2 Peter 1:6 - De Beebaa Dabu

⁶ gai de iloo mee gi madali de golomagi lodo, gai de golomagi lodo gi madali de lodo mmahi, gai de lodo mmahi gi madali de hai lodo o de Maadua;

2 Peter 1:6 Iomraidhean Croise

Genesis 5:24

Gai Enoch ne seesee madali de Maadua, gai ia gu dee maleva, i hiidinga de Maadua gu kave gee ia.

Psalm 37:7

Noho ma gi dee muu, golomagina oo lodo daalia ange ai Tagi Maolunga; aude manavasaa i de hagadaga age o dangada i alaadeu mee e hai, aabe go tangada e sula ana hagatau baubau.

Isaiah 57:1

Tangada heohi gu magau, gai e deai donu dangada e anga ange aagena; dangada e haia de mee abodonu gu gaavee gee, gai e deai donu dangada e iloo. Go hiidinga tangada heohi ne gaavee gee e hagaola mai ai ia i de baubau.

Luke 21:19

Noo goodou e hagaduu ngae i de golomagi lodo, gai goodou e maua donu de mouli.

Luke 8:15

Gai denga golee ne too ange laa gi honga de bela danuaa, go dangada e langona laa muna a de Maadua ga dugu i olaadeu lodo i de heohi ga daudali ai, gai gilaadeu gi lodo mmahi ga dae ai gi delaadeu hagadili hua.

Acts 24:25

Gai de masavaa a Paul e basa ange ai i dagodo o de heohi, ma de golomagi lodo, aama de hagaduasala gu dai dae mai laa, gai Felix gu madagu, ga hai ange, “Gu lava au muna e tala, hannoo, gai au ga ssala adu ange ai goe noo gu dahi ange ogu masavaa.”

Romans 15:4

Gai mee alodahi ne sisi laa madagidagi ne sisi e agoago ai gidaadeu, gi tuu ai gidaadeu gi makaga, ma de lo taane i taadeu iloo de Beebaa Dabu, gai gi dahi ai adaadeu tali.

Romans 2:7

gilaadeu ne duudagi de hai mee danuaa gi maua ai e gilaadeu de tuhi, ma de hagadubu, aama de angaanga e dee magau laa, gai ia ga gaavange ai gi gilaadeu de mouli e dee ngado mai.

Romans 8:25

Aagai noo gidaadeu e tali hagalodolodo ange gi mee adaadeu tigi gidee, gai gidaadeu e tali mee nei i de golomagi lodo.

1 Corinthians 9:25

Dangada alodahi e hagadau gaavange i denga hagadahao, e hagaduu ngae e hai gi aabo ange gilaadeu. Gilaadeu e hai mee nei e kave ai de hau e dee maua laa gi dagodo daulooloa, aagai gidaadeu e hai de mee nei e kave ai de hau e dagodo laa ga hano ai.

2 Corinthians 6:4

gai gimaadeu gu hagaago danuaa adu i mee alodahi, bolo gimaadeu ni dangada hai hegau niio de Maadua: i demaadeu lodo mmahi i de golomagi lodo, i de masavaa o denga hagaduasala, ma mee hai ngadaa, aama mee hagamanavasaa,

Galatians 5:23

ma de daudonu, ma dugu iho lodo o tangada; gai e deai donu se hainga e hai baasi ange gi mee nei.

Colossians 1:11

Gai goodou gi mmahi i mahi alodahi, bei dagodo o ono mahi, gi maua ai e goodou i de llodo mmahi ma de golomagi lodo aama de malangilangi,

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.

2 Thessalonians 1:4

Deenei ai, gimaadeu e tala tuhi oodou dagodo i denga nohoanga dabu o de Maadua ange laa, i hiidinga doodou llodo mmahi ma doodou kai i de masavaa oodou ne vaivai haia ai, aama de hagauda denga hagaduasala alodahi i de golomagi lodo.

2 Thessalonians 3:5

Gai Tagi Maolunga gi dagina oodou lodo i de aloha o de Maadua aama de golomagi lodo o Klisdo.

1 Timothy 2:10

aagai gilaadeu gi dahulinga danuaa, go mee e heohi i hai a denga hine e hagataba laa, bolo gilaadeu ni dangada e daumaha ange gi de Maadua.

