2 Peter 1:8 - De Beebaa Dabu

⁸ Gai noo mee nei gu hai hegau i oodou daha ma de hagadagadaga age, gai goodou gu dee ni ngadi dangada gai gu hanu donu oodou haigamaiana, i doodou iloo taadeu Dagi Maolunga go Iesu Klisdo.

2 Peter 1:8 Iomraidhean Croise

Proverbs 19:15

De vaiduu e hai e seni donu huu, gai tangada ngadi noho e hiigai.

Matthew 13:22

Gai golee ne too ange laa gi magavaa o denga manu daladala, go tangada e langona e ia muna laa; aagai mee hagamanavasaa o henua i lalo nei, ma de lava e hagasengalia laa dangada ga hagakabi muna laa, gai tee maua gi hhua.

Matthew 20:3

Ia ne ahe ange hogi i daha ssiva aoaa ga gidee hanu dangada e ngadi tuu i de mommee hagao mee,

Matthew 20:6

Ia ne ahe ange hogi i de lima i de ahiahi gai ia gu gidee hogi hanu e ngadi nnoho, gai ia ga ssili ange gi gilaadeu, ‘Gu aha gu ngadi nnoho ai naa goodou i de laangi nei alodahi?’

Matthew 25:26

Aagai dono dangada aamua ga hai ange, ‘Koe se dangada hai hegau baubau ma de vaiduu! Koe e iloo bolo au e hagihagi i de mommee aagu tee doo, ma de hagabudu i de mommee aagu tee hagamalili ai?

John 15:2

Laa alodahi e deai olaadeu hua, gai ia e duuduu ga tili, aagai laa alodahi iai hua, gai ia e velevele gi kii ange ai de hhua lagolago.

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

John 5:42

Gai au e iloo oodou dagodo, bolo e deai donu se aloha o de Maadua e dagodo i oodou lodo.

Romans 12:11

Goodou gi dee vaiduu gai gi lodo mmahi i de hai hegau, i doodou hai hegau ange gi Tagi Maolunga.

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

2 Corinthians 13:5

Goodou dagidiiloo iho gi danuaa oodou lodo, be goodou e daohi naa huu de gai. Hagataalea ange ma gi diiloo oodou dagodo. Goodou tigi tonu ange naa donu bolo Iesu Klisdo e noho i oodou lodo? Noo e deai, aagai goodou tee maua donu i de daohi de gai.

2 Corinthians 8:2

De masavaa ne kona ai delaadeu hai ngadaa, gai gilaadeu ne malangilangi i de daohi age dahi sigidaumaha, e dee galemu donu delaadeu hagaau aloha.

2 Corinthians 8:7

Goodou gu lava i mee alodahi — i de gai, ma oodou muna e tala, ma de iloo mee, ma de llodo mmahi i de bale, ma doodou aaloha i gimaadeu — deenei ai, goodou diiloo gi kii ange doodou hagasula de hai hegau nei.

2 Corinthians 9:14

Gai gilaadeu gu aaloha hogi i goodou ma de dalodalo i goodou, i hiidinga de abodonu laumalie o de Maadua adu gi goodou.

Philippians 1:9

Gai au e dalodalo gi hagadagadaga age oodou aaloha, madali de iloo mee abodonu aama de tonu danuaa ange gi de mee heohi,

Philippians 2:5

Gai haia hogi gi dagodo de lodo nei i oodou lodo, go de lodo e dagodo laa i daho Klisdo Iesu:

Philippians 3:8

Gai e dee deenei donu huu, gai au e hagabinga bolo mee alodahi ni ngadi mee donu, i hiidinga de hagamogomogo ange mmao dagu iloo Klisdo Iesu dogu Dagi Maolunga, gai go ono hiidinga aagu ne hagangadi mee ai mee alodahi. Au e hagabinga bolo mee nei e bei donu denga gainga, gi maua abodonu ai e au Klisdo,

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

Colossians 2:7

gai gu hagamakaga oodou aga ma de tuu gi makaga i ono lodo i de gai, bei de hai oodou gu agoago ai, gai gi laumalie ai doodou tuhi ma de hagaahe ange de abodonu.

Colossians 3:16

Gai haia gi honu abodonu muna a Klisdo i oodou lodo, gai goodou ga hagadau agoago ai ma de hagadau hagakana ange ai goodou i de heiangi alodahi, ma de daahili i denga psalm ma denga daahili daumaha, ma daahili o de baasi gi de hagasaalunga, i doodou hagaahe ange de abodonu gi de Maadua i oodou lodo.

1 Thessalonians 3:12

Tagi Maolunga gi haia gi kii ange doodou hagadau aaloha aama doodou aaloha ange gi dangada ange laa, bei tagodo demaadeu aaloha i goodou,

1 Thessalonians 4:1

Aanei amaadeu muna hagaodi: denga daina, gimaadeu e iloo bolo goodou e hagamalangilangi donu de Maadua i oodou mouli, gai gimaadeu e dangidangi adu gi goodou i hiidinga o taadeu Dagi Maolunga go Iesu Klisdo, goodou haia gi kii ange doodou hai de mee nei, bei de hai amaadeu gu agoago adu ai goodou.

2 Thessalonians 1:3

Denga daina, e heohi donu demaadeu hagaahe ange de abodonu gi de Maadua i oodou hiidinga i masavaa alodahi, go hiidinga oodou kai gu kona mmao de hagadagadaga age, gai doodou hagadau aaloha gu kii ange hogi de laumalie.

1 Timothy 5:13

E dahi ange mee, gilaadeu gu ngadi nnoho, ma de hagadaga saele i hale o dangada ga hai samu ai ma de baatai, aama de tala mee e dee heohi delaadeu tala.

Titus 3:14

Gai balea ange odaau dangada gi agoagona de hai denga hegau danuaa, gi maua ai e gilaadeu i de bale ange dangada gu duasala abodonu, gilaadeu gi dee ngadi nnoho.

Philemon 1:6

Gai au e dalodalo bolo dau hagahai hegau doo gai, gi haia gi hagadagadaga age taadeu iloo mee danuaa alodahi adaadeu e hanu i lodo o Klisdo.

Hebrews 6:12

gi dee vaiduu ai goodou, aagai goodou gi ago ange i gilaadeu ne gaavee mee gu lava laa i de hagatoo donu ai, i hiidinga o de gai ma de golomagi lodo.

2 Peter 1:2

Gi laumalie de abodonu ma de baba i oodou daha, i doodou iloo de Maadua ma Iesu taadeu Dagi Maolunga.

2 Peter 1:3

Ssauaa o de Maadua gu gaamai gi gidaadeu mee alodahi odaadeu e mouli ai i lodo o de Maadua, i taadeu iloo de ia ne hagahia gidaadeu gi gaavee dono mahamaha ma dono danuaa mmao,

2 Peter 2:20

Noo gilaadeu gu ola mai i denga dahulinga hakino gee o henua i lalo, i delaadeu iloo taadeu Dagi Maolunga ma de Ia Hagamouli go Iesu Klisdo, gai gu aahe ange hogi ma gu hai ma de hagadee kii ina i mee nei, gai olaadeu dagodo i de hagaodi gu kii ange de baubau i taamada.

2 Peter 3:18

Aagai goodou gi hagadagadaga age i de abodonu ma doodou iloo taadeu Dagi Maolunga, go de Ia Hagaola go Iesu Klisdo. Gidaadeu gi hagamahamaha ina ia iainei ga hano ai e dee ngado mai! Amen.