2 Peter 2:6 - De Beebaa Dabu

⁶ noo ia ne hagaduasala Sodom ma Gomorrah, ga dudu luu mommee laa ga hai gu ni lehu, ma de hai luu mommee laa gi se ada e hagaago mai ai mee e hai ange gi de gau baubau;

2 Peter 2:6 Iomraidhean Croise

Genesis 19:28

Gai ia gu gidee adu de mommee iai Sodom ma Gomorrah aama mommee alodahi e soe ai de henua, gai ia gu gidee hogi de useahi e buu age i de henua, bei dagodo o de useahi o de ahi mmahi laumalie.

Isaiah 1:9

Noo Tagi o denga hagabuulinga hebagi tee hagaola hanu odaadeu momo dangada, gai gidaadeu ne bei donu dagodo o Sodom, gidaadeu gu bei dagodo o Gomorrah.

Isaiah 13:19

Babylon, de hadu hagamogomogo a denga nohoanga hodooligi, gai go de mahamaha o de gau Babylon e hagamaolunga ai laa, e oohaa naa e de Maadua, bei dagodo o Sodom ma Gomorrah.

Jeremiah 50:40

Bei de hai a de Maadua ne oha ai laa Sodom ma Gomorrah madali denga mommee e paa ange gi kilaa, go Tagi Maolunga e hagadaba, gai e deai naa donu dangada e nnoho gaainga i kilaa gai e deai naa hogi dangada e nnoho i kilaa.

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Amos 4:11

Au ne hagadee kii hanu goodou, bei dagu hai ne oha ai laa Sodom ma Gomorrah. Goodou ne bei dagodo o de laagau ne aau mai laa i lo te ahi ula; aagai goodou tee aahe mai gi de au, go Tagi Maolunga e hagadaba.

Zephaniah 2:9

Deenei ai, au e hagatoo donu i dogu mouli, go Tagi o denga hagabuulinga hebagi, de Maadua o Israel e hagadaba: Moab e bei naa donu dagodo o Sodom, de gau Ammon e bei naa dagodo o Gomorrah — se henua iai denga helii ma haonga iai soolo, gai e ngadi dagodo naa ga hano ai. Dangada e doe i ogu dangada e hai gi de mahi naa olaadeu goloa; dangada e ola i dogu huaahenua e kave naa delaadeu henua.”

Numbers 16:38

Gai mee hhao maga ahi a denga daane ne haisala laa ga hidi mai ai delaadeu maakau, dugidugia gi baabaa ga haoli ai de mommee o ssigidaumaha, mee laa gu dabu, go hiidinga gu kave gi mada luu mada o Tagi Maolunga. Gai de mee nei gi se hagailonga e hagakana ange ai de gau Israel.”

Numbers 26:10

gai de gelegele ne mahanga lua ga holo gilaadeu madali Korah, de ahi ne daa ga maakau e 250 daane. Gai de gau laa ne hai ga se mee e hagakana ange ai gilaadeu.

Matthew 10:15

Ni muna abodonu aagu e hai adu nei gi goodou, Sodom ma Gomorrah e danuaa ange i de aduhale laa i de laangi hagamodu muna.

Matthew 11:23

Gai koe, Capernaum, koe e hai naa gi maolunga goe bei de maolunga o de langi? Gai koe e tili iho naa donu gi Hades! Go hiidinga noo denga sauaa ne hai i oo daha ne hai i Sodom, gai goi duu donu huu ga dae mai ai gi anailaa nei.

Romans 9:29

Gai e bei donu de hai a Isaiah gu tala ai laa i mua, “Noo Tagi o denga hagabuulinga hebagi tee hagaola hanu i omaadeu hagadiilinga, gai gimaadeu ne bei donu dagodo o Sodom ma Gomorrah.”

1 Corinthians 10:11

Gai mee ne hai ange gi gilaadeu e hai ai taadeu mee hagaago, gai ne sisi ga daohi e hagakana ange ai gidaadeu, go gidaadeu gu nnoho i denga laangi hagaodi nei.

Deuteronomy 29:23

De henua alodahi e daakodo ai naa denga soolo ma lehu — gu deai manu e ssomo ai, e deai hogi manu e matili age ai, gai gu deai manu e maua gi ssomo ai. Gai e oha naa bei dagodo o Sodom ma Gomorrah, ma Admah ma Zeboiim, go mommee a Tagi Maolunga ne oha i dono lili ma dono bole.

Hebrews 4:11

Deenei ai, gidaadeu ga hagammahi gi ulu gidaadeu i de hagamaabunga laa, kana dee maua e gidaadeu i de ulu ai i taadeu dee hagallongo ange gi de Maadua.

Jude 1:15

e hagamodu muna o dangada alodahi, ma de hagabuu ange sala gi de gau baubau alodahi i hiidinga alaadeu hegau baubau alodahi gu hai, aama muna alodahi a de gau baubau ma de haisala ne hai baasi ange ai gi de ia.”

Jude 1:7

Gai e bei ai hogi dagodo o Sodom ma Gomorrah, aama denga aduhale e paa ange gi kilaa, i hiidinga gilaadeu ne hai denga dahulinga hai be se manu ma dahulinga hakino gee e dee hai i daho dangada; gilaadeu ne hagaduasala i de ahi e dee ngado mai, e hai ai dahi hagaago ange gi dangada.