1 Peter 5:8 - De Beebaa Dabu

⁸ Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

1 Peter 5:8 Iomraidhean Croise

Esther 7:6

Gai Esther ga hai ange, “Ia se hagadaumee e kino i gimaadeu! Go Haman taane baubau naa!” Gai Haman gu madagu i de hodooligi ma de hine hodooligi.

De Beebaa go Job 2:2

Gai Tagi Maolunga ne ssili ange gi Satan, “Go hee oou ne humai ai naa?” Satan ne basa ange, ga hai ange, “Au ne humai i dua dogu aheahe saele i henua i lalo alodahi.”

Psalm 104:21

Denga laiono mmahi e hagangolo ange gi alaadeu manu e gai, ma de ssala ai alaadeu gai mai i daho de Maadua.

Psalm 109:6

Hilia ange dahi dangada baubau gi hai baasi ange gi de ia, gai dahi ono hagadaumee gi hagabaubau ina ia.

Proverbs 19:12

De bole o de hodooligi e bei de hagangolo o de laiono, aagai dono abodonu e bei de mee suungia e hano iho laa gi honga helii.

Proverbs 20:2

De bole o de hodooligi e bei de hagangolo o de laiono; tangada e haia ia ga lili e daa donu ga magau.

Proverbs 28:15

Tangada baubau e dagina laa de gau hagaaloha e bei de laiono e hagangolo laa aabe go de bea e hebagi ange laa gi tangada.

Isaiah 50:8

De ia e daalaa dogu heohi e baa mai donu gi de au. Gai goai ai naa e hagabaubau ina au? Gidaadeu ga hagadau gaavange i de mommee hagamodu muna. Goai e lodo e hagabaubau au? Gai ia gi humai.

Jeremiah 2:15

Denga laiono e hagangolo ange gi de ia, gilaadeu gu kona donu de hagangolo. Gilaadeu gu hai dono henua gi se mommee e ngadi dagodo; ono aduhale gu maoha, gai gu deai dangada e nnoho ai.

Jeremiah 51:38

Dangada i kilaa e koo naa bei dagodo o denga laiono; gilaadeu e hagangolo naa bei dama a de laiono.

Ezekiel 19:7

Ia ne oha olaadeu mommee buibui makaga, ma de oha ga odi olaadeu aduhale. De henua ma dangada alodahi e nnoho ai, gu maatagu i dono haganngolo.

Ezekiel 22:25

Ono pelaabisi gu heloongoi i dahi mee, gilaadeu e bei de laiono e haganngolo laa i dana masavaa e gai ai de manu aana gu mau; gilaadeu e daa dangada gi maakau, gilaadeu e kave goloa ma mee hagamogomogo ma de hai gi soa haahine gu maakau olaadeu bodu i kilaa.

Daniel 6:24

Gai de hodooligi ga tala ga hagasauaa mee e hai, gai gilaadeu ga dagi mai denga daane ne hagabaubau ina laa Daniel ga tili ange gi lo te haonga o denga laiono, madali olaadeu bodu ma alaadeu dama. Gai olaadeu angaanga tee paa donu i tagelo o de haonga laa, gai denga laiono ga hangahanga gilaadeu ga gai ma olaadeu ivi.

Hosea 11:10

Gilaadeu e daudali ange naa i Tagi Maolunga, ia e oo naa bei de laiono e goo laa; uaa, ia e oo naa bei de laiono e goo laa, gai ono dangada e bolebole naa ga loomai ai i dai.

Hosea 13:8

Au e lele ange naa ga gadigadi gilaadeu bei hegau a de bea gu gaavee laa ana dama. Au e gai naa gilaadeu bei hegau a de laiono; gai dahi manu alasala e hangahanga naa gilaadeu.

Joel 3:16

Tagi Maolunga e haganngolo mai i Zion, gai e hai gi paa mai de hatuli i Jerusalem; de langi ma henua i lalo e ngalungaalue naa. Aagai Tagi Maolunga go de buibui o ono dangada, gai ia se mommee buibui makaga niio de gau Israel.

