Acts 12:7 - De Beebaa Dabu

⁷ Gai tilo, dahi dangada de langi o Tagi Maolunga ne humai ga duu i kilaa, gai gu maalama de aabi i lo te hale pono laa, gai ia ga hagaili de gaogao o Peter ga hhango ange ia, ga hai ange, “Hagamoolau hidi age!” Gai denga daula baalanga e noonooa ai laa luoono lima gu maatala ga too.

Acts 12:7 Iomraidhean Croise

2 Samuel 22:29

Uaa, Tagi Maolunga, go koe dagu laama; dogu Maadua e sui de gohu i ogu daha gi se maalama.

1 Kings 19:5

Gai ia ne dagodo ga seni i lalo de manu somo laa. Gai tilo, dahi dangada de langi ne humai ga poo ange ia, ga hai ange, “Alahage gaimee.”

1 Kings 19:7

Gai tangada de langi o Tagi Maolunga ne ahe mai ange i de lua hanonga ga poo ange ia, ga hai ange, “Alahage gaimee, gi dee hai ngadaa ai doo seesee e hano.”

Psalm 107:14

Ia ne hagassao mai gilaadeu i lo te goohunga ma de gohu boo dangodango, ma de duuduu olaadeu mee e noonooa ai laa.

Psalm 116:16

Tagi Maolunga, go au donu doo dangada hai hegau; go au doo dangada hai hegau, go tama daane a doo hahine hai hegau; koe gu tala ogu mee e nnoa ai.

Psalm 146:7

Ia e hagamodu muna o olaadeu e vaivai haia i de heohi; ma de gaavange gai a dangada e hiikai. Tagi Maolunga e hagassao mai gilaadeu i lo te hale pono;

Psalm 34:7

Tangada de langi o Tagi Maolunga e duuli ma de hagaloosi gilaadeu e maatagu i de ia, aama de hagaola gilaadeu.

Psalm 68:6

De Maadua e gaavange gi tangada hagaaloha dahi huaabodu, ma de hagassao mai dangada i de hale pono ga hagailaage gilaadeu; gai de gau makaga olaadeu lodo e nnoho naa i de henua e deai vai iai.

Isaiah 37:30

Gai deenei de hagailonga e hagadonu ai mee nei: de ngadau nei ma de ngadau e humai nei, gai goodou e gaimee naa i grain e ssomo age laa donu huu i gilaadeu, aagai tolu ngadau naa huu gai goodou ga doo ma de hagihagi oodou grain, aama de doo oodou veelengaa grape ga gai olaadeu hua.

Isaiah 60:1

⌊Jerusalem,⌋ hidi age, haia gi maalama goe, gu dae mai doo maalama, gai de mahamaha o Tagi Maolunga ga hagamaalama goe.

Jeremiah 40:1

Gai Tagi Maolunga ne hagaago ange ana muna gi Jeremiah i dua de hai a Nebuzaradan, tagi o de gau hagaloosi, Jeremiah gi hano i Ramah. Ia ne gidee ai Jeremiah i magavaa o dangada mai i Jerusalem ma Judah gu noonoodia laa e kave gi Babylon.

Ezekiel 43:2

gai au gu gidee de mahamaha o de Maadua o Israel e humai i dua. Gai dono leo e bei de hagangolo o denga vai, gai dono mahamaha gu hagamaalama honga de henua.

Daniel 3:28

Gai Nebuchadnezzar ga hagadaba, “Duuhia de Maadua o Shadrak, ma Meshak, aama Abednego, go de ia ne haia gi humai dono dangada de langi gi hagaola ina ono dangada hai hegau. Gilaadeu ne hagadonusia ia, ma tee daudali i muna a de hodooligi, gai ne dugu ange olaadeu angaanga e dudu i de ahi; gilaadeu tee hai hegau ange aabe ne daumaha ange gi dahi diinonga daudahi, aagai go delaadeu Maadua donu huu.

Daniel 6:22

Dogu Maadua ne hai gi humai dono dangada de langi, gi bonodia ngudu o denga laiono. Deenei ai, gilaadeu tee hagalagohia donu au, go hiidinga au tigi haisala ange donu gi de ia. De hodooligi, tigi ai hogi se mee dee heohi aagu gu hai adu gi de goe.”

