Acts 13:34 - De Beebaa Dabu

³⁴ Gai dagodo o dana hagamouli age Iesu mai i de magau, gi dee ahe ange ai dono angaanga gi bobo, gai de Maadua gu hagadaba, ‘Au e gaavadu gi de goe denga manuuia dabu abodonu, gu hagatoo donu ange laa gi David.’

Acts 13:34 Iomraidhean Croise

2 Samuel 23:5

E aha, e dee aanei dagodo o dogu huaabodu i daho de Maadua? Ia gu hai dahi hagatoo donu hagaheloongoi dee ngado mai madali au, ma de hai gi too donu mee alodahi iai. E aha, ia e dee hai naa gi sula dogu hagaola, ma mee alodahi oogu e lodo ai?

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Jeremiah 30:9

Aagai gilaadeu e hai hegau ange naa gi Tagi Maolunga delaadeu Maadua, ma delaadeu hodooligi go David, go de ia aagu e gaamai e hai ai delaadeu hodooligi.

Jeremiah 33:26

gai au e tili naa hogi hagadiilinga o Jacob ma dogu dangada hai hegau go David, gai au e dee hili naa hogi dahi ono hagadiilinga gi dagina hagadiilinga o Abraham, ma Isaac, aama Jacob. Gai au e hagaahe ange naa delaadeu manuuia aama de lodo aloha ange gi gilaadeu.”

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Amos 9:11

“De laangi laa gai au e hagaahe age naa de hale malo o David gu maoha laa, ma de hai ange naa mommee gu masaavava laa, ma de hagaahe age mommee gu maoha, aama de hagaduu age ange gi bei ono dagodo madagidagi.

Zechariah 12:8

De laangi laa gai Tagi Maolunga e buibui naa dangada e nnoho i Jerusalem; de laangi laa gai tangada baageaa hugadoo e mmahi naa bei dagodo o David, gai de aamuli o David e dagi naa gilaadeu, bei dagodo o de Maadua, ma tangada de langi o Tagi Maolunga.

Acts 13:30

Aagai de Maadua ne hagamouli age ia mai i de magau;

Acts 13:33

ia gu hagassula donu i odaadeu daha, denga dama, i dana hagamouli age Iesu. Bei de hai gu sisi ai laa i de lua Psalm: ‘Go koe dagu Dama Daane; anailaa nei gai go au doo Damana.’

Acts 13:37

aagai de ia a de Maadua ne hagamouli age laa tee bobo donu dono angaanga.

Acts 2:24

Aagai de Maadua gu hagamouli age hogi ia ma de hagaola ia mai i ssauaa o de magau, go hiidinga de magau e dee maua donu i de daohi ia.

Romans 6:9

Gai gidaadeu e iloo bolo go hiidinga Klisdo gu mouli age i de magau, gai ia gu dee ahe ange donu e magau; de magau gu deai donu sono sauaa e daohi ai ia.