1 Samuel 12:3 - De Beebaa Dabu

³ Deenei au; goodou daalaa mai gi de au, i mada luu mada o Tagi Maolunga ma tangada aana gu hagadabu: goai aagu gu kave laa dana kaau? Goai aagu gu kave laa dana donkey? Gai goai aagu gu gaiaa laa dahi ana mee? Gai goai aagu gu vaivai hai laa? Gai goai aagu gu kave laa dahi ngadi gaavange hagasenga i ono daha, gi dee hai hegau ai au i de mee heohi? Goodou daalaa mai gai au ga hagaahe adu oodou mee.”

1 Samuel 12:3 Iomraidhean Croise

2 Samuel 22:22

Go hiidinga au ne daohi haiava o Tagi Maolunga; au tee hai de baubau ga hano gee ai i dogu Maadua.

Nehemiah 5:11

Ailaa nei gai goodou hagaahea ange olaadeu alahenua, ma alaadeu veelengaa grape, ma veelengaa olive, ma olaadeu hale, ma sseene, ma hua grain, ma uvaini hoou, ma lolo alodahi oodou gu hai naa gilaadeu gi hagao ina adu gi goodou.”

Psalm 15:5

tangada e balea ange dangada i ana sseene, gai e dee kave dahi mee laa honga de mee aana ne gaavange e hagabaubau ai tangada tigi haisala. Tangada e haia de hegau nei e dee dai ngalungalue donu.

Exodus 20:17

Aude nnoo ange gi de hale o tangada e baa adu gi de goe. Aude nnoo ange gi de bodu o tangada e baa adu gi de goe, be go dono daane hai hegau, be go dono hahine hai hegau, be go dana kaau, be go dana donkey, aabe go dahi ana mee daudahi.”

Exodus 22:4

Gai noo manu ne gaiaadia laa gu gidee mai i ono daha gai goi mouli huu, e dee hilihili be se kaau be se donkey, aabe se ssiibi, gai ia gi gaavange e dagilua manu e sui ai denga manu aana ne gaiaa laa.

Exodus 23:8

Aude gaavee de mee ngadi gaavange hagasenga; go hiidinga de mee bee nei e hai dangada gi dee gidee e gilaadeu de mee heohi ma de hagahaisala muna a dangada heohi.

Proverbs 15:27

Tangada nnoo hagamau mee, e hagahai ngadaa dono huaabodu, aagai tangada e kino i denga ngadi gaavange hagasenga e mouli donu.

Leviticus 6:4

gai de masavaa naa huu o tangada e donu iho ai bolo ia gu haisala i dana hai mee nei, gai ia gi hagaahea ange mee aana ne gaiaa laa, be go mee aana ne kave laa i de vaivai dagodo, be go mee ne gaavange laa ia gi doange ina, be se mee ne tili gai ia ga gidee,

Leviticus 6:5

be se mee niiana gu hagatoo donu hadu muna ai. Ia gi hagaahea ange mee nei alodahi ga hagapuni ange dahi diba i diba e lima ga hagaahe ange ai gi tangada niiana mee laa, i de laangi aana e hai ai ssigidaumaha o tagasala.

Numbers 16:15

Gai Moses gu kona mmao de lili, gai ia ga hai ange gi Tagi Maolunga, “Koe gi dee hagadubu ina donu delaadeu sigidaumaha. Tigi ai donu se donkey daudahi aagu ne kave mai i olaadeu daha, aabe gu hai ange dahi baubau gi gilaadeu.”

Matthew 22:21

Gilaadeu ne hai ange gi de ia, “Niio Caesar.” Iesu ne hai ange gi gilaadeu, “Deelaa ai, gaavange gi Caesar mee a Caesar, gai gaavange gi de Maadua mee a de Maadua.”

Luke 19:8

Aagai Zacchaeus ne duu age ga hai ange gi Tagi Maolunga, “Tilo, Tagi Maolunga, au e gaavange naa dahi luu baasi o agu mee gi de gau hagaau aloha. Gai noo au gu gaiaa mee a dahi dangada, gai au e hagaahe ange naa agu mee ne kave gi haa hanonga e kii ange ai.”

Acts 20:33

Gai au tee nnoo ange donu gi selevaa be go goolo, aabe go malo o dahi dangada.

2 Corinthians 12:14

Gai deenei tolu hanonga oogu ne hagadabena ai e hanadu. Gai au e dee hagahai ngadaa naa donu goodou i dahi mee, go hiidinga au e dee lodo i oodou mee, gai au e lodo i goodou; e dee go denga dama e hagadanuaa ina olaadeu maadua, gai go denga maadua e hagadanuaa ina denga dama.

