1 Samuel 7:3 - De Beebaa Dabu

³ Gai Samuel ga hai ange gi de gau Israel alodahi, “Noo goodou e aahe mai gi Tagi Maolunga i oodou lodo alodahi, gai goodou aau gee denga diinonga o de gau henua gee, ma tiinonga go Ashtaroth mai i oodou daha, ga dugu ange oodou lodo alodahi gi Tagi Maolunga, ma de daumaha ange donu huu gi de ia, gai ia ga hagaola goodou mai i de gau Philistia.”

1 Samuel 7:3 Iomraidhean Croise

Genesis 35:2

Gai Jacob ne hai ange gi dono huaabodu, ma dangada alodahi madali ia, “Goodou dilia denga diinonga i oodou daha naa, ma de hagagilimalali goodou ga sui oodou malo.

1 Kings 11:33

Au e hai de hegau nei i hiidinga gilaadeu ne tili au gai gu daumaha ange gi Ashtoreth, tiinonga hahine o de gau Sidon, ma Chemosh, tiinonga o de gau Moab, ma Milcom, tiinonga o de gau Ammon; gilaadeu tee daudali i ogu haiava, ma tee hai hegau i de heohi i mada luoogu mada, gilaadeu tee daohi hogi agu muna gu hagasauaa, ma agu hagamodu, bei dagodo hegau a David, tamana o Solomon ne hai.

1 Kings 8:48

gai noo gilaadeu e sui alaadeu maanadu ga daahuli olaadeu lodo alodahi, i delaadeu nnoho i de henua o olaadeu hagadaumee, ne noonoodia laa gilaadeu ga gaavee, gai gilaadeu ga huuhuli mai gi delaadeu henua ga dalodalo ai, go de henua aau ne gaavange gi olaadeu dubuna madagidagi, gai go de aduhale aau gu hili, ma de hale aagu gu hagaduu nei e hagadubu ai doo ingoo —

2 Kings 17:39

Aagai goodou maatagu i Tagi Maolunga doodou Maadua, gai ia ga hagaola ai goodou mai i oodou hagadaumee alodahi.”

2 Kings 23:15

Gai e bei ai hogi de mommee o ssigidaumaha i Bethel, go de mommee daumaha a Jeroboam, tama daane a Nebat ne hagaduu, go taane ne haia ga haisala de gau Israel — ia ne oha hogi de mommee o ssigidaumaha ma de mommee daumaha laa. Ia ne dudu de mommee daumaha ga hai gu ni lehu, aama de dudu tuludulu laagau o Asherah.

1 Chronicles 22:19

Gai goodou hagammahi saalaa Tagi Maolunga doodou Maadua i oodou lodo ma oodou hagasaalunga alodahi. Goodou ga daamada de hagaduu de mommee dabu o Tagi Maolunga de Maadua, gi maua ai e goodou i de gaamai de ngavesi o de hagatoo donu hagaheloongoi a Tagi Maolunga ma denga goloa dabu o de Maadua gi lo te temple oodou e hagaduu ange gi de ingoo o Tagi Maolunga.”

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

2 Chronicles 19:3

Gai goi hanu huu oo danuaa, go hiidinga koe ne aau gee mai i de henua denga duludulu laagau o Asherah, gai koe ne hagaduu ngae ga ssala de Maadua.”

2 Chronicles 20:33

Aagai denga mommee daumaha tee oha; gai dangada tee dugu ange hogi olaadeu lodo gi de Maadua o olaadeu dubuna madagidagi.

2 Chronicles 30:19

gu hagababa laa i ono lodo bolo ia ga ssala de Maadua, go Tagi Maolunga, de Maadua o ono dubuna madagidagi, e dee galemu donu ia tigi hagagilimalali ia bei dagodo o denga hainga o de mommee dabu.”

Proverbs 16:1

Tangada e hai denga hagatau i ono lodo, aagai go Tagi Maolunga e gaavange muna e basa ange ai.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Jeremiah 24:7

Gai au e hai naa gi iloo e gilaadeu i olaadeu lodo, bolo go au donu go Iahweh. Gai gilaadeu go ogu dangada, gai au go delaadeu Maadua, go hiidinga gilaadeu e aahe mai naa gi de au i olaadeu lodo alodahi.

Jeremiah 36:3

Kana adu dangada o Judah e daahuli gee naa i alaadeu dahulinga baubau i delaadeu langona dagodo o denga hai ngadaa alodahi aagu gu hagatau e hai ange gi gilaadeu; gai au ga degi ange ai gi alaadeu hegau baubau ma olaadeu haisala.”

Jeremiah 4:1

“Israel, noo koe e lodo e ahe mai gi de au, gai ahe mai, go Tagi Maolunga e hagadaba. Noo koe e aau gee oo diinonga hakino gee i mada luoogu mada, gai goodou e dee aahe ange e hulo gee,

Ezekiel 14:6

Deenei ai, hai ange gi dangada o Israel, ‘E hagadaba de Ia Aamua go Iahweh: Goodou daahuli oodou lodo, gai dilia oodou diinonga ma de hulo gee i oodou dahulinga hakino gee.

