Acts 13:2 - De Beebaa Dabu

² Gai de masavaa olaadeu ne daumaha ange ai gi Tagi Maolunga, ma de hagahiikai, aagai de Hagasaalunga Dabu ga hai ange, “Goodou vaaea gee Barnabas ma Saul, ange gi de hegau aagu gu dai hagahi ange gilaau aagena.”

Acts 13:2 Iomraidhean Croise

1 Chronicles 16:4

Ia ne hili ange hogi hanu daane de aamuli o Levi gi haia hegau i mada i mua o de ngavesi a Tagi Maolunga, gi dalodalo, ma de hagaahe ange de abodonu, aama de tuhi Tagi Maolunga, de Maadua o Israel.

Daniel 9:3

Gai au ne hagammahi ga dalodalo ange gi de Ia Aamua go de Maadua; au ne dangidangi ma de dalodalo, ga hagahiigai ma de gahu i malo daladala aama de hulu i lehu.

Matthew 17:21

Gai mee bee nei e maua donu huu i de hai gi hulo i talodalo ma de hagahiikai.]”

Matthew 6:16

“Noo goodou e hagahiikai, gai goodou gi dee haia gi dagodo hagaaloha oodou mada, bei dagodo olaadeu e daahangadia dangada. Gilaadeu e hai gi dagodo hagaaloha olaadeu mada, gi gidee ai e dangada bolo gilaadeu e hagahiikai. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Matthew 9:38

Deenei ai, goodou dangidangi ange gi de Ia Aamua o tau gai, ia gi haia gi hulo de gau hai hegau gi dana dau gai.”

Luke 10:1

Dua mee nei, gai Tagi Maolunga ne hili e dinohidu ma dogolua dangada ga hai gi hulo dagi dogolua i ono mada i mua, gi denga aduhale ma mommee alodahi oona gu dai hano aagena.

Luke 2:37

gai ia tee ahe ange e hai bodu, de masavaa laa gai gu madavalu ma haa ono ngadau. Gai ia e dee hano gee donu i de temple, gai ia e daumaha ma de hagahiigai, aama de dalodalo i de boo ma de laangi i kilaa.

Acts 10:19

Gai de masavaa a Peter e maanadu ai dagodo o de midi laa, aagai de Hagasaalunga ⌊Dabu⌋ ga hai ange gi de ia, “E dogodolu daane gu loomai e ssala goe.

Acts 10:30

Gai Cornelius ga hai ange, “E haa laangi gu hulo, i de masavaa bee nei, gai au e noho ma e dalodalo i dogu hale i daha tolu i muli de hualaangi. Gai tilo, dahi daane ne humai ga duu i ogu mada i mua, gai ia e gahu i malo malamalama,

Acts 13:3

Gai ga odi huu de masavaa olaadeu e hagahiikai ai ma de dalodalo, gai gilaadeu ga dugu ange olaadeu lima gi honga o Saul ma Barnabas ga hai gilaau gi hulo.

Acts 13:4

Gai de Hagasaalunga Dabu ne hai gilaau gi hulo gi Seleucia, gai gilaau ne dele mai i kilaa ga hulo gi Cyprus.

Acts 14:26

Gai gilaau ne maalanga mai i kilaa ga ahe gi Antioch, go de mommee alaadeu ne dugu ange ai gilaau gi de abodonu o de Maadua, ange gi de hegau alaau gu lava laa i de hai.

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Acts 22:21

Aagai ia ne hai mai gi de au, ‘Hannoo, au e hai goe gi hano gi daho denga Gentile i de mommee mmao.’ ”

Acts 4:36

Gai Joseph, taane e hagaingoo ange laa go Barnabas (e bei go “taane e hagammahi ina ange lodo o dangada”) gai se dangada de aamuli o Levi mai i Cyprus,

Acts 6:4

Gai gimaadeu ga hagaduu ngae e dalodalo ma de agoago muna a de Maadua.”

Acts 8:29

Gai de Hagasaalunga ⌊Dabu⌋ ne hai ange gi a Philip, “Hannoo gi baa ange goe gi de hada laa.”

