2 Peter 2:13 - De Beebaa Dabu

¹³ Gilaadeu e kave naa de hagaoanga o alaadeu hegau baubau gu hai. Gilaadeu e maanadu bolo de malangilangi abodonu go de hai daonga ga hagalongaa ai i de laangi. Gilaadeu e bei dagodo o denga duulangaa mee gelegele ma mee baubau, i delaadeu hai denga daonga ga hai ai denga dahulinga hakino gee olaadeu e malangilangi ai laa, gai e loomai hogi ma e daonga madali goodou.

2 Peter 2:13 Iomraidhean Croise

Song of Songs 4:7

Dogu dau soa, koe e mahamaha mmao; e deai donu se mee baubau daudahi i doo angaanga.

Isaiah 3:11

E vakaa naa tangada baubau! Ia e hai ngadaa naa! Ana hegau ne hai e aahe ange naa donu huu gi de ia.

Romans 13:13

Gidaadeu ga hai hegau gi danuaa, bei dagodo o dangada e hai hegau i de masavaa e ao ai de mee, e dee go de hai daonga ga hagalonga ai ma de unu ga ssenga, e dee go de hai be se manu ma denga dahulinga dagodo haisala, aabe go de hagadaumee aama de lodo gaiaa.

Ephesians 5:27

gai ia ga kave ai gi niiona de nohoanga dabu gu hagamahamaha laa, gu deai mee baubau iai, be ni mee vinivini iai, aabe ni mee bei mee nei iai; gai gu dabu aama teai mee baubau iai.

Philippians 3:19

Gai de hagaodi o de gau bee nei go de hagaduasala, delaadeu maadua go olaadeu dinae, gai gilaadeu e hagassoenga i denga mee hagadookaa, gai e maanadu donu huu mee o henua i lalo nei.

2 Timothy 4:14

Alexander, de labagau o denga bronze, gu hai mai dahi hegau baubau mmao gi de au; gai Tagi Maolunga gi hagao ina ange ana hegau baubau.

James 5:5

Goodou ne duadonu ma de hagamalangilangi donu huu goodou i doodou nnoho i henua i lalo. Goodou gu hai gi pedi goodou bei dagodo o manu gu paba ange e daa gi maakau i de laangi laa.

1 Peter 4:4

Gai iainei gilaadeu gu llele mouli i doodou dee hagabuni ma gilaadeu e hai ai denga dahulinga baubau, gai gilaadeu gu hagabaubau goodou.

2 Peter 2:15

Gilaadeu gu tili de haiava heohi, ma de daahuli gee ai. Gilaadeu gu daudali ange i de haiava o Balaam tama daane a Beor, go taane ne nnoo ange laa gi goloa e maua i hegau baubau.

Revelation 18:6

Suuia ange ana mee ne hai ange gi dangada, suuia ange gi lua hanonga e dubu ange ai; haia denga uvaini i lo tana ubu gi lua hanonga e mmahi ange ai.