Acts 12:17 - De Beebaa Dabu

¹⁷ Gai Peter ga daodaohi ange dono lima, ga hai gilaadeu gi dee pasa, gai ia ga tala ange gi gilaadeu de hai a Tagi Maolunga ne hagasao mai ai ia i lo te hale pono. Ia ne hai ange hogi gi gilaadeu, “Goodou hulo daalaa ange gi James ma denga daina ange laa mee nei.” Aagai ia ga hano gee mai i kilaa ga hano gi dahi mommee gee.

Acts 12:17 Iomraidhean Croise

Psalm 146:7

Ia e hagamodu muna o olaadeu e vaivai haia i de heohi; ma de gaavange gai a dangada e hiikai. Tagi Maolunga e hagassao mai gilaadeu i lo te hale pono;

Psalm 66:16

Goodou alodahi e maatagu i de Maadua, loomai hagalaangona, gai au ga tala adu dagodo ana mee ne hai mai gi de au.

Matthew 10:23

De masavaa naa huu oodou e vaivai haia ai i dahi aduhale, gai goodou saavini hulo gi de aduhale e mua ange. Ni muna abodonu aagu e hai adu nei gi goodou, Tama a Tangada e dae mai naa i mua doodou hulo gi aduhale hugadoo o Israel.

Mark 6:3

E dee deenei de labagau, go tama daane a Mary, taina daane o James, ma Joses, ma Judas, aama Simon? Gai ono daina haahine e dee nnoho nei hogi madali gidaadeu?” Gai gilaadeu tee hagadonusia ia.

Luke 1:22

Gai de masavaa huu oona ne sao mai ai, gai ia gu dee maua i de basa ange gi dangada, gai gilaadeu gu iloo bolo ia gu gidee dahi midi hagaago ange i lo te temple. Aagai Zechariah ne hagatale de tala ange ana muna i luoono lima, ia gu dee maua i de basa.

John 10:40

Gai Iesu ne ahe ga hano gi de baasi laa o Jordan, i de mommee a John nogo babudaisi ai laa i laangi i mua.

John 11:54

Deelaa ai, Iesu gu dee hagasula ange gi de gau Ssuu. Aagai ia ne hano gi dahi mommee i gaogao de vao, gi de aduhale go Ephraim, gai ia ga noho i kilaa madali ana dangada agoago.

John 13:24

Gai Simon Peter ne aloalohagi ange tangada agoago laa ia gi siilia ange gi Iesu be goai oona e basa ai laa.

John 7:1

Dua mee nei gai Iesu ne hagadaga saele i Galilee; ia tee hagadaga saele i Judea, go hiidinga de gau Ssuu e ssala de hai e daa ai ia gi magau.

John 8:59

Gai gilaadeu ga poo age denga hadu e maga ai ia, gai Iesu ga hagalilo ga sao ga hano gee mai i de mommee o de temple.

Acts 1:15

Laangi laa gai Peter ne duu age i magavaa o dangada gu hagadonusia laa (taelodo o dangada i kilaa se 120) ga hai ange,

Acts 12:16

Gai Peter ne duudagi dana dugidugi de haitoga; gai de masavaa huu alaadeu ne hhuge ai de haitoga, gai gilaadeu gu gidee ia, gai gilaadeu gu llele mouli mmao.

Acts 12:18

De masavaa huu ne ao ai de mee, gai gu kona tee paba o denga daane hebagi, go hiidinga gilaadeu gu dee gidee Peter.

Acts 13:16

Gai Paul ne hidi age ga daodaohi ange dono lima ga hai ange, “Denga daane o Israel, ma goodou e maatagu i de Maadua, goodou nnoho mai hagalaangona!

Acts 15:13

Gai ga lava huu muna a Paul ma Barnabas, gai James ga hai ange gi gilaadeu, “Denga daina, goodou nnoho mai hagalaangona agu muna.

Acts 16:40

Gai gilaau ga ssao mai i de hale pono ga hulo gi de hale o Lydia, ga hedae ange ai gi denga daina ga hagammahi ange olaadeu lodo. Gai gilaau ga hulo gee mai i kilaa.

Acts 19:33

Gai de gau Ssuu ne usu Alexander gi mada i mua, gai hanu i magavaa o dangada ne tala ange ana mee e hai. Gai Alexander ga daohi age dono lima ga hai gilaadeu gi dee hagalongaa, gi maua ai e ia i de tala ange dono donu ange gi dangada.

Acts 21:18

De laangi i ono dua, gai gimaadeu ma Paul ne hulo gi daho James; gai denga dagi alodahi gu i kilaa.

Acts 21:40

Gai de masavaa huu a tagi laa ne dugu ange ai dono masavaa, gai a Paul ga duu i honga de gaagenga ga daodaohi ange dono lima gi dangada. Gai dangada gu dee mmuu, gai ia ga basa ange gi gilaadeu i muna Aramaic, ga hai ange:

Acts 28:15

Gai ga langona huu e denga daina bolo gimaadeu gu dai tae adu, gai gilaadeu ga loomai ga hedae mai gi gimaadeu i de Mommee Hagao Mee o Appius, ma denga Hale Gaainga e Dolu. Gai ga gidee huu e Paul gilaadeu, gai ia ga hagaahe ange de abodonu gi de Maadua, gai gu maamaane ono lodo.

1 Corinthians 15:7

Ia ne hakide ange hogi gi James, gai muli mai go de gau tala alodahi.

Galatians 1:19

Aagai teai ange donu agu dangada tala ne gidee, go James donu huu, taina o Tagi Maolunga.

Galatians 2:12

Go hiidinga i mua de tae mai o denga daane a James ne hai laa gi loomai, gai Peter nogo gaimee madali denga Gentile; aagai ga tae mai huu denga daane laa, gai ia gu dee hagabuni ange gi denga Gentile, go hiidinga ia gu madagu i de hagabuulinga o de tuu dagaholiage.

Galatians 2:9

Gai ga gidee huu e James, ma Cephas, aama John, go gilaadeu e hagabinga laa bolo ni dagi, de abodonu o de Maadua gu gaamai laa gi de au, gai gilaadeu ga luuluu omaau lima ma Barnabas, ga hai gimaau gi hulo gi denga Gentile, gai gilaadeu ne hulo gi de gau Ssuu.

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.