Acts 13:1 - De Beebaa Dabu

¹ De masavaa laa gai e hanu pelaabisi ma dangada agoago i de nohoanga dabu o Antioch: go Barnabas, ma Simeon e hagaingoo ange laa hogi go Niger, ma Lucius taane Cyrene, ma Manaen (se dangada ne madua age madali Herod, de tetrarch), aama Saul.

Acts 13:1 Iomraidhean Croise

Matthew 27:32

Gai de masavaa huu olaadeu e ssao ai e hulo gi tua de aduhale, gai gilaadeu gu hedae ange gi dahi daane Cyrene, dono ingoo go Simon. Gai gilaadeu ga hai ia gi sabaia de laagau lui o Iesu.

Luke 3:1

Gai de madaangahulu ma lima huu ngadau o Tiberius Caesar ne hodooligi ai — go de masavaa o Pontius Pilate e goobenaa ai i Judea, Herod go de tetrarch o Galilee, dono daina daane go Philip go de tetrarch Ituraea ma Traconitis, gai Lysanias go de tetrarch o Abilene —

Acts 11:30

Gai gilaadeu ne hai donu de hegau nei, ga gaavange denga sseene laa gi Barnabas ma Saul gi gaavee gi denga dagi i kilaa.

Acts 12:25

Gai Barnabas ma Saul ga aahe mai i Jerusalem i de masavaa ne lava ai delaau hegau, ga gaamai a John, e hagaingoo ange laa hogi go Mark madali gilaau.

Acts 13:9

Aagai a Saul, e hagaingoo ange laa hogi go Paul, gu honu i de Hagasaalunga Dabu, gai ia ga haaina ia,

Acts 15:32

Gai luu daane pelaabisi go Judas ma Silas, ne daulooloa hogi delaau pasa ange ga hagammahi ange lodo o denga daina.

Acts 15:35

Gai a Paul ma Barnabas ne nnoho i Antioch ga agoago ai, ma de tala ai muna a Tagi Maolunga, gai e soa ange dangada madali gilaau.

Acts 19:6

Gai de masavaa huu a Paul ne dugu ange ai luoono lima gi olaadeu elunga, gai de Hagasaalunga Dabu gu hano gi olaadeu elunga. Gai gilaadeu ga pasa i denga hagadaagangaa muna ma de pasa pelaabisi.

Acts 21:9

Taane nei e dogohaa ana damaa hine tigi hai bodu, gai delaadeu duuhanga hegau go de pasa pelaabisi.

Acts 4:36

Gai Joseph, taane e hagaingoo ange laa go Barnabas (e bei go “taane e hagammahi ina ange lodo o dangada”) gai se dangada de aamuli o Levi mai i Cyprus,

Acts 9:1

Aagai a Saul goi duudagi huu de hagamaatagu ma de daa gi maakau gilaadeu e hagadonusia Tagi Maolunga. Gai ia ne hano gi daho tangada haimeedabu maolunga,

Romans 16:21

Timothy, dogu soa e hai hegau laa madali au, e gaavadu hogi dana hagaboo gi goodou, aama denga daane Ssuu go Lucius, ma Jason aama Sosipater.

1 Corinthians 11:4

Taane e haolia dono biho e dalodalo ai aabe e basa pelaabisi ai, e dee hagadubu dono biho, ⌊go Klisdo,⌋

1 Corinthians 13:2

Gai noo au e maua i de basa pelaabisi, ma de donu ange gi mee alodahi e dee iloo laa, ma de kave de iloo mee alodahi, gai noo e dahi ogu gai e hagangaalue ai denga mounga, aagai e deai se aloha i ogu daha, gai au se ngadi mee donu.

1 Corinthians 13:8

De aloha e dee helui donu. Aagai denga muna pelaabisi e hagadeai naa donu; de basa i denga hagadaagangaa muna e tuu naa donu; gai de iloo mee e lilo naa hogi.

1 Corinthians 14:29

E dogolua aabe e dogodolu dangada gi pasa pelaabisi, gai de gau ange laa gi hagalaangona ma de hagasaelea dagodo o alaadeu muna.

1 Corinthians 14:32

Gai sauaa o tuuhanga go de basa pelaabisi go tangada e basa pelaabisi laa e daohia.

1 Corinthians 9:6

Aabe go gimaau donu huu ma Barnabas e hai gi hegau e hagadanuaa ai gimaau?

Galatians 2:13

Gai ia ne kave lodo o denga daane Ssuu ange laa gi hai hegau i de mee dee heohi, gai gilaadeu ne kave ai hogi lodo o Barnabas, gai ia ga daudali ange i alaadeu hegau dee heohi.

Galatians 2:9

Gai ga gidee huu e James, ma Cephas, aama John, go gilaadeu e hagabinga laa bolo ni dagi, de abodonu o de Maadua gu gaamai laa gi de au, gai gilaadeu ga luuluu omaau lima ma Barnabas, ga hai gimaau gi hulo gi denga Gentile, gai gilaadeu ne hulo gi de gau Ssuu.

Ephesians 4:11

Gai ia ne hai hanu gi ni dangada tala, hanu ni pelaabisi, hanu ni dangada e hagadele ina de longo danuaa, hanu ni dangada agoago taumaha, gai hanu ni dangada agoago,

Philippians 4:22

Dangada alodahi o de Maadua e gaavadu hogi delaadeu hagaboo gi goodou, gai e kii ai hugadoo dangada i de hale o Caesar i de llodo e gaavadu delaadeu hagaboo.

1 Thessalonians 5:20

gai goodou aude hagangadi mee ina agoago i de basa pelaabisi,