Ezekiel 18:31

Dilia oodou haisala alodahi gu haisala mai ai gi de au, gai hagahoou ina oodou lodo ma oodou hagasaalunga! Dangada o Israel, ni haigamaiana aha doodou maakau?

Hosea 14:1

Israel, ahe mai gi Tagi Maolunga doo Maadua, oo baubau gu hagahaisala goe.

Matthew 15:8

‘De huaadangada nei e hagadubu au i olaadeu ngudu, aagai olaadeu lodo e mmao gee donu i de au;

Matthew 4:10

Aagai Iesu ne hai ange gi de ia, “Satan, hano gee mai i ogu daha! Go hiidinga gu sisi e hai ange, ‘Koe gi daumaha ange gi Tagi Maolunga doo Maadua, gai go ia donu huu oou e hai hegau ange aagena!’ ”

Matthew 6:24

“E deai donu se dangada e maua i de hai hegau ange gi e dogolua dangada aamua; go hiidinga ia e kino naa i dahi gai e aloha i de ia ange laa, aabe ia e hagapigi ange naa gi dahi gai ga hagangadi mee de ia ange laa. Goodou e dee maua hogi i de hai hegau ange gi de Maadua ma sseene.

Luke 4:8

Aagai Iesu ga hai ange gi de ia, “Gu sisi e hai ange, ‘Koe gi daumaha ange gi Tagi Maolunga doo Maadua, gai go ia donu huu oou e hai hegau ange aagena.’ ”

John 4:24

De Maadua se hagasaalunga, gai gilaadeu e daumaha ange gi de ia gi daumaha ange gi de ia i de hagasaalunga aama de mee abodonu.”

Deuteronomy 10:20

Goodou gi maatagu i Tagi Maolunga doodou Maadua, gai daumaha ange donu huu gi de ia, ma de hagapigi ange gi de ia, aama de hagatoo donu donu huu i dono ingoo.

Deuteronomy 13:4

Gai goodou daudali ange i Tagi Maolunga doodou Maadua, gai maatagu i de ia. Daohi ana muna, ma de hagallongo ange gi de ia, ma de daumaha ange gi de ia, aama de hagapigi ange gi de ia.

Deuteronomy 4:29

Aagai noo goodou e ssala Tagi Maolunga doodou Maadua i doodou nnoho i kilaa, gai goodou e gidee donu ia noo goodou e hagaduu ngae ga ssala ia i oodou lodo alodahi aama oodou hagasaalunga alodahi.

Deuteronomy 6:13

Goodou maatagu i Tagi Maolunga doodou Maadua, ma de daumaha ange donu huu gi de ia aama de hagatoo donu i dono ingoo.

Joshua 13:31

ma dahi luu baasi o Gilead, ma Ashtaroth, ma Edrei, go aduhale o de nohoanga hodooligi o Og i Bashan. Denga mommee nei ne vvae ange gi dangada o Makir, tama daane a Manasseh, ga gaavange gi denga hagadiilinga i dahi baasi de aamuli o Makir.

Joshua 24:14

Gai goodou maatagu i Tagi Maolunga ma de daumaha ange gi de ia i de muna abodonu, ma de hai hegau ange gi de ia i de mee abodonu. Goodou dilia denga diinonga a oodou dubuna ne daumaha ange aagena i de baasi laa o Euphrates ma Egypt, aagai daumaha ange gi Tagi Maolunga.

Joshua 24:23

Joshua ne hai ange hogi, “Deenei ai, goodou dilia denga diinonga o de gau henua gee i oodou daha naa, gai dugua ange oodou lodo gi Tagi Maolunga de Maadua o Israel.”

Judges 10:16

Gai dangada o Israel ga aau gee denga diinonga laa mai i olaadeu magavaa, gai ga daumaha ange gi Tagi Maolunga; gai ia gu kona mmao de daemaha ono lodo i hiidinga de duasala o de gau Israel.

Judges 10:6

Gai de gau Israel ne aahe ange hogi ga hai denga dahulinga baubau i mada luu mada o Tagi Maolunga; gilaadeu ne daumaha ange gi denga Baal, ma Ashtaroth, ma denga diinonga o Syria, ma diinonga o Sidon, ma diinonga o Moab, ma diinonga o de gau Ammon, aama diinonga o de gau Philistia. Gilaadeu ne tili Tagi Maolunga gu dee daumaha ange gi de ia.

Judges 2:11

Gai de gau Israel gu dahulinga baubau i mada luu mada o Tagi Maolunga, ma de daumaha ange gi denga Baal.

Judges 2:13

Gilaadeu ne tili Tagi Maolunga, gai ga hulo ga daumaha ange gi denga Baal ma Ashtaroth.

1 Samuel 31:10

Gai gilaadeu ne kave goloa hebagi o Saul ga hhao gi lo te hale daumaha o Ashtaroth, gai ne daudau age dono angaanga i de buibui o Beth Shan.