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Romans 1:1

Mai i daho Paul, tangada hai hegau o Klisdo Iesu gu hagahia laa gi se dangada tala, ma de hili ange gi daalaa de longo danuaa a de Maadua,

Romans 10:15

Gai dee hee de hai a dangada e agoago ai, noo teai ne hagasauaa ina gilaadeu gi hulo? Gai gu sisi e hai ange, “Ga dae laa de mahamaha vae o dangada e agoago ina de longo danuaa!”

Romans 15:16

go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.

1 Corinthians 12:11

Duuhanga nei alodahi ni hegau mai i daho dahi Hagasaalunga daudahi, go de ia e vaevae ange mee nei gi dahi ma dahi, bei dagodo o dana hilihili.

1 Corinthians 7:5

Tangada gi dee daohia dono angaanga i dono bodu, deelaa donu huu noo gilaau gu heloongoi i dahi masavaa bodobodo, bolo gilaau ga kave hanu masavaa e dalodalo ai, muli mai gai gilaau gi aahe ange gi hagahebaa, gi dee hagataalea ai goodou i Satan, i hiidinga goodou e dee maua i de daohi goodou gi dee hagahebaa.

2 Corinthians 11:27

ma de kona agu hegau e hai ma de hai ngadaa, ma tee seni i boo lagolago, ma de hiigai ma de hieunu, ma tee modu teai agu gai, ma teai sogu mommee e noho ai aama teai ogu malo.

2 Corinthians 6:5

ma demaadeu hagailiilihia, ma de haoa gi lodo hale pono, ma denga hellumi, ma denga hegau kona, ma tee maua de sseni i denga boo, ma de hiikai;

Galatians 1:15

Aagai de masavaa huu a de ia ne vaaea gee au i mua dogu haanau, ma de hagahi au i dono abodonu,

Ephesians 3:7

Gai dagodo o dogu hai ga se dangada hai hegau ange gi de longo danuaa, se mee ngadi gaamai gi de au i daho de Maadua i dono sauaa.

Deuteronomy 10:8

De masavaa laa gai Tagi Maolunga ne hili ange de aamuli o Levi, gi sabaia de ngavesi o de hagatoo donu hagaheloongoi a Tagi Maolunga, ma de hai hegau a Tagi Maolunga i dono hale, aama de hagamanuuia i dono ingoo, ga dae mai ai gi anailaa nei.

Colossians 4:17

Gai goodou hai ange gi Archippus, “Koe gi diiloo hagalava ina tuuhanga hegau a Tagi Maolunga gu gaavadu koe gi haia.”

1 Timothy 2:7

Deenei de hiidinga oogu ne hilia ai nei gi se dangada agoago, gai gi se dangada tala — au e tala adu de muna abodonu, au e dee hadu muna — gai se dangada e agoagona ange denga Gentile i de gai ma de mee abodonu.

2 Timothy 1:11

Gai au ne hili gi se dangada e hagadele ina aama de agoago i de longo danuaa nei,

2 Timothy 2:2

gai koe daohia au mee gu langona dagu tala i mada i mua o de gau tala hagadonu soa, gai koe ga agoagona ange ai gilaadeu e hai hegau i de mee abodonu, gai gilaadeu e maua hogi i de agoago ange ai de gau ange laa.

2 Timothy 4:11

Go Luke donu huu i ogu daha. Gai koe gaamai hogi a Mark madali goe, go hiidinga ia e haigamaiana mai donu gi de au.

2 Timothy 4:5

Aagai koe gi dagitilo i masavaa alodahi, ma de hagaduu ngae i de lodo mmahi i doo hagaduasala ina, ma de hai hegau a tangada e hagadele ina de longo danuaa, ma de hagasula hegau alodahi o dau duuhanga hegau.

Hebrews 5:4

Gai e deai donu se dangada e maua i de kave donu huu tuulanga nei, aagai go de Maadua e hilia ange ia aagena, bei dana hai ne hili ange ai laa Aaron.

1 Samuel 2:11

Gai Elkanah ga ahe gi dono hale i Ramah. Gai tama daane go Samuel ne noho ga hai hegau ange gi Tagi Maolunga, i daho tangada haimeedabu go Eli.