gi de Maadua. Gai Tagi Maolunga ne hhuge ono lodo gi hagalaangona ai e ia muna a Paul.

Acts 17:17

Deelaa ai, ia ne hagadaumee ange gi de gau Ssuu i lo te synagogue ma denga Gentile gu daumaha ange laa gi de Maadua, aama dangada i de mommee e hagabuni ai dangada i de laa tubua.

Acts 17:34

Aagai hanu gilaadeu ne hagabuni ange gi de ia ma de hagadonusia ana muna, go Dionysius, dahi daane e dau laa i de hagabuulinga hagasaele go de Areopagus, aama de hine go Damaris, gai e hanu ange dangada madali gilaau.

Acts 17:4

Gai hanu gilaadeu ne hagadonusia ana muna ga hagabuni ange gi a Paul ma Silas; gai ne soa hogi dangada Greek gu daumaha ange laa gi de Maadua, ma hanu haahine maolunga ne hagadonusia.

Acts 18:7

Gai ia ga hano gee mai i kilaa ga hano gi de hale o taane dono ingoo laa go Titius Justus, se daane e daumaha ange gi de Maadua, gai dono hale e baa ange gi synagogue.

Acts 2:10

ma de gau Phrygia ma Pamphylia, ma de gau Egypt, ma dangada o hanu ungaamee o Libya e paa ange laa gi Cyrene; ma muna a dangada ne loomai i Rome

Acts 28:23

Gai gilaadeu ne hagailonga dahi laangi e loomai ai gi daho Paul. Gai ne soa donu ne loomai gi dono hale e noho ai laa. Gai Paul ga agoago ange gi gilaadeu, mai i taiao ga dae ai gi de ahiahi, ga tala hagadonu ange gi gilaadeu dagodo o de nohoanga hodooligi o de Maadua, ma de hagatale de usuusu ange gilaadeu i de hainga a Moses aama muna a denga pelaabisi, i dagodo o Iesu.

Acts 6:5

Aagai dangada alodahi gu malangilangi i muna nei. Gai gilaadeu ga hili Stephen, ia se daane e honu i de gai ma de Hagasaalunga Dabu, madali a Philip, ma Procorus, ma Nicanor, ma Timon, ma Parmenas, ma Nicolaus taane Antioch gu daumaha laa bei de gau Ssuu.

Romans 11:6

Aagai noo mee nei ne maua i dono abodonu, gai gu dee go hiidinga ai loo hegau a dangada; ana vakaa de abodonu nei ga dee se abodonu.

Romans 3:24

gai dangada gu hagadanuaa i de mee ngadi gaavange go dono abodonu, i de hagaoanga a Klisdo Iesu gu hagao laa.

Romans 5:2

gai go ono hiidinga adaadeu ne kave ai nei de abodonu o de Maadua i de gai. Gai gidaadeu e tala tuhi taadeu tali de masavaa adaadeu e kave ai de mahamaha o de Maadua.

Romans 5:21

Deenei ai, e bei de hai o de haisala e daohi ai laa ssauaa o de magau, gai e bei ai hogi, de abodonu o de Maadua e daohi ssauaa e hagaheohi ai dangada, ma de gaavange gi gilaadeu de mouli e dee ngado mai i hiidinga o Iesu Klisdo taadeu Dagi Maolunga.

2 Corinthians 5:11

Deenei ai, go hiidinga demaadeu iloo dagodo de madagu i Tagi Maolunga, gimaadeu e usuusu ange dangada. Aagai de Maadua e iloo omaadeu dagodo, gai au e tali bolo goodou e tonu ange donu hogi omaadeu dagodo i tagi oodou lodo.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

Galatians 5:1

Klisdo ne hai ga ilaage gidaadeu, gai gi ilaage abodonu ai gidaadeu. Deenei ai, goodou tuu gi makaga, gai gi dee aahe ange gi haia goodou gi ni dangada hai hegau e dee ilaage.

Galatians 5:4

Goodou e daudali laa i de hainga e hagaheohi ai goodou, goodou gu vvae gee donu goodou i Klisdo; goodou gu dee maua i de kave de abodonu o de Maadua.

Ephesians 2:8

Go hiidinga o dono abodonu oodou ne hagamouli i de gai. Gai e dee go hiidinga o oodou hegau, aagai se mee ngadi gaamai nii de Maadua,

Philippians 3:16

Gai gidaadeu ga duudagi hogi de daudali i mee odaadeu gu lava i de agoago ai.

Philippians 4:1

Deenei ai, ogu daina hagamogomogo ma dogu buliaamoou ai, goodou go dogu malangilangi ma dogu hau mahamaha, denga soa hagamogomogo — goodou tuu gi makaga i lodo o Tagi Maolunga.

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Colossians 1:28

Gai go ia donu omaadeu e agoago ai nei, ma de hagakana ange ai dangada alodahi i de heiangi alodahi, gi maua ai e gimaadeu i de gaamai gilaadeu alodahi gu maatua abodonu i lodo o Klisdo.

Titus 2:11

Go hiidinga de abodonu o de Maadua ne hagaago mai, gi hagamouli ai dangada alodahi,

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

Hebrews 13:9

Goodou gi dee hagasengalia i denga hagadaagangaa agoago ma agoago gee. Gai e danuaa doodou hagammahi oodou lodo i de abodonu o de Maadua, e dee go hainga ma dahulinga o denga gai. Mee nei e deai donu haigamaiana ange gi gilaadeu e daudali ai.

1 Peter 5:12

Gai go Silvanus, de ia aagu e hagabinga laa bolo se daina e hai hegau i de mee abodonu, ne balea mai au ga sisi ai de leda bodobodo nei. Au ne lodo e hagammahi adu goodou ma de tala adu bolo deenei donu de abodonu o de Maadua. Goodou tuu gi makaga i de mee nei.

2 Peter 3:14

Deenei ai, ogu soa hagamogomogo, go hiidinga goodou e tali de hai mee nei, goodou hagaduu ngae haia gi deai duulangaa mee gelegele, aabe ni mee baubau i oodou daha, aama de nnoho paba.

1 John 2:28

Agu dama, goodou gi duudagi ina de nnoho i ono lodo, gi llodo mmahi ai goodou ma tee dookaa, i ono mada i mua i dono masavaa e hagasula mai ai.

2 John 1:9

Tangada e hai ga dubu ange aama tee daudali i agoago a Klisdo, de Maadua e dee noho donu i ono daha. Tangada e daudali i agoago nei, gai Tamana ma Tama Daane e nnoho donu i ono daha.