Amos 1:2

Ia ne hagadaba: “Tagi Maolunga e hagangolo mai i Zion, ma de basa mai i Jerusalem bei de babaa o de hatuli; mommee iai helii a de gau hagaloosi manu e tangi naa, gai ulu de mounga go Carmel e mmae naa.”

Amos 3:4

E aha, e maua de laiono gi goo i lodo henua, noo tigi ai sana manu ne mau? E aha, e maua e de laiono i de haganngolo i lodo mee muimui, i de masavaa tigi ai ana mee ne mau?

Amos 3:8

De laiono gu haganngolo — gai goai naa e dee madagu? De Ia Aamua go Iahweh gu basa — gai goai naa e maua i tee basa pelaabisi?

Zechariah 11:3

Hagalaangona adu de tangi o de gau hagaloosi ssiibi; go hiidinga denga mommee iai helii gu oha! Hagalaangona adu de tangi o denga laiono; go hiidinga gu deai donu manu ssomo i Jordan!

Zechariah 3:1

Ia ne hagaago mai hogi Joshua tangada haimeedabu maolunga e duu i mada i mua o tangada de langi o Tagi Maolunga, gai Satan e duu i dono baasi madau ma e hagabaubau ai ia.

Matthew 13:39

De hagadaumee ne dooa denga helii, go de ia hagabaubau laa. Aagai de masavaa o de hagihagi go de hagaodi o henua i lalo, gai de gau hagihagi go de gau de langi.

Matthew 24:42

Deenei ai, goodou dagitilo, go hiidinga goodou e dee iloo de laangi o doodou Dagi Maolunga e humai ai.

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Matthew 4:1

Gai de Hagasaalunga ⌊Dabu⌋ ne dagi Iesu ga kave gi lodo henua e hagatale ai, i daho de ia hagabaubau laa.

Matthew 4:11

Gai de ia hagabaubau laa gu hano gee mai i ono daha. Gai tilo, de gau de langi gu loomai ga bale ange ia.

Mark 4:15

Hanu dangada e bei dagodo o denga golee e too ange laa gi gaogao de haiava. De masavaa alaadeu ne langona ai muna a de Maadua, gai ne moolau donu de humai o Satan ga kave gee muna gu doo ange laa gi olaadeu lodo.

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

Luke 21:36

Aagai goodou dagitilo ma de dalodalo i masavaa alodahi gi mmahi ai goodou i de saavini e hulo gee i mee alodahi e loomai, ma de tuu i mada luu mada o Tama a Tangada.”

Luke 22:31

“Simon, Simon, Satan e lodo mmao e nonu goe bei dagodo o denga grain.

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

2 Corinthians 2:11

gi dee kii ai Satan i gidaadeu; gai gidaadeu e iloo dagodo o ana hagatau baubau e hai.

Ephesians 4:27

gai gi dee dugua ange dahi damaa mommee gi de ia hagabaubau laa.

Ephesians 6:11

Gai hagauda ina de malo ma goloa hebagi alodahi o de Maadua, gi maua ai e goodou i de tuu e hai baasi ange gi denga hagadaagangaa hagatale a de ia hagabaubau laa.

1 Timothy 2:15

Aagai de hine e hagamouli i de haanau denga dama — noo gilaadeu e duudagi de daohi de gai ma de aloha, ma de dabu aama de lodo maolalo.

1 Timothy 2:9

Gai e bei ai hogi, denga haahine gi kahu i malo e heohi i delaadeu kahu ai, gilaadeu gi daudonu ma de dahulinga danuaa; e dee go de bini olaadeu biho, ma de dau mee goolo, ma ango aabe go malo hagao ngadaa,

1 Timothy 3:11

E bei ai hogi, olaadeu bodu gi ni haahine e hagadubu i daho dangada, gilaadeu gi dee llodo e hai samu, gai gi dee llodo e unu gi ssenga, gai gi hai hegau i de muna abodonu i mee alodahi.

