Acts 13:10 - De Beebaa Dabu

¹⁰ ga hai ange, “Koe se dama nii de ia hagabaubau laa, gai se ia donu e hai baasi ange gi de mee heohi alodahi. Koe e honu i mee alodahi e daahangadia dangada ma de vaivai dagodo. Koe tigi tuu donu dau hagahaisala dagodo o Tagi Maolunga?

Acts 13:10 Iomraidhean Croise

Genesis 18:19

Gai au gu lava i de hili ia, gai ia e hai naa ana dama ma dangada i dono hale gi daohia de haiava o Tagi Maolunga, ma de hai hegau i de mee heohi ma de hagamodu heohi, gai Tagi Maolunga e gaavange naa gi Abraham mee aana gu hagatoo donu ange ai gi de ia.”

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

2 Chronicles 17:6

Gai ia ne lodo mmahi i de hai lodo o Tagi Maolunga; ia ne aau gee hogi denga mommee daumaha ma denga duludulu laagau o Asherah i Judah.

Ecclesiastes 9:3

Deenei de mee baubau e hai i mee alodahi e hai i lalo de laa: de hagaodi o dangada alodahi e dagodo daudahi donu huu. E dahi ange mee, lodo o dangada e hoohonu i de baubau, gai de llodo ssenga e dagodo i olaadeu lodo i de masavaa olaadeu e mouli ai, gai muli mai gilaadeu e hulo gi daho de gau maakau.

Jeremiah 23:36

Aagai goodou e dee aahe ange donu e hagataba, ‘Muna hagadaemaha a Tagi Maolunga,’ go hiidinga dangada e tala muna nei e hagadonu ai alaadeu muna donu, ga hagahaisala ai muna a de Maadua e mouli laa, go Tagi o denga hagabuulinga hebagi, taadeu Maadua.

Hosea 14:9

Be goai e heiangi, gai ia e donu ange gi mee nei. Be goai e iloo mee, gai ia e iloo mee nei. Haiava o Tagi Maolunga e heohi; gai go gilaadeu e heohi e seesee ai, aagai de gau hagamaanege e laavea ga baakuu ai.

Matthew 13:38

De veelenga go henua i lalo; denga golee danuaa go dangada o de nohoanga hodooligi. Gai denga helii baubau go dama a de ia baubau laa.

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Matthew 3:7

Aagai de masavaa huu a John ne gidee ai denga Pharisee ma Sadducee gu loomai hogi e babudaisi i ono daha, gai ia ga hai ange gi gilaadeu, “Goodou dama a denga labodo hagammau, goai ne hai adu goodou gi hagaola ina goodou mai i de bole gu dai humai laa?

Luke 11:39

Aagai Tagi Maolunga ga hai ange gi de ia, “Goodou denga Pharisee e hagagilimalali laa daha o de ubu ma de gumedi, gai oodou lodo e hoohonu i de nnoo hagamau mee ma de baubau.

Luke 11:52

E vakaa naa goodou e de gau agoago o de hainga! Go hiidinga goodou gu kave gee de gii o de iloo mee; goodou tee ulu i de nohoanga hodooligi, gai goodou e buibui hogi dangada e llodo e ulu ai!”

John 1:23

Gai ia ne hai ange, “Au go de leo o dahi e oo laa i de vao ma e hagadaba, ‘Hagasoea de haiava o Tagi Maolunga,’ bei de hai a de pelaabisi go Isaiah gu tala ai laa.”

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

Acts 20:30

Gai e hanu donu hogi dangada i oodou magavaa e hiihidi age ga hagahaisala de mee heohi ga dagi gee ai hanu daina.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

Galatians 1:7

e dee se longo danuaa abodonu. Hanu dangada gu hai ma gu dee paba oodou lodo ma de hagatale de sui de longo danuaa o Klisdo.

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

2 Peter 2:15

Gilaadeu gu tili de haiava heohi, ma de daahuli gee ai. Gilaadeu gu daudali ange i de haiava o Balaam tama daane a Beor, go taane ne nnoo ange laa gi goloa e maua i hegau baubau.

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.