Acts 1:6 - De Beebaa Dabu

⁶ Gai de masavaa huu olaadeu ne hagabuni ai, gai gilaadeu ga ssili ange gi de ia, “Tagi Maolunga, koe ga hagaahe ange naa de nohoanga hodooligi gi de gau Israel iainei?”

Acts 1:6 Iomraidhean Croise

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Isaiah 1:26

Au e hagaahe adu naa oo dangada hagamodu bei de masavaa i mua, gai oo dangada hagasaele gi bei taamada age. Muli mai naa huu gai koe e hagaingoo ange go de Aduhale Heohi ma de Aduhale e Hai Hegau i de Mee Abodonu.”

Jeremiah 33:26

gai au e tili naa hogi hagadiilinga o Jacob ma dogu dangada hai hegau go David, gai au e dee hili naa hogi dahi ono hagadiilinga gi dagina hagadiilinga o Abraham, ma Isaac, aama Jacob. Gai au e hagaahe ange naa delaadeu manuuia aama de lodo aloha ange gi gilaadeu.”

Daniel 7:27

Gai ssauaa e dagi ai, ma de mmahi aama de mahamaha o denga nohoanga hodooligi i lalo de langi alodahi, e gaavange naa gi de gau dabu, go dangada o de Ia Maolunga Mmao laa. Gai dono nohoanga hodooligi e dagodo naa donu huu ga hano ai, gai dagi alodahi e daumaha ange naa gi de ia ma de hagallongo ange gi de ia.’

Hosea 3:4

De gau Israel e daulooloa naa teai selaadeu hodooligi aabe se dagi i de henua, gu deai alaadeu sigidaumaha be ni duludulu dabu, e deai hogi olaadeu ephod aabe ni diinonga i lodo olaadeu hale.

Amos 9:11

“De laangi laa gai au e hagaahe age naa de hale malo o David gu maoha laa, ma de hai ange naa mommee gu masaavava laa, ma de hagaahe age mommee gu maoha, aama de hagaduu age ange gi bei ono dagodo madagidagi.

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Matthew 17:11

Iesu ne hai ange gi gilaadeu, “Ni muna abodonu Elijah e humai naa donu, gai ia ga hagadabena ai mee hugadoo.

Matthew 20:21

Iesu ne ssili ange gi de ia, “Se aha oou e lodo ai?” De hine nei ne hai ange gi Iesu, “Dugua ange luaagu dama gi nnoho madali goe i honga doo nohoanga hodooligi, dahi i doo baasi madau, gai dahi i doo baasi masui.”

Matthew 24:3

De masavaa o Iesu ne hano ai ga noho i honga de Mounga o denga Olive, gai ana dangada agoago ga loomai gi ono daha i de masavaa e deai ai dangada, ga hai ange, “Daalaa mai, dee hee de masavaa e hai ai mee nei? Aagai dee hee de hagailonga o doo ahe mai aama de hagaodi o henua i lalo?”

Mark 9:12

Ia ne hai ange gi gilaadeu, “Elijah e humai naa donu i mua, ga hagadabena mee alodahi. Gai gu aha gu sisi ai laa, bolo Tama a Tangada e kona naa donu dono hagaduasala ina, ma dono hagangadi mee ina?

Luke 17:20

Denga Pharisee ne ssili ange gi de ia be dee hee de masavaa e dae mai ai de nohoanga hodooligi o de Maadua, gai ia ne hai ange, “De nohoanga hodooligi o de Maadua e dee humai bei dagodo o denga hagailonga oodou e tilo naa,

Luke 19:11

De masavaa o dangada e nnoho ai ma e hagallongo ana muna, gai ia ne tala ange gi gilaadeu dahi mee hagasengasenga, go hiidinga ia gu baa ange gi Jerusalem, gai dangada e hagataba bolo gu baa mai de nohoanga hodooligi o de Maadua.

Luke 22:29

gai au e gaavadu naa gi goodou dahi nohoanga hodooligi, bei de hai a dogu Damana gu gaamai ai laa hogi gi de au dahi nohoanga hodooligi,

John 21:21

De masavaa huu a Peter ne gidee ai tangada agoago laa, gai ia ga ssili ange gi Iesu, “Tagi Maolunga, gai taane nei?”