2 Peter 1:5 - De Beebaa Dabu

⁵ Deenei ai, goodou hagammahi haia gi dagodo tanuaa madali oodou kai, gai tanuaa gi madali de iloo mee;

2 Peter 1:5 Iomraidhean Croise

Psalm 119:4

Koe gu lava i de hagaduu au muna gu hagasauaa gai dangada gi kana ange gi daohia.

Proverbs 4:23

Gai de mee e hagamogomogo ange i mee alodahi, go de dagitilo dagodo oo lodo, go hiidinga go kilaa iai mee o de mouli.

Isaiah 55:2

Gu aha gu moumou ai oodou sseene i mee e dee ni gai, ma de moumou oodou mahi i mee oodou e dee boobosu ai? Nnoho mai hagalaangona agu muna, ma de gai mee danuaa, gi malangilangi ai goodou i denga gai mammami.

Zechariah 6:15

Gai dangada e nnoho laa i mommee mmao e loomai naa ga bale de hagaduu o de temple o Tagi Maolunga. Gai goodou e tonu ange naa bolo go Tagi o denga hagabuulinga hebagi ne haia ngau gi humai gi oodou daha. Gai mee nei alodahi e hai naa donu ga bei, noo koe e hagaduu ngae ga hagallongo ange gi muna a Tagi Maolunga doodou Maadua.”

Luke 16:26

Gai e dee deenaa donu huu, gai e dahi hogi geelonga laumalie gu dugu i odaadeu magavaa, gi dee maua ai e dangada e llodo laa e loadu i kinei gi oodou daha i de loadu, aabe go dangada i kinaa i de loomai gi omaadeu daha i kinei.’

Luke 24:21

Gai gimaadeu ne tali hagalodolodo bolo go ia e hagaola ina Israel! Gai e dee deenei donu huu, gai anailaa nei go tolu laangi i dua de hai mee nei.

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

1 Corinthians 14:20

Denga daina, goodou gi dee maanadu gauligi; gai maanadu bei dagodo o denga gaagaa i de hai de baubau, aagai oodou maanadu gi maatua abodonu.

Ephesians 5:17

Deenei ai, goodou gi dee llodo ssenga, aagai gi tonu ange gi lodo o Tagi Maolunga.

Philippians 1:9

Gai au e dalodalo gi hagadagadaga age oodou aaloha, madali de iloo mee abodonu aama de tonu danuaa ange gi de mee heohi,

Philippians 2:12

Deenei ai, ogu daina hagamogomogo, goodou e daudali i agu muna i masavaa alodahi, e dee go dogu masavaa donu huu e noho ai i oodou daha, gai e kii ange donu de heohi doodou hai de mee nei i dogu masavaa e dee maleva ai. Goodou duudagi ina de hagaago mai i oodou hegau bolo goodou gu hagamouli, i de maatagu ma de bolebole,

Philippians 4:8

Denga daina, aanei agu muna hagaodi: mee naa huu ni mee abodonu, ma mee e heohi de hagadubu, ma mee e heohi, ma mee gilimalali, ma mee e tilo danuaa, ma mee hagallongo danuaa, ma mee danuaa, ma mee e heohi i de tuhi, goodou hagasaelea mee nei.

Colossians 1:9

Deenei ai, tigi helui donu demaadeu dalodalo i goodou mai i de laangi amaadeu ne langona ai oodou dagodo; gimaadeu e dangidangi gi honu danuaa doodou iloo ono lodo, i de heiangi aama de tonu danuaa ange gi mee alodahi i de baasi gi de hagasaalunga.

Colossians 2:3

Gai go ono daha adaadeu e gide ai de heiangi aama de iloo mee alodahi.

Hebrews 11:6

Noo e deai se gai, aagai e dee maua donu i de hagamalangilangi de Maadua, go hiidinga tangada e humai gi de Maadua, gi hagadonusia bolo e dahi donu Maadua, gai ia e hagao ange gilaadeu e hagaduu ngae e saalaa ia.

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

Hebrews 6:11

Gai gimaadeu e llodo goodou alodahi gi duudagi ina de hai hegau hagammahi ga dae ai gi de hagaodi, gi maua abodonu ai e goodou mee oodou e tali hagalodolodo ange laa aagena,

Joshua 7:3

Gai gilaadeu ne aahe mai ga hai ange gi Joshua, “E dee go denga daane alodahi e hulo e hebagi ange gi Ai, gai hilia donu huu e luamano aabe dolumano daane gi hulo. E dee go denga daane alodahi e loage, go hiidinga e sogoisi donu huu dangada i kilaa.”

1 Peter 3:7

Gai e bei hogi, goodou denga daane dau bodu, goodou gi tonu ange gi doodou hai e nnoho ai madali oodou bodu, ma de hagadubu de hine e baageaa ange laa i taane, go hiidinga gilaadeu ni dangada hogi e bolo ange aagena de mouli e dee ngado mai, gi deai ai se mee e buibuia oodou dalodalo.

2 Peter 1:10

Deenei ai, denga daina, goodou hagaduu ngae haia gi too donu doodou hagahia aama doodou hilihilia. Noo goodou e hai mee nei, gai goodou e dee aahe dua donu.

2 Peter 1:11

Go hiidinga deenei de hai e mahuge adu ai de haitoga gi goodou, e ulu ai i de nohoanga hodooligi dee ngado mai o taadeu Dagi Maolunga ma de Ia Hagaola go Iesu Klisdo.

2 Peter 3:14

Deenei ai, ogu soa hagamogomogo, go hiidinga goodou e tali de hai mee nei, goodou hagaduu ngae haia gi deai duulangaa mee gelegele, aabe ni mee baubau i oodou daha, aama de nnoho paba.

2 Peter 3:18

Aagai goodou gi hagadagadaga age i de abodonu ma doodou iloo taadeu Dagi Maolunga, go de Ia Hagaola go Iesu Klisdo. Gidaadeu gi hagamahamaha ina ia iainei ga hano ai e dee ngado mai! Amen.