2 Peter 2:2 - De Beebaa Dabu

² Gai e soa naa dangada e daudali ange i alaadeu dahulinga baubau; go hiidinga o alaadeu hegau e hagabaubau ina ai de Haiava o de Heohi.

2 Peter 2:2 Iomraidhean Croise

Genesis 19:5

Gai gilaadeu ga hagahi a Lot, ga hai ange gi de ia, “I hee iai luu daane ne loomai laa gi doo hale anaboo nei? Hagassao ina mai gilaau, gai gimaadeu ga dagodo haisala ma gilaau.”

Psalm 18:21

Go hiidinga au ne daohi haiava o Tagi Maolunga; au tee hai de baubau ga hano gee ai i dogu Maadua.

Isaiah 35:8

Gai e hai naa dahi haiava laumalie i kilaa, gai e hagaingoo ange naa go de Haiava Dabu. De gau hakino gee e dee maua donu i de seesee i de haiava laa, gai de haiava laa se mee ange gi gilaadeu e seesee ai, aagai de gau llodo senga e dee maua donu i de seesee i kilaa.

Jeremiah 6:16

E hagadaba Tagi Maolunga, “Goodou tuu i sugusuguinga o denga haiava diiloo ai, gai ssili be i hee denga haiava madagidagi, ma de ssili be i hee de haiava danuaa, gai goodou ga seesee i ono lodo, gi maua ai e oodou hagasaalunga i de hagamaabunga. Aagai goodou e hagataba, ‘Gimaadeu e dee seesee donu i de haiava laa.’

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Matthew 24:24

Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Matthew 7:14

Aagai e mada damaa mee de haitoga ma de gasogaso de haiava e hano gi de mouli, gai e sogoisi donu huu e gidee.

Mark 12:14

Gilaadeu ne loomai ga hai ange gi de ia, “Tangada Agoago, gimaadeu e iloo bolo koe e hai hegau i de mee abodonu, gai koe e dee dagi i daho dangada. Koe e dee vae dangada, aagai e agoago lodo o de Maadua i de mee abodonu. E alaange de hagao ange taagisese gi Caesar aabe deai? E hagao gimaadeu taagisese be deai?”

Mark 13:22

Go hiidinga denga klisdo ma pelaabisi hadu muna, e loomai naa ga hai denga hagailonga ma mee hagalele mouli ga daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Acts 13:10

ga hai ange, “Koe se dama nii de ia hagabaubau laa, gai se ia donu e hai baasi ange gi de mee heohi alodahi. Koe e honu i mee alodahi e daahangadia dangada ma de vaivai dagodo. Koe tigi tuu donu dau hagahaisala dagodo o Tagi Maolunga?

Acts 14:2

Aagai de gau Ssuu e dee hagadonusia laa ga hagabasa denga Gentile ga hai gilaadeu gi hai baasi ange gi dangada gu hagadonusia laa.

Acts 16:17

Aagai tamaa hine laa ne daudali mai i gimaadeu ma Paul, gai ia ne oo ga hagadaba, “Denga daane nei ni dangada hai hegau niio de Maadua Maolunga Mmao laa. Gilaadeu e tala adu doodou hai e hagamouli ai.”

Acts 18:26

Gai ia tee madagu i de agoago i lo te synagogue. Gai de masavaa huu a Priscilla ma Aquila ne langona ai ana agoago, gai gilaau ga kave ia ga agoago ange, gi kii ange ai dono donu ange gi dagodo o de haiava o de Maadua.

Acts 19:9

Aagai hanu ne hagamakaga olaadeu lodo; gilaadeu tee llodo e hagadonu, gai ne hagabaubau dagodo o de Haiava i madamada o dangada. Gai a Paul ne hano gee i olaadeu daha, ga kave denga dangada agoago madali ia, gai laangi alodahi gilaadeu ne hagabuni ga madaangudu i de mommee hagabuni o Tyrannus.

Acts 22:4

Au ne vaivai hai dangada e daudali i de Haiava, ma de daa gilaadeu ga maakau. Au ne noonooa hogi denga daane ma haahine ga tili ange gi lo te hale pono.

Acts 24:14

Aagai au e tala adu gi de goe, bolo au e daudali i de Haiava, alaadeu e hagaingoo ange laa bolo se hagabuulinga daumaha gee, au e daumaha ange gi de Maadua o omaadeu dubuna madagidagi. Gai au e hagadonusia mee alodahi gu sisi i de hainga aama daho denga pelaabisi,

Romans 2:24

Gai gu sisi e hai ange, “De ingoo o de Maadua gu hagangadi mee ina i daho denga Gentile i oodou hiidinga.”

