Acts 1:16 - De Beebaa Dabu

¹⁶ “Denga daina, muna a de Beebaa Dabu gu hai donu ma gu bei, aanei muna a de Hagasaalunga Dabu gu tala i daho David madagidagi, i dagodo o Judas, taane ne dagina mai dangada ne boogia Iesu.

Acts 1:16 Iomraidhean Croise

2 Samuel 23:2

De Hagasaalunga o Tagi Maolunga ne hai au gi daalaa ana muna; gai ana muna e daakodo i lo togu ngudu.

2 Kings 15:12

Gai gu hagassula muna a Tagi Maolunga ne tala ai dagodo o Jehu: “Doo hagadiilinga e hodooligi naa i Israel ga dae ai gi de haa atangada.”

Psalm 41:9

Dogu soa danuaa hugadoo, go de ia aagu e hagadonu, ma de gaimee madali au, gu hai baasi mai gi de au.

Matthew 26:14

Aagai dahi i magavaa o tinoangahulu ma dogolua, e hagaingoo ange laa go Judas Iscariot, ne hano gi daho de gau haimeedabu maolunga,

Matthew 26:47

De masavaa a Iesu goi basa ai, gai gu dae mai Judas, dahi daane i magavaa o tinoangahulu ma dogolua, gai ia ne gaamai madali ia hanu dangada soa ma alaadeu gadilaasa ma laagau hebagi. Gai gilaadeu ne loomai i daho de gau haimeedabu maolunga ma denga dagi.

Matthew 26:54

Aagai dee hee ai naa de hai e hagassula ai muna a de Beebaa Dabu, gu tala laa bolo e hai donu?”

Matthew 26:56

Aagai mee nei alodahi ne hai e hagassula ai muna a denga pelaabisi gu sisi laa i de Beebaa Dabu.” Gai ana dangada agoago alodahi ga tili ia gai ga saavini ga hulo.

Mark 12:36

Gai David ne hagadaba hogi, i ssauaa o de Hagasaalunga Dabu, ‘Tagi Maolunga ne hai ange gi dogu Ia Aamua: Noho i dogu baasi madau ga dae ai gi dagu hai oo hagadaumee gi nnoho i oo lalo.’

Mark 14:43

De masavaa aana e tala ai ana muna, gai Judas, dahi daane i magavaa o tinoangahulu ma dogolua gu humai, madali hanu dangada soa ma alaadeu gadilaasa ma laagau hebagi; gilaadeu ne loomai i daho de gau haimeedabu maolunga ma de gau sisi aama denga dagi.

Luke 22:47

De masavaa o Iesu e basa ai, gai gu tae mai hanu dangada soa, gai taane e hagaingoo ange laa go Judas, dahi i magavaa o tinoangahulu ma dogolua, ne dagina mai gilaadeu. Ia ne humai ga oso Iesu.

John 10:35

Gidaadeu e iloo bolo muna a de Beebaa Dabu e dee maua donu i de oha ga hano ai; gai de Maadua tee hagabinga gilaadeu ne gaavange aagena ana muna bolo ni maadua?

John 13:18

“Au e dee basa i goodou alodahi; au e iloo goodou aagu gu lava i de hili. Gai de mee nei e hagassula muna a de Beebaa Dabu gu tala laa, ‘Tangada ne gaimee madali au gu hai baasi mai gi de au.’

John 17:12

De masavaa oogu ne noho ai madali gilaadeu, gai au ne buibui gilaadeu i ssauaa o doo ingoo aau ne gaamai laa gi de au; au ne dagitilo ga buibui gilaadeu, gai teai donu se gilaadeu ne tili, go de ia donu huu gu hagailonga ange laa gi de magau e dee ngado mai, e hagassula muna a de Beebaa Dabu.

John 19:36

Gai mee nei ne hai e hagassula ai muna a de Beebaa Dabu, “E deai donu sono ivi daudahi e hadi.”