1 Timothy 2:2

ma denga hodooligi, ma gilaadeu iai ssauaa e dagi ai, gi maua ai e gidaadeu i de nnoho paba ma de duadonu, i taadeu hai lodo o de Maadua, aama de hagadubu alodahi.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

1 Timothy 6:11

Aagai koe, taane o de Maadua, savini hano gee i mee nei alodahi, gai hagaduu ngae haia gi heohi goe, ma de hai lodo o de Maadua, ma de gai, ma de aloha, ma de lodo mmahi i de golomagi lodo, aama de daudonu.

1 Timothy 6:3

Gai noo dahi dangada e agoago i hanu mee gee, e dee bei denga agoago heohi a taadeu Dagi Maolunga go Iesu Klisdo, ma agoago i lodo o de Maadua,

1 Timothy 6:6

Gai se lava laumalie mmao taadeu mau i de hai lodo o de Maadua, ma de malangilangi i mee adaadeu e hanu,

2 Timothy 3:5

gilaadeu e hagaago donu huu de hai lodo o de Maadua, aagai gilaadeu e hagangadi mee donu ssauaa o de Maadua. Gai koe gi dee hagabuni ange gi gilaadeu e haia mee nei.

Titus 1:1

Mai i daho Paul, tangada hai hegau o de Maadua, gai se dangada tala niio Iesu Klisdo, e hai ai gi hagadagadaga age kai o dangada a de Maadua gu lava laa i de hili, ma delaadeu iloo de mee abodonu, e haia laa gi maua e gilaadeu i de hai lodo o de Maadua,

Titus 1:8

aagai gi abodonu ange gi dangada e loomai gi dono hale, ia gi malangilangi i de hai tanuaa, ia gi maanetonu, ia gi hai hegau i de mee heohi ma de hai gi dabu abodonu, aama de golomagi ono lodo.

Titus 2:2

Agoagona ange denga daane maatua gilaadeu gi dee unu gi ssenga, gilaadeu gi ni dangada e hagadubu i daho dangada, ma de maua i de golomagi olaadeu lodo; gilaadeu gi tuu gi makaga i de gai, ma de aloha, aama de hagaduu ngae i de lodo mmahi.

Hebrews 10:36

Gai e heohi donu de golomagi oodou lodo, gi maua ai e goodou i de hai lodo o de Maadua, gai goodou ga kave ai mee gu lava laa i de hagatoo donu.

Hebrews 12:1

Deenei ai, go hiidinga e soa mmao de gau tala hagadonu, e daumada ina ma de duuli ina gidaadeu bei denga giliiga, deenei ai, gidaadeu ga tili mee alodahi e hagalaavea ina laa gidaadeu, ma de haisala e hai ngaohie laa taadeu noodia ai. Gai gidaadeu gi llodo mmahi i de saavini e houhou ange gi de mee gu hagailonga mai gi gidaadeu.

Hebrews 6:12

gi dee vaiduu ai goodou, aagai goodou gi ago ange i gilaadeu ne gaavee mee gu lava laa i de hagatoo donu ai, i hiidinga o de gai ma de golomagi lodo.

Hebrews 6:15

Gai Abraham ne kave mee gu lava laa i de hagatoo donu, i hiidinga dana hagammahi ga golomagi ono lodo.

2 Peter 1:3

Ssauaa o de Maadua gu gaamai gi gidaadeu mee alodahi odaadeu e mouli ai i lodo o de Maadua, i taadeu iloo de ia ne hagahia gidaadeu gi gaavee dono mahamaha ma dono danuaa mmao,

2 Peter 3:11

Go hiidinga mee alodahi e odi naa donu i de oha, gai dee hee ai naa doodou hai e mouli ai iainei? Goodou gi ni dangada e dabu ma de hai lodo o de Maadua,

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

Revelation 13:10

Noo tangada e kave gi dahi henua gee, gai ia e gaavee naa donu gi dahi henua gee. Noo e daa ia gi daa gi magau i de gadilaasa, gai ia e daia naa donu gi magau i de gadilaasa. De mee nei se hagahi ange gi dangada o de Maadua, gilaadeu gi hagaduu ngae i de golomagi lodo ma de gai.

Revelation 14:12

De mee nei se hagahi ange gi dangada o de Maadua gilaadeu gi golomagi ina olaadeu lodo, go gilaadeu e daohia muna a de Maadua ma de daohi delaadeu kai ange gi Iesu.

Revelation 2:2

Au e iloo dagodo o au hegau; koe e hagaduu ngae ma e hai hegau ma de golomagi oo lodo, gai koe e dee malangilangi i de gau baubau, aagai koe gu hagatale dagodo o dangada e hagataba laa bolo gilaadeu ni dangada tala, gai e dee se muna abodonu, gai koe gu gidee bolo gilaadeu ni dangada donu hadu muna.