1 Samuel 4:5 - De Beebaa Dabu

⁵ De masavaa o de ngavesi o de hagatoo donu hagaheloongoi a Tagi Maolunga ne dae mai ai gi de mommee nnoho gaainga, gai daane o Israel alodahi ga hevaalogi, gai de henua gu ngalungalue.

1 Samuel 4:5 Iomraidhean Croise

2 Samuel 15:24

Gai Zadok ne hano hogi madali ia, ma de aamuli o Levi alodahi ne saabai laa de ngavesi o de hagatoo donu hagaheloongoi a de Maadua. Gai gilaadeu ne dugu iho de ngavesi a de Maadua, gai Abiathar ga hai denga sigidaumaha ga dae ai gi de odi dangada i de hulo gee mai i de aduhale.

1 Kings 1:40

Gai dangada alodahi ne hagadangidangi i denga flute ma de hevaalogi i de malangilangi ga daudali mai ai i ono dua, gai de henua gu ngalungalue i delaadeu hevaalogi.

De Beebaa go Job 20:5

gai de kii o tangada baubau e dee daulooloa donu, gai delaadeu malangilangi se masavaa bodobodo donu huu.

Jeremiah 7:4

Goodou aude hagadonusia denga muna hhadu e hagadaba laa, ‘Deenei de temple o Tagi Maolunga, de temple o Tagi Maolunga, de temple o Tagi Maolunga.’

Amos 6:3

Goodou gu hagangalo de laangi hai ngadaa laa, gai gu hai gi moolau mai de hagaduasala laa.

Micah 2:11

Noo tangada hadu muna ma de daahanga dangada e hai adu, “Au e tala pelaabisi bolo koe e lagolago naa au uvaini ma mee mmahi,” gai ia e hai naa go delaadeu dangada agoago.

Joshua 6:20

Gai de masavaa huu a de gau haimeedabu ne ili ai denga hanga manu, gai dangada ga hevaalogi i delaadeu langona de ili de hanga manu, gai de buibui o de aduhale laa gu maoha. Gai denga daane ga saavini age gi lo te aduhale, dahi ma dahi ne hagasoe adu donu huu gi ono mada i mua, gai gilaadeu ga kave de aduhale laa.

Joshua 6:5

Gai de masavaa naa huu alaadeu e hagadau looloa ai de ili denga hanga manu laa, gai goodou gu langona, gai dangada alodahi gi hevaalogi i de leo mmahi; gai de buibui o Jericho e odi naa donu i de maoha ga baguu iho gi lalo. Gai taane nei ma taane nei gi hagasoe gi hano gi lo te aduhale i ono mada i mua.”

Judges 15:14

Gai ga dae huu Samson gi Lehi, gai de gau Philistia ne loomai ga hevaalogi. Gai de Hagasaalunga o Tagi Maolunga ne hano iho gi ono elunga i de mmahi. Gai denga daula e noonooa ai laa luoono lima gu bei denga flax gu vvela laa i de ahi, gai denga mee e noonoa laa gu maatala ga too mai i luoono lima.

1 Samuel 4:6

Gai de gau Philistia gu langona delaadeu hevaalogi, gai gilaadeu ga hagataba, “Gu aha gu kona ai nei de hevaalogi o de gau Hebrew i delaadeu mommee nnoho gaainga?” De masavaa huu alaadeu ne iloo ai bolo de ngavesi a Tagi Maolunga gu dae mai gi de mommee nnoho gaainga,