Acts 1:20

“Gai gu sisi i de beebaa o denga Psalm, e hai ange, ‘Dono mommee noho gi ngadi dagodo, gai gi deai dangada e nnoho ai;’ gai ‘Dono duulanga gi gaavange gi dahi dangada gee.’

Acts 13:15

Gai dua huu de dau o de hainga ma muna a denga pelaabisi, gai denga dagi o synagogue ga aalu ga hai ange gi gilaadeu, “Denga daina, noo e hanu oodou muna e hagalodo mmahi ange ai dangada, gai goodou daalaa mai.”

Acts 13:38

Deenei ai, denga daina, au e lodo goodou gi iloo bolo go daho Iesu e maua ai i de tala oodou haisala.

Acts 15:13

Gai ga lava huu muna a Paul ma Barnabas, gai James ga hai ange gi gilaadeu, “Denga daina, goodou nnoho mai hagalaangona agu muna.

Acts 15:7

Gai ga daulooloa huu delaadeu hagasaele, gai Peter ga hidi age ga hai ange gi gilaadeu, “Denga daina, goodou e iloo bolo hanu masavaa gu hulo, gai de Maadua ne hili au gi daalaa ange de longo danuaa gi denga Gentile, gi hagadonusia ai hogi e gilaadeu.

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

Acts 22:1

“Denga daina ma damana, goodou hagalaangona gai au ga tala hagadonu adu ogu dagodo gi goodou iainei.”

Acts 23:1

Gai a Paul ne haaina de hagabuulinga hagasaele laa, ga hai ange, “Denga daina, au ne hagassula agu hegau i tagi o de lodo e gilimalali laa, i mada luu mada o de Maadua ga dae mai ai gi anailaa nei.”

Acts 23:6

Gai ga iloo huu e Paul bolo hanu dangada i kilaa ni Sadducee, gai hanu ni Pharisee, gai ia ga hagaleo laumalie i mada i mua o de hagabuulinga hagasaele, ga hai ange, “Denga daina, au se Pharisee, gai se hagadiilinga niio denga Pharisee. Gai au gu hagamodu ogu muna i hiidinga dagu tali hagalodolodo ange gi de mouli age o de gau maakau.”

Acts 28:17

Dua e dolu laangi gai Paul ne aalu dagi o de gau Ssuu gi loomai gi ono daha. De masavaa olaadeu ne tae mai ai, gai ia ga hai ange gi gilaadeu, “Ogu daina, tigi ai donu agu mee ne hai e baasi ange ai gi odaadeu dangada, aabe go dahulinga a odaadeu dubuna madagidagi; aagai gilaadeu ne poo au i Jerusalem ga gaavange gi de gau Rome.

Acts 28:25

Deelaa ai, gilaadeu gu dee buni, gai gu mavaevae ga hulo gee mai i kilaa, i dua de tala a Paul muna hagaodi nei: “E heohi donu muna a de Hagasaalunga Dabu gu tala ange laa gi odaadeu dubuna madagidagi i daho de pelaabisi go Isaiah:

Acts 7:2

Stephen ne hai ange, “Denga daina, ma damana, goodou hagalaangona agu muna. De Maadua o de mahamaha ne hakide ange gi taadeu dubuna madagidagi go Abraham, i dono masavaa goi noho ai i Mesopotamia, i mua dono hano ga noho i Haran,

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

2 Peter 1:21

Go hiidinga teai donu se muna pelaabisi ne daamada mai i daho tangada aabe go lodo donu huu o tangada, aagai go de Hagasaalunga Dabu ne hagangaalue ina lodo o dangada, gai gilaadeu ga tala muna mai i daho de Maadua.

2 Peter 2:21

Gai e danuaa ange noo gilaadeu tee iloo de haiava heohi, i delaadeu tonu ange gi de mee nei, aagai muli mai gilaadeu gu daahuli gee i muna dabu gu gaavange laa gi gilaadeu.