Acts 11:14 - De Beebaa Dabu

¹⁴ Gai ia ga tala adu ai gi de goe ma dangada i doo hale alodahi doo hai e hagamouli ai.’

Acts 11:14 Iomraidhean Croise

Genesis 17:7

Gai au e hai naa dahi hagatoo donu hagaheloongoi e dee ngado mai adu gi de goe, ma doo hagadiilinga e loomai i oo dua, aama olaadeu atangada alodahi, bolo au go doo Maadua aama de Maadua o doo hagadiilinga e loomai i oo dua.

Genesis 18:19

Gai au gu lava i de hili ia, gai ia e hai naa ana dama ma dangada i dono hale gi daohia de haiava o Tagi Maolunga, ma de hai hegau i de mee heohi ma de hagamodu heohi, gai Tagi Maolunga e gaavange naa gi Abraham mee aana gu hagatoo donu ange ai gi de ia.”

Psalm 103:17

Aagai de abodonu o Tagi Maolunga se mee ange gi gilaadeu e maatagu i de ia, mai i de masavaa e dee ngado mai ga dae ai gi de masavaa e dee ngado mai, gai dono heohi e dohu ange gi denga atangada alodahi,

Psalm 112:2

Dono aamuli e maolunga naa i honga de henua; de atangada o tangada heohi e manuuia naa.

Proverbs 20:7

Tangada heohi e hai hegau laa i de mee abodonu, e hai naa ga manuuia denga dama e loomai i ono dua.

Jeremiah 32:39

Au e hai naa gilaadeu gi buni i de lodo daudahi ma de hagatau daudahi, gai gilaadeu e maatagu naa i de au ga hano ai, gi danuaa ange ai gi gilaadeu ma alaadeu dama i muli mai.

Mark 16:16

Gai be goai e hagadonusia ga babudaisi gai ia e hagamouli. Aagai be goai e dee hagadonusia, gai ia e hagaduasala donu.

Luke 19:10

Go hiidinga Tama a Tangada ne humai e ssala ma de hagaola gilaadeu gu dee maaleva laa.”

John 12:50

Gai au e iloo bolo ana muna e tala go de mouli e dee ngado mai donu. Deelaa ai, agu muna e tala nei e tala donu bei de hai a Tamana gu tala mai ai gi de au.”

John 20:31

Aagai mee nei ne sisi gi hagadonusia ai e goodou, bolo Iesu go de Klisdo donu, go Tama Daane a de Maadua, gai gi maua ai e goodou de mouli i doodou hagadonusia ia.

John 4:53

Gai dono damana gu iloo bolo go de aoaa donu a Iesu ne hai ange ai gi de ia, “Dau dama daane e mouli donu.” Gai ia ma dangada alodahi i dono hale gu hagadonusia.

John 6:63

Go de Hagasaalunga ⌊Dabu⌋ e gaavange de mouli; de angaanga e deai ono haigamaiana. Muna aagu gu tala adu gi goodou go de Hagasaalunga ma de mouli.

John 6:68

Simon Peter ne hai ange gi de ia, “Tagi Maolunga, gai go daho ai ange naa omaadeu e hulo aagena? Gai go oo daha iai muna o de mouli e dee ngado mai.

Acts 10:2

gai gilaadeu ma dangada alodahi i dono hale e maatagu i de Maadua, gai e abodonu ange gi de gau hagaau aloha, ma de dalodalo ange gi de Maadua i masavaa alodahi.

Acts 10:22

Gai gilaadeu ga hai ange, “Cornelius, dahi dagi o de lau, se daane heohi ma de madagu i de Maadua, ma de tuhi i daho de huaahenua o de gau Ssuu, dahi dangada de langi dabu ne hai ange ia gi alumia mai goe gi hanadu gi dono hale, gai ia ga hagallongo ai au muna e tala ange.”

Acts 10:43

Denga pelaabisi alodahi ne tala bolo dangada alodahi e hagadonusia ia gu maatala olaadeu haisala i dono ingoo.”

Acts 10:6

Ia e noho i daho Simon taane hai gili manu, gai dono hale e duu i gaogao tai.”

Acts 11:13

Gai ia ne tala mai gi gimaadeu bolo ia ne gidee dahi dangada de langi, ne humai ga duu i lo tono hale, ga hai ange gi de ia, ‘Haia gi hulo hanu dangada gi Joppa gi hagahia gi humai Simon, e hagaingoo ange laa go Peter.

Acts 16:15

Aagai dua huu dono babudaisi madali dangada alodahi i dono hale, gai ia ne dangidangi mai gimaadeu, ga hai mai, “Noo goodou e hagataba bolo au gu hagadonusia abodonu Tagi Maolunga, gai goodou loomai nnoho i dogu hale.” Gai ia ne usuusu mai gimaadeu ga dae ai gi demaadeu uaa ange.

Acts 18:8

Gai Crispus, tagi o synagogue gu hagadonusia hogi Tagi Maolunga, madali dangada alodahi i dono hale, gai gu soa hogi dangada Corinth ne hagadonusia i delaadeu langona muna a Paul, gai gilaadeu gu babudaisi.

Acts 2:39

De hagatoo donu nei se mee adu gi goodou ma oodou dama, aama dangada e mmao gee laa; go dangada alodahi a Tagi Maolunga de Maadua e hagahi.”

1 Corinthians 1:16

Au ne babudaisi hogi dangada i de hale o Stephanas. Gai au e dee manadua be e hanu ange dangada aagu ne babudaisi aabe e deai.)