2 Peter 1:14 - De Beebaa Dabu

¹⁴ go hiidinga au e iloo bolo gu baa mai donu dogu hano gee i de angaanga nei, bei de hai a taadeu Dagi Maolunga go Iesu Klisdo gu hagaago mai ai gi de au.

2 Peter 1:14 Iomraidhean Croise

Isaiah 38:12

Dogu mommee noho gu aau gee bei de hale malo o dahi dangada hagaloosi ssiibi. Dogu mouli gu tuu bei hegau a tangada langa mee; ia gu aau gee au mai i de laagau langa mee; de laangi ma de boo gai koe e hai gi hagadagadaga iho dogu mouli.

John 13:36

Simon Peter ne ssili ange gi de ia, “Tagi Maolunga, go hee oou ga hano naa aagena?” Iesu ne hai ange, “Iainei gai koe tigi maua i de daudali mai i de au gi de mommee oogu ga hano nei aagena, aagai koe e daudali mai naa i muli mai.”

Acts 20:25

Aagai iainei au e iloo bolo goodou alodahi gu agoago i ogu daha i dagodo o de nohoanga hodooligi o de Maadua gu dee aahe ange naa donu e gidee au.

2 Corinthians 5:1

Gai gidaadeu e iloo bolo noo de hale malo, go odaadeu angaanga, odaadeu e mouli ai nei i henua i lalo gu maoha, gai e dahi odaadeu hale gu hagaduu i daho de Maadua, e dee se hale e hai i lima o dangada, gai se hale e dee ngado mai i de langi.

Deuteronomy 31:14

Gai Tagi Maolunga ga hai ange gi Moses, “Tilo, gu baa mai de laangi oou e magau ai. Hagahia Joshua ma gooluu loomai gi de hale malo hagabuni, gai au ga hagadabu ai ia.” Gai Moses ma Joshua ne hulo ga tuu i lo te hale malo hagabuni.

2 Timothy 4:6

Gai au gu baba ange donu e llingi bei dagodo o ssigidaumaha o mee unu, gai gu dae mai dogu masavaa e hano gee ai i de mouli nei.

Joshua 23:14

Gu baa mai dogu masavaa e magau ai, bei dagodo o dangada alodahi. Gai goodou gu iloo i oodou lodo alodahi ma oodou hagasaalunga, bolo mee danuaa alodahi a Tagi Maolunga doodou Maadua ne hagatoo donu adu gi goodou ne hai donu ga bei, teai donu se mee tee sula.

2 Peter 1:13

Au e maanadu bolo e heohi dagu ahe ange e hagamaanadu adu mee nei gi goodou, i taulooloa dogu mouli i de angaanga nei,