1 Samuel 2:1 - De Beebaa Dabu

¹ Gai Hannah ne dalodalo ga hagadaba, “Ogu lodo e malangilangi mmao i Tagi Maolunga; au e hagaamua Tagi Maolunga i ogu mahi. Au e gadagada i ogu hagadaumee, i hiidinga au gu malangilangi i dau hagaola.

1 Samuel 2:1 Iomraidhean Croise

2 Chronicles 20:27

Gai Jehoshaphat ga dagi denga daane alodahi o Judah ma Jerusalem ga aahe ai gi Jerusalem i de malangilangi, go hiidinga Tagi Maolunga gu hai gi malangilangi gilaadeu i dana hagadee kii olaadeu hagadaumee.

Nehemiah 11:17

ma Mattaniah, tama daane a Micah, tama daane a Zabdi, tama daane a Asaph, go tagi e damadaa ina de hagaahe ange de abodonu i de masavaa o talodalo, ma Bakbukiah go togolua i magavaa ono daina daane, ma Abda tama daane a Shammua, tama daane a Galal, tama daane a Jeduthun.

De Beebaa go Job 16:15

Au gu dui malo daladala e haoli ai dogu angaanga, au gu danu dogu hanga i lo te gelegele.

Psalm 118:14

Go Tagi Maolunga ogu mahi ma dagu daahili, gai go ia dogu Ia Hagaola.

Psalm 13:5

Aagai au e hagadonusia doo abodonu; au e malangilangi i dau hagaola.

Psalm 148:14

Ia gu hagasula age dahi hanga moo ono dangada, de tuhi a ono dangada dabu alodahi, ma de gau Israel, go dangada aana e hagamogomogo. Duuhia Tagi Maolunga!

Psalm 18:2

Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Psalm 20:5

Gimaadeu e hevaalogi naa ga malangilangi i doo kii, ma de hagaduu age demaadeu hagailonga i de ingoo o demaadeu Maadua. Tagi Maolunga gi gaavadu mee alodahi oou gu dangidangi ange ai.

Psalm 21:2

Koe gu gaavange gi de ia dono mee e lodo ai, koe tee daohi de mee aana gu dangidangi adu ai. Selah

Psalm 35:9

Gai au e malangilangi naa i Tagi Maolunga, ma de lodo danuaa i dana hagaola.

Psalm 51:15

Dogu Ia Aamua, huugea dogu ngudu, gai au ga tuhi ai goe.

Psalm 71:8

Au e hai gi honu dogu ngudu i de tuhi goe, ma de tala dagodo o doo mahamaha i taiao ga boo ai.

Psalm 75:10

Au e hai naa donu gi deai mahi o de gau baubau alodahi, aagai au e hai naa gi hagadagadaga age mahi olaadeu e heohi.

Psalm 89:17

Go koe delaadeu mahamaha ma olaadeu mahi; gai doo heohi gu hai ma gu hagadagadaga age omaadeu mmahi.

Psalm 89:18

Tagi Maolunga, go koe demaadeu ia buibui, gai go de Ia Dabu o Israel ne gaamai demaadeu hodooligi.

Psalm 89:24

Au e hai hegau ange gi de ia i de mee abodonu ma de aloha, gai au e hagaamua naa ia i ssauaa o dogu ingoo.

Psalm 9:14

gai au ga tala tuhi ai goe i denga haitoga o tamaa hine o Zion, ma de malangilangi i kilaa i dau hagaola mai au.

Psalm 92:10

Gai koe gu hai au gi mmahi bei de manu aada; koe gu hagasulu au i de lolo hoou.

Exodus 15:1

Gai Moses ma de gau Israel alodahi ne daahili ange gi Tagi Maolunga i taahili nei, ga hai ange, “Au e daahili ange gi Tagi Maolunga i hiidinga ia gu kii i de hebagi. Ia gu maga ange denga hoosa ma dangada e savini ai gi lo te vai.

Exodus 15:21

Gai Miriam ne daahili ga hagadaba: “Daahili ange gi Tagi Maolunga, go hiidinga ia gu kii i de hebagi. Ia gu maga ange denga hoosa ma dangada e savini ai gi lo te vai.”

Habakkuk 3:1

Talodalo a de pelaabisi go Habakkuk, e hua bei de Shigionoth.

Habakkuk 3:18

aagai au e malangilangi donu i hiidinga o Tagi Maolunga, au e lodo danuaa naa donu i de Maadua, dogu Ia Hagaola.

Luke 1:69

ia gu gaamai gi gidaadeu dahi Ia Hagaola mmahi, mai i de aamuli o dono dangada hai hegau go David,

Romans 5:11

Gai e dee deenei donu huu, gai gidaadeu e malangilangi hogi i de Maadua, i daho taadeu Dagi Maolunga go Iesu Klisdo, go de ia ne haia ga maua e gidaadeu de hagadanuaa odaadeu magavaa ma de Maadua.

Deuteronomy 33:17

Dono mahamaha e bei dagodo o de kaau mmahi, gai luoono hanga e mmahi bei hanga o de kaau aada. Ia e hagalagolagohia denga huaadangada i luoono hanga, ga usu gilaadeu alodahi gi de bido laa o henua i lalo. Aanei dagodo o tahisemada dangada o Ephraim; aanei hogi dagodo o tahisemada dangada o Manasseh.”

Philippians 3:3

I hiidinga go gidaadeu donu de tuu dagaholiage abodonu, gai e daumaha ange gi de Maadua i de hagasaalunga ma de malangilangi i taadeu buni ma Klisdo Iesu, gidaadeu e dee tali hagalodolodo ange gi mee e hai i de angaanga.

Philippians 4:4

Goodou gi malangilangi i lodo o Tagi Maolunga i masavaa alodahi! Au e ahe ange e hai adu, goodou gi malangilangi!

Philippians 4:6

Goodou gi dee manavasaa i dahi mee daudahi, aagai goodou dalodalo i mee alodahi ma de dangidangi i mee oodou e duasala ai, ma de hagaahe ange de abodonu, ga hai gi iloo e de Maadua oodou mee e duasala ai.

1 Peter 1:8

E dee galemu donu goodou tee gidee ia, gai goodou e aaloha i de ia; e dee galemu donu goodou e dee gidee ia iainei, gai goodou e hagadonusia ia ma de malangilangi i de malangilangi e dee maua laa i de tala ono dagodo aama de lodo danuaa mmao,

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

1 Samuel 1:6

Gai de hine ange laa ne hagammae manava Hannah ma de hagadaemaha ono lodo, go hiidinga Tagi Maolunga gu pono de mommee o denga dama i ono lodo.

1 Samuel 1:7

Gai deelaa hugadoo de hegau a Elkanah e hai i ngadau alodahi. Gai masavaa alodahi o Hannah e hano ai gi de hale o Tagi Maolunga, gai de hine ange laa e hagadaemaha ono lodo; deelaa ai, Hannah e dangi ma tee lodo e gaimee.