2 Peter 1:16 - De Beebaa Dabu

¹⁶ Gai gimaadeu tee tala adu hanu ngadi daalanga, i de masavaa amaadeu ne tala adu ai dagodo o ssauaa ma de ahe mai o taadeu Dagi Maolunga go Iesu Klisdo, aagai gimaadeu ne gidee donu dagodo o dono mahamaha.

2 Peter 1:16 Iomraidhean Croise

Malachi 3:2

Aagai goai e maua i de lodo mmahi i de laangi oona e humai ai? Gai goai e maua i de duu i de masavaa oona e hagasula mai ai? Ia e bei naa dagodo o de ahi a de ia e hagagilimalali ina denga baalanga, ma soobe a de ia daa malo.

Malachi 4:5

Tilo, au e hai gi hanadu de pelaabisi go Elijah gi oodou daha, i mua de dae mai o de laangi maolunga, ma de hagamaatagu o Tagi Maolunga.

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Matthew 16:28

Ni muna abodonu aagu e hai adu nei gi goodou: e hanu donu dangada e tuu i kinei e dee maakau ga dae ai gi delaadeu gidee Tama a Tangada e humai i dono nohoanga hodooligi.”

Matthew 17:1

Dua e ono laangi, gai Iesu ne kave madali ia Peter, ma James ma dono daina go John, ga hulo ai gi dahi mounga maolunga, e deai dangada iai.

Matthew 24:27

De uila e laba i baasi i dua ga hano ga dae gi de baasi i dai, gai e bei ai naa hogi de humai o Tama a Tangada.

Matthew 24:3

De masavaa o Iesu ne hano ai ga noho i honga de Mounga o denga Olive, gai ana dangada agoago ga loomai gi ono daha i de masavaa e deai ai dangada, ga hai ange, “Daalaa mai, dee hee de masavaa e hai ai mee nei? Aagai dee hee de hagailonga o doo ahe mai aama de hagaodi o henua i lalo?”

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Mark 13:26

De masavaa laa gai dangada e gidee naa Tama a Tangada e humai i honga denga giliiga i de mmahi ma de mahamaha.

Mark 14:62

Iesu ne hai ange, “Go au donu. Gai goodou e gidee naa Tama a Tangada e noho i de baasi madau o de Ia Mmahi Mmao laa, ma de humai i honga giliiga o de langi.”

Luke 1:2

bei de hai ne tala mai ai gi gimaadeu i daho dangada ne gidee de hai mee nei mai i taamada, go gilaadeu ne agoago ina muna nei.

Luke 9:43

Gai dangada alodahi gu llele mouli i ssauaa mmahi o de Maadua. De masavaa ne llele ai mouli o dangada i hegau hugadoo a Iesu gu hai laa, gai ia ga hai ange gi ana dangada agoago,

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 17:2

Koe gu gaavange gi de ia ssauaa i honga o dangada alodahi, gai ia ga gaavange ai de mouli e dee ngado mai gi gilaadeu alodahi aau gu gaavange gi de ia.

Romans 1:4

gai gu hagaago mai bolo ia go Tama Daane a de Maadua i ssauaa o de Hagasaalunga Dabu, i hiidinga dono mouli age mai i de magau: deenei, go Iesu Klisdo taadeu Dagi Maolunga.

1 Corinthians 1:17

Klisdo tee hai au gi hanadu gi babudaisi ina dangada, gai au gi agoago ina de longo danuaa — gai gi dee agoago i muna heiangi a dangada, gi dee hagangadi mee ina ai ssauaa o de laagau lui o Klisdo.

1 Corinthians 1:23

aagai gimaadeu e agoago dagodo de daudau o Klisdo i de laagau lui, go mee e hagahaisala ina de gau Ssuu, gai ni ngadi muna i daho denga Gentile.

1 Corinthians 1:7

gai gu deai donu se duuhanga oodou tigi kave i de baasi gi de hagasaalunga, i doodou tali de ahe mai o Iesu Klisdo taadeu Dagi Maolunga.

1 Corinthians 2:1

Denga daina, dogu masavaa ne dae adu ai gi oodou daha, gai au tee hanadu ga agoago adu goodou i muna a de Maadua i muna maolunga, aabe go de iloo mee o dangada.

1 Corinthians 2:4

gai agu muna ma agu agoago tee hai i de heiangi ma de usuusu ange ai dangada, aagai ne hai i ssauaa o de Hagasaalunga ⌊Dabu⌋,

1 Corinthians 5:4

De masavaa oodou e hagabuni ai i de ingoo o Tagi Maolunga go Iesu, gai dogu hagasaalunga e madali goodou i ssauaa o taadeu Dagi Maolunga go Iesu,

2 Corinthians 2:17

Gai gimaadeu e dee bei dagodo o dangada soa, e haia laa muna a de Maadua bei goloa e hagao laa gi daha gi lagolago ai olaadeu mee. Aagai gimaadeu e hai hegau i de muna abodonu, i demaadeu agoago i mada luu mada o de Maadua, i lodo o Klisdo, bei de hai a de Maadua gu hagadabu ai gimaadeu.

2 Corinthians 4:2

Gimaadeu gu tili gee hegau hagadookaa e hai hagammuni laa. Gimaadeu gu dee hai hegau hagasenga ma tee hagahaisala muna a de Maadua, aagai gimaadeu e tala de muna abodonu i mada luu mada o de Maadua, aama tagi i de lodo o dahi ma dahi.

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

Philippians 3:21

Gai ia ga sui ai odaadeu angaanga maolalo nei gi bei dagodo o dono angaanga mahamaha laa, i ssauaa ne haia laa ga maua e ia i de dagi mee alodahi.

1 Thessalonians 2:19

E aha, e dee go goodou demaadeu tali hagalodolodo, ma demaadeu malangilangi, aama omaadeu hau hodooligi e hagamahamaha ai i mada luu mada o taadeu Dagi Maolunga go Iesu i dono ahe mai?

2 Thessalonians 2:9

Gai de humai o de ia e oohaa de hainga e hai hegau naa i ssauaa o Satan. Ia e hai naa denga hagadaagangaa sauaa mmahi, ma de hai denga hagailonga, ma mee hagalele mouli e hagasenga ai dangada,

1 Timothy 1:4

gilaadeu gi dee anga ange gi denga daalanga hhadu ma hagatau o denga atangada. Mee nei e hai gi dee buni dangada, e dee bale ange hegau a de Maadua e daamada mai laa i de gai.

1 Timothy 4:7

Gai koe gi dee anga ange gi denga ngadi daalanga e dee bei lodo o de Maadua, ma ngadi daalanga a denga haahine madumaatua. Aagai koe agoago i de hai lodo o de Maadua;

Titus 1:14

gai gilaadeu gi dee hagalaangona denga ngadi daalanga a de gau Ssuu ma muna a dangada gu daahuli gee laa i de muna abodonu.

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.

1 John 4:14

Gai gimaadeu ne gidee ma de tala hagadonu, bolo Tamana ne gaamai dana Dama Daane e hai ai de Ia Hagaola o henua i lalo.

Jude 1:14

Aanei gilaadeu a Enoch ne tala pelaabisi laa i de hidu atangada i dua o Adam, ga hagadaba, “Tilo, Tagi Maolunga e humai naa madali ono dangada de langi dabu soa mmao,

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.