“Goodou nnoho ma gi dee mmuu, gai goodou gi iloo bolo go au donu de Maadua. Denga huaahenua e hagaamua naa donu au, henua i lalo e hagaamua naa donu au.”
Gai gu deai ange oodou mee e hai, aagai go de ino donu huu gi lalo madali gilaadeu gu noonoodia, aabe go de baakuu madali de gau maakau. Gai mee nei alodahi tee maua donu i de hagahelui dono lili, gai dono lima goi hagaabo donu huu.
Gai e dee galemu naa donu noo goodou gu maua i de hagadee kii de hagabuulinga hebagi, o de gau Babylon e hebagi adu naa gi goodou, gai go alaadeu daane lagolagohia donu huu e doe i lodo olaadeu hale malo, gai gilaadeu e loomai naa donu ga dudu de aduhale nei.”
Dahi dangada oha mee gu humai e hebagi ange gi Babylon; ono daane hebagi gu noonoodia ma gu gaavee, gai alaadeu mee hholu gu hadihadia. Go hiidinga Tagi Maolunga se Maadua e suuia ange de baubau, gai ia e hagaodi ange donu de hagaoanga o ana hegau.
Aagai ia ne hai mai gi de au, “Dogu abodonu e dohu i de bale adu ai goe, gai ogu mahi e hai ga honu abodonu i doo baageaa.” Deenei ai, au e kii ange donu de malangilangi i de tala tuhi dogu baageaa, gi dagodo ai ssauaa o Klisdo i ogu daha.
Gai ni aha ange naa aagu e maua i de tala adu? Gu deai sagu masavaa e tala adu ai dagodo o Gideon, ma Barak, ma Samson, ma Jephthah, ma David, ma Samuel aama denga pelaabisi.
ma de diinei denga ahi ula, ma de ola mai i de gadilaasa, gilaadeu e baageaa gai gu hai ma gu ni dangada mmahi; gilaadeu ne mmahi i de hebagi, ga hagadee kii ai denga hagabuulinga hebagi o de gau henua gee.