1 Samuel 26:7 - De Beebaa Dabu

⁷ Gai David ma Abishai ne loiho gi de mommee o de hagabuulinga hebagi i de boo laa; gai gilaau gu gidee a Saul e dagodo ma e seni i lo te mommee nnoho gaainga, gai dono dao e hagaduu gi lo te gelegele i gaogao dono biho. Gai Abner ma denga daane hebagi e daakodo i luoono baasi.

1 Samuel 26:7 Iomraidhean Croise

Genesis 45:19

Gai koe daalaa ange hogi gi gilaadeu, hai ange, ‘Deenei doodou mee e hai: goodou gaavee hanu hada mai i Egypt e hagauda mai ai oodou gauligi, ma oodou bodu, aama de gaamai ai doodou damana ga aahe mai ai gi kinei.

1 Samuel 17:20

Gai David ne oho age ga hano, gai ne dugu ange de hagabuulingaa ssiibi gi dahi daane hai hegau gi diiloo ange. Gai ia ne kave denga gai laa ga hano ai, bei de hai a Jesse gu tala ange ai gi de ia. Gai ia ne hano ga dae gi de mommee nnoho gaainga o denga daane hebagi, i de masavaa olaadeu e hagatau ai e hulo e hebagi, ma de hevaalogi i de hai de hebagi.

1 Samuel 26:6

Gai David ne ssili ange gi Ahimelek, taane Heth, ma Abishai, tama daane a Zeruiah, taina daane o Joab, “Goai de gooluu e humai madali au gi de mommee nnoho gaainga o Saul?” Gai Abishai ga hai ange, “Go au e hano madali goe.”

1 Samuel 26:8

Gai Abishai ga hai ange gi David, “Anailaa nei gai de Maadua gu dugu adu goe gi daia doo hagadaumee gi magau. Deenei ai, dugua mai gai au ga hai dogu dao e velo ia gi pigi ange gi lo te gelegele; gai e dee lua naa donu agu hanonga e velo ai ia.”