1 Samuel 13:3 - De Beebaa Dabu

³ Gai Jonathan ne hagadee kii de gau Philistia i Geba, gai de gau Philistia gu langona mee laa. Gai a Saul ne hai gi ilihia de hanga manu i honga de henua alodahi, ga hagailoo ange ai gi de gau Hebrew gi loomai gi de hebagi.

1 Samuel 13:3 Iomraidhean Croise

2 Samuel 2:28

Gai Joab ne ili de hanga manu; gai denga daane alodahi ga tuu delaadeu doolohi denga daane Israel, gai gilaadeu ga hagalava de hebagi.

2 Samuel 20:1

Gai e dahi daane baubau i kilaa, dono ingoo go Sheba, tama daane a Bicri, gai se daane de aamuli o Benjamin. Ia ne ili de hanga manu, ga hagadaba, “Gidaadeu e dee dau ange gi David, gai e deai sedaadeu diba i daho tama a Jesse! Dangada alodahi o Israel, goodou aahe gi oodou hale!”

2 Samuel 23:14

De masavaa laa gai David e noho i lo te mommee buibui makaga, gai denga daane hebagi o Philistia e nnoho i Bethlehem.

Isaiah 10:29

Gilaadeu gu hulo laa lo te mommee gelo, gilaadeu e nnoho naa i Geba i de boo. Ramah gu bolebole, Gibeah o Saul gu savini ma gu hano.

Zechariah 14:10

De henua alodahi e hai naa ga soe, mai i Geba ga dae ai gi Rimmon i baasi i ngaage o Jerusalem. Aagai Jerusalem e duu naa i dono duulanga donu i de mommee maolunga, mai i de haitoga o Benjamin ga dae ai gi tuulanga o de haitoga madagidagi, ma de Haitoga i Tege, aama mai i de hale dagitilo o Hananel ga dae ai gi de mommee e kumi ai uvaini a de hodooligi.

Joshua 18:24

ma Kephar Ammoni, ma Ophni, aama Geba — e madaangahulu ma lua aduhale nnui nei madali olaadeu aduhale vaaligiligi.

Joshua 21:17

Gilaadeu ne kave mai i daho de aamuli o Benjamin: Gibeon ma ono mommee iai helii, ma Geba ma ono mommee iai helii,

Judges 3:27

De masavaa oona ne dae ai gi kilaa, gai ia ga ili de hanga manu i de mommee iai mounga o Ephraim, gai de gau Israel i kilaa ga loomai ga loiho madali ia mai i de mommee iai mounga.

Judges 6:34

Aagai de Hagasaalunga o Tagi Maolunga gu hano iho gi honga o Gideon; gai ia ga ili de hanga manu, gai de hagadiilinga o Abiezer ga hagabuni mai ga daudali ange i de ia.

1 Samuel 10:5

Dua naa huu mee nei gai koe ga hano gi Gibeah o de Maadua, go de mommee iai dahi hagabuulinga hebagi o de gau Philistia. Gai ga dae naa huu goe gi de aduhale laa, gai koe e hedae ange gi dahi hagabuulingaa pelaabisi e daga iho i de mommee daumaha ma de hagadangidangi i denga lyre, ma tambourine, ma flute, aama harp, gai gilaadeu e pasa pelaabisi.

1 Samuel 13:16

Gai a Saul ma Jonathan, dana dama daane, ma denga daane alodahi madali gilaau ne nnoho i Geba, i de vaaenga o Benjamin; aagai denga daane Philistia ne nnoho gaainga i Mikmash.