Acts 1:4 - De Beebaa Dabu

⁴ Dono masavaa nogo noho ai i olaadeu daha, gai ia ne hai ange gi gilaadeu, “Goodou e dee hulo gee mai i Jerusalem, gai goodou nnoho daalia de hagatoo donu a Tamana, go mee oodou gu langona mai i ogu daha.

Acts 1:4 Iomraidhean Croise

Numbers 9:22

Gai e dee hilihili be e lua laangi, be se dahi malama, aabe se ngadau e duu ai de hagausinga laa i honga de tabernacle, gai de gau Israel e nnoho donu huu i de mommee nnoho gaainga, gilaadeu e dee ngaalue donu; aagai ga ngalue naa huu de hagausinga, gai dangada ga daga ga hulo.

Matthew 10:20

Go hiidinga e dee go goodou e pasa ange, gai go de Hagasaalunga o doodou Damana e basa i oodou daha.

Luke 11:13

Goodou ni dangada baubau, gai goodou e iloo de hai e gaavange ai mee danuaa gi oodou dama. Aagai doodou Damana i de langi, e kii ange donu dono lodo e gaavange de Hagasaalunga Dabu gi gilaadeu e dangidangi ange ai gi de ia!”

Luke 12:12

Go hiidinga de Hagasaalunga Dabu e gaavadu naa donu gi goodou mee e heohi doodou tala i de aoaa laa donu huu.”

Luke 24:49

Gai tilo, au e hai naa gi hano iho gi oodou elunga, de ia a dogu Damana gu hagatoo donu laa. Aagai goodou nnoho i de aduhale nei, ga dae ai gi doodou kave ssauaa mai i de mommee maolunga.”

John 14:16

Gai au ga dangidangi ange naa gi Tamana, gai ia ga gaavadu ange gi goodou dahi Ia Bale gi noho i oodou daha ga hano ai,

John 15:26

“De masavaa naa huu o de Ia Bale e humai ai, go de ia aagu e hai gi humai i daho Tamana — go de Hagasaalunga o de muna abodonu, e humai laa i daho Tamana — gai ia ga tala hagadonu adu ogu dagodo.

John 20:22

Ga lava huu i dana tala muna nei, gai ia ga manava ange i olaadeu elunga, ga hai ange gi gilaadeu, “Goodou gaavee de Hagasaalunga Dabu.

John 7:39

Gai ia ne basa i dagodo o de Hagasaalunga ⌊Dabu⌋, gu dai hano iho laa gi honga o dangada gu hagadonusia ia; de masavaa laa gai de Hagasaalunga ⌊Dabu⌋ tigi hano iho, go hiidinga Iesu tigi kave dono mahamaha.

Acts 10:41

Gai e dee go dangada alodahi ne gidee ia, aagai go gimaadeu donu huu, a de Maadua gu lava laa i de hili e hai gi ni dangada e daalaa hagadonu mee nei — go gimaadeu ne gaimee laa ma de unu madali ia, i dua dono mouli age mai i de magau.

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.