1 Samuel 2:5 - De Beebaa Dabu

⁵ Gilaadeu nogo boobosu gu hai hegau e hai ai alaadeu gai, aagai gilaadeu e hiikai gu dee hiikai. De hine dee hua gu haanau e dogohidu dama daane, aagai de hine e soa ana dama gu noho sogosogo.

1 Samuel 2:5 Iomraidhean Croise

Psalm 113:9

Ia e gaavange naa gi de hine dee hua dahi huaabodu, gai ia gi se dinana e malangilangi i ana dama. Duuhia Tagi Maolunga!

Psalm 34:10

Denga laiono mmahi e duasala ma de hiikai; aagai gilaadeu e saalaa Tagi Maolunga e dee duasala donu i dahi mee daudahi.

Isaiah 33:9

De henua gu hagaaloha ono dagodo ma de ngadi dagodo, Lebanon gu dogaa gai gu mmae; Sharon gu bei dagodo o de vao, gai Bashan ma Carmel gu bei denga manu ssomo gu malili laa olaadeu lau.

Isaiah 54:1

“Oo ma gi daahili, de hine dee hua, gai go de hine tee haanau; oo ma gi daahili, oo ma gi malangilangi, de hine tigi ai ono hagalangona; go hiidinga dama a de hine gu dilia e dono bodu e soa ange naa i dama a de hine e dahi ono bodu, go Tagi Maolunga e hagadaba.

Jeremiah 15:9

Tinana ne hanaua e dogohidu dama e baageaa naa ga hai ana manava hagaodi. De laa o dono mouli e danu naa donu huu i lo te laangi; ia e hagadogaa ma de hagangadi mee ina. Gai au e daa naa gi maakau dangada e doe i de gadilaasa, i mada i mua o olaadeu hagadaumee,” go Tagi Maolunga e hagadaba.

Luke 1:53

Ia gu haangai gilaadeu e hiikai i mee danuaa, gai gu hai gi ngadi hulo gilaadeu e lava teai alaadeu mee.

Luke 16:25

Aagai Abraham ga hai ange gi de ia, ‘Dagu dama, koe gi manadua doo masavaa nogo mouli ai gai koe ne kave au mee danuaa, aagai Lazarus ne kave mee baubau, aagai iainei gu hagaaneane ono lodo gai koe gu duasala.

Galatians 4:27

Go hiidinga gu sisi e hai ange, “De hine dee hua, koe gi malangilangi; de hine tigi langona iho de mmae i de haanau, koe gi oo mage malangilangi; go hiidinga de hine gu dilia e soa ange naa ana dama i dama a de hine e dahi laa ono bodu.”

Ruth 4:15

Ia e hai naa ga ahe ange goe ga mahi, ma de tilo adu goe i doo madumadua. Doo saulaba e aloha i de goe, ia e kii ange de haigamaiana adu gi de goe i denga dama daane e dogohidu, go ia ne haanau ina ia.”

1 Samuel 1:20

Dua mee laa gai Hannah gu hai dama ga haanau dahi dama daane. Gai ia ne hagaingoo ange ia go Samuel, go hiidinga ia ne hagadaba, “Au ne dangidangi ange gi Tagi Maolunga i tama nei.”

1 Samuel 1:6

Gai de hine ange laa ne hagammae manava Hannah ma de hagadaemaha ono lodo, go hiidinga Tagi Maolunga gu pono de mommee o denga dama i ono lodo.