Acts 10:41 - De Beebaa Dabu

⁴¹ Gai e dee go dangada alodahi ne gidee ia, aagai go gimaadeu donu huu, a de Maadua gu lava laa i de hili e hai gi ni dangada e daalaa hagadonu mee nei — go gimaadeu ne gaimee laa ma de unu madali ia, i dua dono mouli age mai i de magau.

Acts 10:41 Iomraidhean Croise

Luke 24:30

De masavaa oona ne nnoho ange ai e gaimee madali gilaau, gai Iesu ga poo mai dahi pelaoaa, ga hagaahe ange de abodonu, gai ia ga dohidohi ga gaavange gi gilaau.

Luke 24:48

Gai go goodou de gau tala hagadonu o mee nei.

John 14:17

go de Hagasaalunga o de muna abodonu. Gai de gau henua i lalo e dee maua i de kave ia gi olaadeu lodo, go hiidinga gilaadeu e dee gidee aabe e iloo ia. Gai goodou gu iloo ia, go hiidinga ia e noho madali goodou ma de noho i oodou lodo.

John 14:19

E dee mmule naa donu, gai de gau henua i lalo gu dee gidee au, aagai goodou e gidee au; go hiidinga au e mouli gai goodou e mouli naa hogi.

John 14:22

Judas (e dee go Judas Iscariot) ne ssili ange gi de ia, “Tagi Maolunga, gu aha gu hagaago mai ai donu huu goe oo dagodo gi gimaadeu, gai e dee hagaago ange gi henua i lalo?”

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

John 15:27

Gai goodou ga tala hagadonu ai hogi ogu dagodo, go hiidinga goodou gu nnoho mai huu madali au i taamada.

John 21:13

Gai Iesu ne humai, ga poo denga pelaoaa laa ga gaavange gi gilaadeu, ia ne gaavange hogi gi gilaadeu denga mamu laa.

Acts 1:22

mai i de masavaa a John ne babudaisi ai ga dae ai gi de laangi o Iesu ne gaavee gee ai i odaadeu daha ga gaavage gi lunga — dahi gilaadeu nei e hai gi se dangada e daalaa hagadonu dagodo o dono mouli age madali gidaadeu.”

Acts 1:4

Dono masavaa nogo noho ai i olaadeu daha, gai ia ne hai ange gi gilaadeu, “Goodou e dee hulo gee mai i Jerusalem, gai goodou nnoho daalia de hagatoo donu a Tamana, go mee oodou gu langona mai i ogu daha.

Acts 10:39

Gai go gimaadeu e daalaa hagadonu dagodo o ana mee alodahi ne hai i de henua o de gau Ssuu aama Jerusalem. Gai gilaadeu ne daa ia ga magau ga daudau i de laagau lui.

Acts 13:31

gai ia ne hakide ange gi dangada ne loomai madali ia i Galilee gi Jerusalem i hanu laangi lagolago, go gilaadeu e daalaa hagadonu ono dagodo ange gi dangada iainei.