Deuteronomy 16:19

Aude hagahaisala de hagamodu heohi, aabe gi hilihili dangada. Aude gaavee de mee ngadi gaavange hagasenga, go hiidinga de ngadi gaavange hagasenga e hai ga dee gidee e tangada heiangi de mee heohi, ma de hagahaisala muna a dangada e heohi laa.

1 Thessalonians 2:10

Gai goodou go omaadeu dangada tala hagadonu, gai e bei ai hogi de Maadua, bolo gimaadeu ne hai hegau i de dabu ma de heohi, aama de gilimalali adu gi goodou e hagadonusia.

1 Thessalonians 2:5

Goodou e iloo bolo gimaadeu tee hagasegesege adu donu goodou i amaadeu muna, be ne hagasenga goodou gi dee iloo ai e goodou demaadeu nnoo hagamau mee — go de Maadua demaadeu dangada tala hagadonu.

1 Peter 5:2

goodou diiloo ange de hagabuulingaa ssiibi a de Maadua i oodou daha naa, ma de hai hegau gi bei dagodo o denga dagi abodonu, e dee go hiidinga donu huu se hegau gu gaavadu goodou gi haia, aagai go hiidinga doodou malangilangi i de hai lodo o de Maadua; e dee go hiidinga goodou e kave dahi hagaoanga, aagai go hiidinga goodou e llodo abodonu.

1 Samuel 10:1

Gai Samuel ne kave dahi manu lolo ga llingi ange gi honga de biho o Saul ma de oso ia, ga hai ange, “E aha, e dee go Tagi Maolunga ne hagadabu ina goe i de lolo gi dagina ono dangada, go de gau Israel? [Gai koe ga dagi ai dangada o Tagi Maolunga ma de hagaola gilaadeu mai i olaadeu hagadaumee i luu baasi delaadeu henua. Gai deenei de hagailonga adu gi de goe, bolo Tagi Maolunga gu hagadabu goe i de lolo gi dagina dangada o dono boolonga.]

1 Samuel 12:4

Gai gilaadeu ga hai ange, “Koe tee gaiaa donu amaadeu mee be ne vaivai hai gimaadeu, aabe ne kave mee a dahi dangada.”

1 Samuel 12:5

Gai ia ne hai ange gi gilaadeu, “Go Tagi Maolunga ma de hodooligi aana gu hagadabu anailaa nei e hagadonu ai, bolo teai donu se mee daudahi oogu ne haisala adu ai gi goodou.” Gai gilaadeu ga hai ange, “Go Tagi Maolunga donu e hagadonu ai mee nei.”

1 Samuel 2:35

Gai au e hagasula age naa dogu dangada haimeedabu e hai hegau laa i de muna abodonu, gai ia ga hai ai gi bei ogu lodo aama agu maanadu. Gai au e hai naa dono aamuli gi dee lilo ga hano ai, gi hai hegau ange ai gi de hodooligi ga hano ai.

1 Samuel 24:11

Dogu damana, galo mai diiloo talaa malo aagu e poo nei i dogu lima. Au ne tuu talaa malo nei mai i doo malo, aagai au tee daa goe gi magau. Gai gi iloo e goe ma de gidee bolo au e dee lodo donu e hai de baubau aabe go lodo e hai baasi adu. Au tigi haisala adu donu gi de goe, aagai koe e ssala au e daa gi magau.

1 Samuel 24:6

Gai ia ga hai ange gi ono daane, “Tagi Maolunga e dee dugu mai au gi haia ange de hegau bee nei gi dogu dangada aamua, go de ia a Tagi Maolunga gu hagadabu i de lolo. Au e dee maua hogi i de poo ange gi de ia, i hiidinga go ia a Tagi Maolunga ne hagadabu.”

1 Samuel 24:7

Gai David ne hagasee ono daane, ia tee dugu ange gilaadeu gi daia a Saul. Gai a Saul ne sao ga hano gee mai i lo te haonga laa.

1 Samuel 26:11

Gai Tagi Maolunga e dee dugu mai donu au gi daia taane aana gu hagadabu. Aagai gidaau ga kave tao ma de manu vai i gaogao dono biho naa e hulo ai.”

1 Samuel 26:9

Aagai David ga hai ange gi Abishai, “Koe e dee daa donu ia gi magau. Goai e maua i de poo ange gi tangada a Tagi Maolunga gu hagadabu, gai e dee haisala?”