1 Timothy 3:2

Tangada e dagi i de nohoanga dabu, gi deai ono mee e hagabaubau ina ai; gai gi dahi donu huu ono bodu, ia gi dee unu gi senga, ia gi maua i de golomagi ono lodo, gai gi se dangada e hagadubu i daho dangada, ma de abodonu ange gi dangada i dono hale, gai ia gi maua i de agoago;

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.

Titus 1:8

aagai gi abodonu ange gi dangada e loomai gi dono hale, ia gi malangilangi i de hai tanuaa, ia gi maanetonu, ia gi hai hegau i de mee heohi ma de hai gi dabu abodonu, aama de golomagi ono lodo.

Titus 2:12

ma de agoago mai ai gidaadeu gi dilia hegau baubau ma lodo o henua i lalo, gai gi golomagi ina odaadeu lodo, ma de hai hegau i de heohi, aama de hai lodo o de Maadua i henua i lalo nei;

Titus 2:2

Agoagona ange denga daane maatua gilaadeu gi dee unu gi ssenga, gilaadeu gi ni dangada e hagadubu i daho dangada, ma de maua i de golomagi olaadeu lodo; gilaadeu gi tuu gi makaga i de gai, ma de aloha, aama de hagaduu ngae i de lodo mmahi.

Titus 2:4

Gai gilaadeu gi agoago ange denga gauligi haahine, gi aaloha i olaadeu bodu ma alaadeu dama.

Titus 2:6

Gai koe gi agoagona ange hogi denga dama daane gilaadeu gi maua i de dugu iho olaadeu lodo.

James 4:7

Deenei ai, goodou hagallongo ange gi de Maadua. Hai baasi ange gi de ia hagabaubau, gai ia e savini naa donu ga hano gee mai i goodou.

1 Peter 1:13

Deenei ai, goodou hagadabena ina oodou maanadu ma oodou lodo. Goodou gi paba ange aama de tali hagalodolodo ange gi de manuuia gu dai gaavadu gi goodou i de masavaa o Iesu Klisdo e hagasula mai ai.

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

Revelation 12:10

Gai au ne langona dahi leo mmahi i de langi e hagadaba, “Gu baa mai de hagaola, ma ssauaa, ma de nohoanga hodooligi o taadeu Maadua, ma ssauaa o dana Klisdo e dagi ai. Go hiidinga de ia e hagabaubau ina odaadeu daina, ma de hagabaubau ina gilaadeu i mada luu mada o de Maadua, i de laangi ma de boo gu tili iho gi lalo.

Revelation 12:12

Deenei ai, de langi, malangilangi, ma goodou alodahi e nnoho i kilaa! Aagai e vakaa naa henua i lalo ma tai, go hiidinga de ia hagabaubau laa gu bole ma gu hano iho ai gi goodou, go hiidinga ia gu iloo bolo dono masavaa gu bodobodo.”

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 20:10

Gai de ia hagabaubau e daahangadia laa gilaadeu gu tili ange gi lo te ahi ula ma denga sulfur e ssali laa bei vai, go de mommee ne tili ange aagena de manu alasala ma de pelaabisi hadu muna laa, gai gilaadeu e hagaduasala naa i de laangi ma de boo ga hano ai e dee ngado mai.

Revelation 20:2

Gai ia ne poo de dragon, go de labodo madagidagi laa, go de ia hagabaubau, go Satan, ga nnoa ia i e mano ngadau,

Judges 14:5

Gai Samson ma luoono maadua ga hulo gi Timnah. Gai Samson ne hano ga dae gi de mommee iai denga veelengaa grape i Timnah, gai tilo, dahi laiono mmahi ne hagangolo ga humai ai e hebagi ange gi de ia.