Acts 12:9 - De Beebaa Dabu

⁹ Gai Peter ga daudali ange i de ia ga sao ai gi duaahaho; gai ia tee iloo donu be mee a tangada de langi laa ne hai ni muna abodonu be deai, ia ne maanadu bolo ia e hai dahi midi.

Acts 12:9 Iomraidhean Croise

Genesis 45:26

Gilaadeu ne tala ange gi de ia, ga hai ange, “Joseph goi mouli huu. Gai ia se dagi i de henua alodahi o Egypt.” Gai Jacob gu lele mmao ono mouli; ia tee hagadonusia alaadeu muna.

Genesis 6:22

Gai Noah ne hai donu ga bei muna alodahi a de Maadua gu tala ange gi de ia.

Psalm 126:1

De masavaa a Tagi Maolunga ne hagaahe ange ai de manuuia o Zion, gai gimaadeu ne bei dagodo o dangada e midi.

John 2:5

Gai dono dinana ne hai ange gi de gau hai hegau, “Goodou haia gi bei mee alodahi aana e tala adu gi goodou.”

Acts 10:17

Gai de masavaa a Peter e hagasaele ai be dee hee de hagadoonunga o dana midi ne gide laa, gai denga daane a Cornelius ne hai laa gi loomai gu tuu i de haitoga o de buibui, i dua delaadeu ssili be dee hee de hale o Simon.

Acts 10:3

Dahi laangi i daha tolu i muli de hualaangi gai ia ne hai dahi midi hagaago ange. Ia ne gidee dahi dangada de langi o de Maadua, ne humai ga hai ange gi de ia, “Cornelius!”

Acts 11:5

“Dogu masavaa e dalodalo ai i de aduhale go Joppa, gai au ne hai dahi midi hagaago ange. Au ne gidee dahi mee be se malo laumalie ne hagasege iho mai i de langi i ono dege e haa, gai ne hano iho gi dogu mommee iai laa.

Acts 12:8

Gai tangada de langi laa ga hai ange gi de ia, “Gahu mage ulumagi ina oo mee vae.” Gai Peter ne hai ga bei ana muna. Gai tangada de langi laa ne hai ange gi de ia, “Haia doo malo laa daha mage sabinia ai doo angaanga mage daudali mai i de au.”

Acts 26:19

“Deenei ai, de hodooligi go Agrippa, au tee hagangadi mee donu de midi hagaago ange mai i de langi.

Acts 9:10

Aagai e dahi daane gu hagadonusia laa e noho i Damascus, dono ingoo go Ananias. Gai Tagi Maolunga ne hai ange gi de ia i de midi hagaago ange, “Ananias!” Gai ia ga hai ange, “Tagi Maolunga, deenei au.”

Hebrews 11:8

De gai o Abraham ne hai ga maua e ia i de daudali i muna a de Maadua, i dono masavaa ne hagahia ai gi hano gi de mommee gu bolo ange gi de ia i muli mai; ia ne hano, gai ia tee iloo donu be go hee oona e hano laa aagena.