Acts 1:8 - De Beebaa Dabu

⁸ Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Acts 1:8 Iomraidhean Croise

Psalm 22:27

Henua i lalo alodahi e manadua, ma de daahuli mai gi Tagi Maolunga; gai aamuli alodahi o denga huaahenua e daumaha adu naa gi de goe.

Psalm 98:3

Ia tee ngalo donu dono abodonu, ma de hai hegau i de mee abodonu ange gi de gau Israel. Henua i lalo alodahi gu gidee e gilaadeu de kii o taadeu Maadua.

Isaiah 42:10

Daahili ange gi Tagi Maolunga i taahili hoou, duuhia ia i henua i lalo alodahi, go goodou e loiho gi tai, ma mee alodahi i ono lodo, goodou denga mommee i tagudai, ma mee alodahi e mouli i kilaa.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Isaiah 66:19

Au e hagaduu ange naa dahi hagailonga i olaadeu magavaa, ma de hai hanu gilaadeu ne ola gi hulo gi denga huaahenua: go Tarshish, ma Put, ma Lud, go dangada e mmau i de tili mee hholu, ma Tubal ma de gau Greek, ma mommee i tagudai tigi langona e gilaadeu ogu longo aabe gidee dogu mahamaha. Gilaadeu e tala ange gi denga huaahenua dagodo o dogu mahamaha.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Micah 3:8

Aagai ogu dagodo, au gu hhao ma gu honu i de mmahi ma de Hagasaalunga o Tagi Maolunga, ma de hagamodu heohi, aama de mmahi, e tala ange ai gi Jacob ono haisala, ma de tala ange gi Israel ono baubau.

Zechariah 4:6

Gai ia ne hai ma gi de au, “Aanei muna a Tagi Maolunga ne tala ange gi Zerubbabel: e dee go mahi aabe go ssauaa o tangada, aagai go mahi o dogu Hagasaalunga, aanei muna a Tagi o denga hagabuulinga hebagi.

Matthew 24:14

Gai de longo danuaa o de nohoanga hodooligi o de Maadua, e tala naa i henua i lalo alodahi, gi langona ai e denga huaahenua alodahi mee nei. Aagai dua naa huu mee nei, gai gu dae mai de hagaodi.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Luke 1:35

Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

Luke 10:19

Tilo, au ne gaavadu gi goodou ssauaa e dagadagahi ai denga labodo hagammau ma manu manga lua gi lalo oodou vae, aama ssauaa e mmahi ange laa i ssauaa o de ia hagabaubau, gai e deai donu se mee daudahi e maua i de hagammae goodou.

Luke 24:29

Gai luu daane laa ga usuusu ange ia ga hai ange, “Noho i omaau daha, go hiidinga gu ahiahi de mee, gai gu dai gohu hogi de mee.” Deelaa ai, ia ne noho i olaau daha.

John 15:27

Gai goodou ga tala hagadonu ai hogi ogu dagodo, go hiidinga goodou gu nnoho mai huu madali au i taamada.

Acts 1:22

mai i de masavaa a John ne babudaisi ai ga dae ai gi de laangi o Iesu ne gaavee gee ai i odaadeu daha ga gaavage gi lunga — dahi gilaadeu nei e hai gi se dangada e daalaa hagadonu dagodo o dono mouli age madali gidaadeu.”

Acts 1:5

Go hiidinga a John ne babudaisi i vai; gai e dee mmule naa donu gai goodou gu babudaisi i de Hagasaalunga Dabu.”

Acts 13:31

gai ia ne hakide ange gi dangada ne loomai madali ia i Galilee gi Jerusalem i hanu laangi lagolago, go gilaadeu e daalaa hagadonu ono dagodo ange gi dangada iainei.

Acts 2:32

Deenei Iesu a de Maadua ne hagamouli age laa, gai gimaadeu alodahi e tala hagadonu mee nei.

Acts 22:15

Gai koe e hai naa ga se dangada tala hagadonu niiona, gai koe ga tala ange ai gi dangada alodahi mee aau gu gide ma de langona.

Acts 3:15

Goodou ne daa ga magau Tagi o de mouli, gai de Maadua ne hagamouli age ia mai i de magau. Gai gimaadeu ni dangada e daalaa hagadonu dagodo o mee nei.

Acts 4:33

Gai de gau tala ne duudagi de tala hagadonu dagodo de mouli age o Tagi Maolunga go Iesu i ssauaa laumalie. Gai de abodonu laumalie o de Maadua gu dagodo i olaadeu daha alodahi.

Acts 5:32

Gai gimaadeu ni dangada e daalaa hagadonu dagodo o mee nei. Gai e bei ai hogi de Hagasaalunga Dabu, go ia a de Maadua gu gaavange gi dangada alodahi e daudali i ono lodo.”

Acts 6:8

Gai Stephen gu honu i de abodonu ma ssauaa o de Maadua, gai ia ga hai denga mee hagalele mouli ma hagailonga i magavaa o dangada.

Acts 8:1

Gai a Saul ne buni ange donu gi de magau o Stephen. Gai go de laangi laa ne daamada ai de vaivai haia o de nohoanga dabu i Jerusalem. Gai dangada alodahi gu mavaevae saele gi denga mommee i Judea ma Samaria, go de gau tala donu huu e doe.

Romans 10:18

Aagai au e ssili adu: E aha, gilaadeu tigi langona laa donu? Uaa, gilaadeu gu langona donu, go hiidinga gu sisi e hai ange, “Olaadeu leo gu hulo ma gu tae gi henua i lalo alodahi, gai alaadeu muna gu tae gi luu bido o henua i lalo.”

Romans 15:19

ma hagailonga mmahi ma mee hagalele mouli, i ssauaa o de Hagasaalunga o de Maadua. Gai au gu agoago de longo danuaa o Klisdo alodahi, mai i Jerusalem ga dae ai gi Illyricum,

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.