Micah 7:9

Au e hagauda naa de bole o Tagi Maolunga, go hiidinga au gu haisala ange gi de ia, ga dae ai gi dana hagamodu ogu dagodo ma dana hagadaba bolo au gu heohi. Ia e hagasao mai naa au gi de mommee maalama; au e gidee naa dono hai hegau i de heohi.

Habakkuk 3:11

De laa ma de maasina gu tuu donu huu i lo te langi i de tili dao malamalama o dau mee hholu, ma de maalama o dau dao malamalama.

Habakkuk 3:4

Ia e masalaba bei dagodo o de maalama; denga uila e dabadaba mai i lo tono lima, go de mommee iai dono sauaa.

Matthew 2:13

Gai de masavaa o denga daane heiangi laa ne hulo gee ai, gai tangada de langi o Tagi Maolunga ga hakide ange gi Joseph i de midi, ga hai ange, “Hidi age gaavee tamaa gauligi ma dono dinana, ma goodou hulo gi Egypt ga nnoho ai, ga dae ai gi dagu hai adu koe gi ahe mai, go hiidinga Herod e ssala tamaa gauligi e daa gi magau.”

Luke 2:9

Gai tangada de langi o Tagi Maolunga ga hakide ange gi gilaadeu, gai de mahamaha o Tagi Maolunga gu hagamaalama gilaadeu, gai gilaadeu gu maatagu mmao.

Luke 24:4

De masavaa alaadeu e maanadu manavasaa ai i de mee gu hai laa, gai tilo, e dogolua dangada de langi gu tuu i olaadeu gaogao ma olaau malo malamalama mmao.

Acts 10:30

Gai Cornelius ga hai ange, “E haa laangi gu hulo, i de masavaa bee nei, gai au e noho ma e dalodalo i dogu hale i daha tolu i muli de hualaangi. Gai tilo, dahi daane ne humai ga duu i ogu mada i mua, gai ia e gahu i malo malamalama,

Acts 12:23

De masavaa laa donu huu gai tangada de langi o Tagi Maolunga ga hagaili Herod, gai denga ilo ga gai dono angaanga, gai ia gu magau, go hiidinga ia tee hagamahamaha de Maadua.

Acts 12:6

De boo i mua de hagasao mai a Herod Peter, gai Peter ne seni i magavaa o e dogolua daane hebagi ma de nnoa i e lua daula baalanga. Gai hanu daane hebagi e hagaloosi de haitoga o de hale pono laa.

Acts 12:8

Gai tangada de langi laa ga hai ange gi de ia, “Gahu mage ulumagi ina oo mee vae.” Gai Peter ne hai ga bei ana muna. Gai tangada de langi laa ne hai ange gi de ia, “Haia doo malo laa daha mage sabinia ai doo angaanga mage daudali mai i de au.”

Acts 16:26

De masavaa laa donu huu gai gu ngalungalue de henua, gai de hale pono laa alodahi gu ngalungalue; ono abaaba alodahi gu maahuge, gai denga daula baalanga e noonooa ai laa dangada gu maatala.

Acts 2:24

Aagai de Maadua gu hagamouli age hogi ia ma de hagaola ia mai i ssauaa o de magau, go hiidinga de magau e dee maua donu i de daohi ia.

Acts 5:19

Gai tangada de langi o Tagi Maolunga ga hhuge denga haitoga o de hale pono i de boo laa ga dagi gilaadeu ga kave gi duaahaho, ga hai ange,

Acts 9:3

Gai dono masavaa huu ne hano ai ga dai baa ange gi Damascus, gai gu hano iho dahi maalama i de langi ga hagamaalama dono mommee iai laa.

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”

Hebrews 1:14

E aha, de gau de langi e dee go hagasaalunga e hai laa gi hulo gi hai hegau ange gi gilaadeu gu hagamouli?

Revelation 18:1

Dua mee laa gai au ne gidee ange hogi dahi dangada de langi e hano iho i de langi, gai dono sauaa e laumalie mmao, gai henua i lalo alodahi gu maalama i dono mahamaha.