Acts 12:19 - De Beebaa Dabu

¹⁹ Gai de masavaa huu a Herod ne ssala ai Peter, gai tee gidee e ia. Gai ia ga hagadaba bolo gi daia gi maakau denga daane hebagi ne hagaloosia laa Peter. Gai ia ga hano gee mai i Judea ga hano gi Caesarea ga noho ai.

Acts 12:19 Iomraidhean Croise

1 Kings 20:43

Gai de hodooligi o Israel gu daemaha ma de lili, gai ia ne ahe gi dono hale i Samaria.

Esther 6:12

Dua mee nei gai Mordecai ne ahe gi de haitoga o de hale o de hodooligi. Aagai Haman ne hagamoolau ga hano gi dono hale, ga haoli dono biho i hiidinga de daemaha ono lodo.

Jeremiah 36:26

Gai de hodooligi ne tala ange gi Jerahmeel, dahi dama daane a de hodooligi, ma Seraiah tama daane a Azriel, ma Shelemiah tama daane a Abdeel, gilaadeu gi hulo gi boogia tangada sisi go Baruch ma de pelaabisi go Jeremiah. Aagai Tagi Maolunga gu lava i de hagammuni gilaau.

Matthew 2:1

Dua de haanau o Iesu i Bethlehem, go dahi aduhale o Judea, i de masavaa o de hodooligi go Herod, gai tilo, hanu daane heiangi ne loomai gi Jerusalem i baasi i dua,

Matthew 2:13

Gai de masavaa o denga daane heiangi laa ne hulo gee ai, gai tangada de langi o Tagi Maolunga ga hakide ange gi Joseph i de midi, ga hai ange, “Hidi age gaavee tamaa gauligi ma dono dinana, ma goodou hulo gi Egypt ga nnoho ai, ga dae ai gi dagu hai adu koe gi ahe mai, go hiidinga Herod e ssala tamaa gauligi e daa gi magau.”

Matthew 2:16

De masavaa huu a Herod ne iloo ai bolo de gau heiangi laa gu daahanga ia, gai ia gu lili mmao, gai ia ga hai hanu gi hulo gi Bethlehem, gi daia ai gi maakau denga gauligi daane alodahi gu dagilua laa olaadeu ngadau ga hano iho ai, aama mommee alodahi e paa ange gi kilaa. Ia ne kumi ange gi dana masavaa ne hagadonu ai mee laa i daho denga daane heiangi.

Acts 12:18

De masavaa huu ne ao ai de mee, gai gu kona tee paba o denga daane hebagi, go hiidinga gilaadeu gu dee gidee Peter.

Acts 12:4

Ia ne poo Peter ga hhao gi lo te hale pono, ga gaavange ia gi e haa hagabuulinga hebagi e dagihaa laa daane hebagi iai gi hagaloosia ange ia. Ia ne hagatau de hagasao mai Peter e hai dangada gi hagamodu ina ono muna, i dua Taonga Hagasili.

Acts 12:6

De boo i mua de hagasao mai a Herod Peter, gai Peter ne seni i magavaa o e dogolua daane hebagi ma de nnoa i e lua daula baalanga. Gai hanu daane hebagi e hagaloosi de haitoga o de hale pono laa.

Acts 16:27

Gai de masavaa huu o taane hagaloosi o de hale pono ne alahage ai ga gidee denga abaaba o de hale pono gu maahuge, gai ia ga dada dana gadilaasa e velo ai donu huu ia gi magau, go hiidinga ia ne maanadu bolo dangada i lo te hale pono gu odi i de sasao ma gu hulo.

Acts 21:8

Aagai de laangi i ono dua, gai gimaadeu ne malanga ga hulo gi Caesarea; gai gimaadeu ne loage gi de hale o Philip ga nnoho ai i ono daha, ia se taane e hagadele ina de longo danuaa, gai go dahi i magavaa o denga daane dogohidu.

Acts 25:13

Dua hanu laangi, gai de hodooligi go Agrippa ma Bernice gu loomai gi Caesarea e hedae ange ai gi Festus.

Acts 27:42

Gai denga daane hebagi ne nnoho e daa gi maakau denga daane gu noonoodia laa, i hiidinga gilaadeu e manavasaa kana kau age gilaadeu ga hulo, gai gilaadeu gu ola.

Acts 8:40

Aagai a Philip gu dae gi Azotus, gai ia ga hagadaga i denga aduhale alodahi ga agoago ai de longo danuaa, ga dae ai loo gi Caesarea.

1 Samuel 23:14

Gai David ne noho i lodo mommee makaga i de vao, ma mommee iai mounga i de vao o Ziph. Laangi alodahi gai a Saul ne ssala ia, aagai de Maadua tee dugu ange David gi de ia.