Acts 13:23 - De Beebaa Dabu

²³ Gai de Maadua e hai naa gi humai de Ia Hagaola go Iesu gi Israel, mai i daho ono hagadiilinga, bei dana hai gu hagatoo donu ai laa.

Acts 13:23 Iomraidhean Croise

2 Samuel 7:12

Gai de masavaa naa huu e odi ange ai oo laangi, gai koe e magau bei oo dubuna, gai au ga hai dahi oo hagadiilinga gi suuia goe, go dahi au dama donu, gai au e hai naa gi dagodo dono nohoanga hodooligi ga hano ai.

Psalm 132:11

Tagi Maolunga ne hagatoo donu ange gi David i de muna abodonu, gai ia e dee sui naa donu dana hagatoo donu: “Au e hai naa dahi oo hagadiilinga gi noho i honga doo nohoanga hodooligi.

Isaiah 11:1

Dahi uli e matili age naa i tahido o Jesse; gai dahi laa e somo age naa i dono dahido ga hua.

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Isaiah 43:11

Go au, go au donu go Iahweh, gai e deai ange donu se Ia Hagaola bei au.

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Isaiah 7:13

Gai Isaiah ga hai ange, “De aamuli o David, goodou nnoho mai hagalaangona. E aha, goodou e hagataalea dangada i de golomagi olaadeu lodo? Gai gu aha goodou ga hagadalea ai naa de Maadua i de golomagi ono lodo i goodou?

Jeremiah 30:9

Aagai gilaadeu e hai hegau ange naa gi Tagi Maolunga delaadeu Maadua, ma delaadeu hodooligi go David, go de ia aagu e gaamai e hai ai delaadeu hodooligi.

Amos 9:11

“De laangi laa gai au e hagaahe age naa de hale malo o David gu maoha laa, ma de hai ange naa mommee gu masaavava laa, ma de hagaahe age mommee gu maoha, aama de hagaduu age ange gi bei ono dagodo madagidagi.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Matthew 1:1

De beebaa e sisi ai ingoo o dubuna madagidagi o Iesu Klisdo, de hagadiilinga o David, de mogobuna o Abraham:

Matthew 1:21

Ia e haanau naa dahi dama daane, gai koe ga hagaingoo ange ia go Iesu, go hiidinga ia e hagaola naa ono dangada mai i olaadeu haisala.”

Matthew 21:9

Gai dangada e hulo laa i ono mada i mua ma gilaadeu e loadu i ono dua ne hevaalogi, ga hagataba, “Hosanna ange gi Tama a David! E manuuia Tangada e humai i de ingoo o Tagi Maolunga! Hosanna i de mommee maolunga mmao!”

Matthew 22:42

ga hai ange, “Aahee oodou maanadu i dagodo o de Klisdo? Ia se dama niiai?” Gilaadeu ne hai ange gi de ia, “Ia se dama nii David.”

Luke 1:69

ia gu gaamai gi gidaadeu dahi Ia Hagaola mmahi, mai i de aamuli o dono dangada hai hegau go David,

John 4:42

Gai dangada ga hai ange gi de hine laa, “E dee go hiidinga donu huu o au muna amaadeu gu hagadonusia ai, gai go hiidinga gimaadeu gu langona donu ana muna, gai gimaadeu gu iloo donu bolo taane nei go Tangada Hagaola o henua i lalo.”

John 7:42

Gai tigi tala laa i de Beebaa Dabu bolo de Klisdo se aamuli niio David, gai ia e humai i Bethlehem, de aduhale o David ne noho ai?”

Acts 13:32

Gai gimaadeu e tala adu gi goodou denga longo danuaa: mee a de Maadua gu hagatoo donu ange ai gi odaadeu dubuna madagidagi,

Acts 2:30

Gai ia se pelaabisi, deenei ai, ia ne iloo bolo de Maadua gu lava i de hagatoo donu bolo ia e hai naa dahi dangada mai i dono aamuli gi noho i honga dono nohoanga hodooligi.

Acts 3:26

De masavaa a de Maadua ne hagamouli age ai dono dangada hai hegau, gai ia ne hai ia gi humai gi goodou i mua e hagamanuuia ai goodou, gai ia ga hai ai gi hulo gee goodou alodahi i oodou hegau baubau.”

Acts 4:12

E deai ange donu se hagamouli i daho dahi dangada ange, gai e deai ange donu se ingoo ne gaavange gi dangada o henua i lalo e maua i de hagamouli gidaadeu.”

Romans 1:3

go de longo danuaa e tala ai laa dagodo o dana Dama Daane, gai ne haanau mai i de aamuli o David,

Romans 11:26

Deenei de hai o Israel alodahi e hagamouli ai. Bei de hai gu sisi ai laa: “De Ia Hagaola e humai naa i Zion; gai ia e aau gee naa baubau o Jacob.

Titus 1:4

Ange gi Titus, dagu dama abodonu i de gai. De abodonu ma de baba mai i daho de Maadua Tamana aama Klisdo Iesu taadeu Ia Hagamouli gi dagodo i oo daha.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

2 Peter 1:11

Go hiidinga deenei de hai e mahuge adu ai de haitoga gi goodou, e ulu ai i de nohoanga hodooligi dee ngado mai o taadeu Dagi Maolunga ma de Ia Hagaola go Iesu Klisdo.

2 Peter 2:20

Noo gilaadeu gu ola mai i denga dahulinga hakino gee o henua i lalo, i delaadeu iloo taadeu Dagi Maolunga ma de Ia Hagamouli go Iesu Klisdo, gai gu aahe ange hogi ma gu hai ma de hagadee kii ina i mee nei, gai olaadeu dagodo i de hagaodi gu kii ange de baubau i taamada.

2 Peter 3:18

Aagai goodou gi hagadagadaga age i de abodonu ma doodou iloo taadeu Dagi Maolunga, go de Ia Hagaola go Iesu Klisdo. Gidaadeu gi hagamahamaha ina ia iainei ga hano ai e dee ngado mai! Amen.

2 Peter 3:2

Gai goodou gi manadua muna gu tala laa madagidagi i daho denga pelaabisi dabu ma muna a Tagi Maolunga de Ia Hagaola gu tala mai laa i daho oodou dangada tala.

1 John 4:14

Gai gimaadeu ne gidee ma de tala hagadonu, bolo Tamana ne gaamai dana Dama Daane e hai ai de Ia Hagaola o henua i lalo.

Jude 1:25

aama ange gi de Maadua e dahi laa donu huu, go taadeu Ia Hagaola, i hiidinga o Iesu Klisdo taadeu Dagi Maolunga, de mahamaha, ma de maolunga, ma ssauaa e dagi ai, ma de mmahi, mai i mua de hai o mee alodahi aama iainei ga hano ai e dee ngado mai. Amen.

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”