1 Timothy 5:14

Deenei ai, au e maanadu bolo denga haahine gu maakau olaadeu bodu goi dama daane laa gi aahe ange gi hai bodu, ga haanau hanu dama, ma de tilo ange olaadeu huaabodu, gi dee maua ai e de hagadaumee i de hagabaubau gidaadeu.

Titus 2:5

Gilaadeu gi golomagi ina olaadeu lodo, gai gi gilimalali, gilaadeu gi kana ange gi haia hegau i olaadeu hale, gilaadeu gi abodonu ange, aama de hagadubu olaadeu bodu, gi dee hagabaubau ina ai muna a de Maadua.

Titus 2:8

gai au mee e agoago ai gi dee maua e dangada i de hagabaubau, gai gi dogaa ai tangada e hai baasi adu gi de goe, gu deai ana mee e maua i de hagabaubau ai gidaadeu.

1 Peter 2:12

Gai goodou gi dahulinga danuaa i magavaa o denga Gentile, e dee galemu donu delaadeu tala bolo goodou e hai de baubau, gai ga gidee naa huu e gilaadeu oodou hegau danuaa, gai gilaadeu ga tuhi de Maadua i dono laangi e humai ai.

2 Peter 2:12

Aagai de gau bee nei e bei dagodo o denga manu alasala, e dee maua i de hagasaele dahi mee, gai ne haanau mai e daa gi maakau; gilaadeu e pasa hagangadi mee i mee olaadeu e dee tonu ange aagena, gai e daa naa donu gi maakau bei olaadeu dagodo.

2 Peter 2:15

Gilaadeu gu tili de haiava heohi, ma de daahuli gee ai. Gilaadeu gu daudali ange i de haiava o Balaam tama daane a Beor, go taane ne nnoo ange laa gi goloa e maua i hegau baubau.

2 Peter 2:18

Gilaadeu e pasa hagassoenga i mee e deai haigamaiana, gai e hai hegau i lodo hakino gee o de angaanga ma e hagasengalia laa dangada, se goodo ola mai laa i daho dangada e mouli dee heohi.

2 Peter 2:21

Gai e danuaa ange noo gilaadeu tee iloo de haiava heohi, i delaadeu tonu ange gi de mee nei, aagai muli mai gilaadeu gu daahuli gee i muna dabu gu gaavange laa gi gilaadeu.

2 Peter 2:7

gai noo ia ne hagaola taane heohi go Lot, go de ia ne daemaha laa ono lodo i dana gide denga dahulinga hakino gee a de gau baubau,

Jude 1:10

Aagai de gau naa e pasa hagangadi mee i alaadeu mee e dee tonu ange aagena, gilaadeu e bei dagodo o denga manu e deai laa hagasaele, gai e hai donu huu maanadu e loage i olaadeu lodo, gai aalaa donu mee e daia gilaadeu ga maakau.

Jude 1:15

e hagamodu muna o dangada alodahi, ma de hagabuu ange sala gi de gau baubau alodahi i hiidinga alaadeu hegau baubau alodahi gu hai, aama muna alodahi a de gau baubau ma de haisala ne hai baasi ange ai gi de ia.”

Jude 1:4

Go hiidinga hanu dangada gu ulu hagammuni adu gi oodou magavaa, aanei gilaadeu gu sisi laa madagidagi bolo e hagaduasala. Gilaadeu ni dangada baubau, gilaadeu e hagahadu muna de abodonu o taadeu Maadua gi maua ai e gilaadeu i de hai denga dahulinga hakino gee, gai ga hagangadi mee taadeu Ia Aamua ma Tagi Maolunga e dahi laa donu huu, go Iesu Klisdo.

Jude 1:7

Gai e bei ai hogi dagodo o Sodom ma Gomorrah, aama denga aduhale e paa ange gi kilaa, i hiidinga gilaadeu ne hai denga dahulinga hai be se manu ma dahulinga hakino gee e dee hai i daho dangada; gilaadeu ne hagaduasala i de ahi e dee ngado mai, e hai ai dahi hagaago ange gi dangada.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 13:14

ga hagasenga ai dangada i henua i lalo, i hiidinga o denga hagailonga aana e hai i ssauaa o de manu alasala laa. Gai ia ne hai dangada gi hagaduulia dahi diinonga, gi hagadulagi ina ange gi de manu alasala ne lagohia laa i de gadilaasa, gai tee magau.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.