Acts 12:23 - De Beebaa Dabu

²³ De masavaa laa donu huu gai tangada de langi o Tagi Maolunga ga hagaili Herod, gai denga ilo ga gai dono angaanga, gai ia gu magau, go hiidinga ia tee hagamahamaha de Maadua.

Acts 12:23 Iomraidhean Croise

2 Kings 19:35

De boo laa gai tangada de langi o Tagi Maolunga ne hano ga daa e 185,000 daane i de mommee nnoho gaainga o de gau Assyria. Gai ga oho age huu denga daane i taiao age, gai gilaadeu gu gidee bolo de gau laa alodahi gu maakau.

2 Chronicles 32:21

Gai Tagi Maolunga ne hai gi humai dahi dangada de langi gi daia gi maakau denga daane hebagi alodahi ma denga dagi, aama dagi o de hebagi i de mommee nnoho gaainga o de hodooligi o Assyria. Gai ia ne ahe ga hano gi dono henua gu dogaa. Gai de masavaa oona ne hano ai gi lo te hale daumaha o dono diinonga, gai ana dama daane ga daa ia gu magau i de gadilaasa.

De Beebaa go Job 19:26

Gai ga maoha naa donu dogu gili, aagai dogu angaanga e gidee naa de Maadua.

De Beebaa go Job 7:5

Dogu angaanga alodahi gu iai ilo ma mangeo, dogu gili gu maoha gai denga maanuga gu augau ina.

Psalm 115:1

Tagi Maolunga, e dee niiomaadeu, e dee niiomaadeu, aagai niiou de mahamaha, i hiidinga doo abodonu, ma doo hai hegau i de muna abodonu.

Exodus 10:3

Gai Moses ma Aaron ga hulo gi daho Pharaoh, ga hai ange gi de ia, “E hagadaba Tagi Maolunga de Maadua o de gau Hebrew, ‘Dee hee maa taulooloa dau dee lodo e hagamaolalo goe i mada luoogu mada? Dugua dogu huaadangada gi hulo, gi maua ai e gilaadeu i de daumaha mai gi de au.

Exodus 12:12

Gai lo te madohi boo naa huu, gai au ga hagadaga i Egypt e daa gi maakau denga dama daane maatua a dangada, ma manu dolodolo alodahi a de gau Egypt, aama de hagaduasala denga diinonga alodahi o Egypt. Go au donu go Iahweh.

Exodus 12:23

Go hiidinga Tagi Maolunga e hagadaga naa e daa de gau Egypt, gai de masavaa naa huu aana e gide ai denga dodo e hulu ai laa de laagau i de ulu aama luu baasi o de haitoga, gai Tagi Maolunga ga hagasili de haitoga laa. Ia e dee dugu ange naa donu tangada de langi o de magau gi ulu i lodo oodou hale gi daia ai goodou.

Exodus 12:29

Gai lo te madohi boo huu, gai Tagi Maolunga ga daa gu maakau denga dama daane maatua alodahi i honga de henua go Egypt, mai i tama daane madua a Pharaoh e noho laa i honga dono nohoanga, ga dae ai loo gi tama madua a tangada i lo te hale pono, aama dama maatua alodahi a denga manu haangai.

Exodus 9:17

Gai koe e duudagi donu huu de hagamaolunga huu i dogu huaadangada, koe tigi dugu donu gilaadeu gi hulo.

Proverbs 12:8

Dangada e tuhi tangada maanetonu, aagai dangada e kino i tangada maanadu baubau.

Isaiah 14:11

Doo mahamaha alodahi gu tili iho gi de mommee o de gau maakau, madali leo o au harp e hagadangidangi ai; denga ilo gu tolo i doo mommee e dagodo ai, gai gu haoli doo angaanga alodahi.

Isaiah 37:23

Goai donu aau ne hagadogaa laa ma de hagangadi mee? Gai goai aau ne basa bole ange naa ma de hagamaolunga ange aagena? Koe gu hai baasi ange donu gi de Ia Dabu o Israel!

Isaiah 51:8

Go hiidinga de lengisi e gai naa gilaadeu bei dahi malo, gai de ilo e gai naa gilaadeu bei malo e hai laa i huluhulu o denga manu. Aagai dogu heohi e dee ngado mai donu, gai dagu hagaola e dagodo i denga atangada alodahi.”

Isaiah 66:24

Gilaadeu e hulo naa ga tilo angaanga o de gau maakau ne hai baasi mai gi de au; denga ilo i olaadeu angaanga e dee maakau naa donu, gai de ahi e dee diinei naa hogi, gai gilaadeu alodahi e hai naa ga ni mee hakino gee ange gi dangada alodahi.”

Ezekiel 28:2

“Tama a tangada, hai ange gi de hodooligi o Tyre, ‘E hagadaba de Ia Aamua go Iahweh: Koe e hagadaba i doo lodo maolunga, “Au se maadua; au e noho i honga de nohoanga o dahi maadua, i lo te ungaalodo o de moana.” Aagai koe se dangada donu huu, e dee se maadua, gai koe e maanadu bolo koe e heiangi bei dahi maadua.

Ezekiel 28:9

E aha, e maua naa huu e goe i de hagadaba, “Au se maadua,” i madamada o dangada e daia goe ga magau? Koe e bei donu huu dagodo o dangada e maakau laa, e dee se maadua, i de masavaa alaadeu e poo ai goe ga daa gi magau.

Acts 12:22

Gai dangada ne hevaalogi ga hagataba, “De leo nei go de leo o dahi diinonga, e dee go de leo o dahi dangada!”

Acts 5:19

Gai tangada de langi o Tagi Maolunga ga hhuge denga haitoga o de hale pono i de boo laa ga dagi gilaadeu ga kave gi duaahaho, ga hai ange,

2 Thessalonians 2:4

Gai ia e hai baasi ange ma de hagamaolunga i mee alodahi e hagaingoo ange bolo se maadua, aabe go mee e daumaha ange laa dangada aagena. Ia e noho naa hogi i de temple o de Maadua ma de hagadaba bolo ia go de Maadua.

1 Samuel 25:38

Gai dua huu e madaangahulu laangi, gai Tagi Maolunga ga hagaili Nabal, gai ia gu magau.