1 Peter 5:2 - De Beebaa Dabu

² goodou diiloo ange de hagabuulingaa ssiibi a de Maadua i oodou daha naa, ma de hai hegau gi bei dagodo o denga dagi abodonu, e dee go hiidinga donu huu se hegau gu gaavadu goodou gi haia, aagai go hiidinga doodou malangilangi i de hai lodo o de Maadua; e dee go hiidinga goodou e kave dahi hagaoanga, aagai go hiidinga goodou e llodo abodonu.

1 Peter 5:2 Iomraidhean Croise

2 Kings 12:6

Aagai de madalua ma dolu ngadau huu o Joash ne hodooligi ai, gai de gau haimeedabu tigi hai ange donu mommee gu maoha laa i de temple.

Song of Songs 1:8

De hine mahamaha hugadoo i denga haahine, noo koe e dee iloo, gai koe daudali ange i duulangaa dabuvae o de hagabuulingaa ssiibi, ma de kave au guudi gi gaimee i gaogao hale malo o de gau hagaloosi ssiibi.

Isaiah 40:11

Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

Isaiah 56:11

Gilaadeu e bei denga gaaduu hiikai, e dee maua laa gi boobosu. Gilaadeu ni dangada hagaloosi ssiibi e dee tonu; gilaadeu alodahi gu daudali donu huu i olaadeu lodo, dahi ma dahi gu ssala donu huu mee e danuaa ange gi de ia.

Isaiah 6:8

Gai au ne langona de leo o de Ia Aamua laa e hagadaba, “Goai aagu e hai gi hano? Gai goai e suuia gimaadeu e hano ai?” Gai au ga hai ange, “Deenei au, haia au gi hano!”

Isaiah 63:11

Gai ono dangada e manadua naa denga masavaa madagidagi go laangi o Moses ma ono dangada — i hee iai de ia ne dagina mai gilaadeu laa lo te vai, madali de gau hagaloosi o dana hagabuulingaa ssiibi? Gai i hee iai de ia ne dugua ange dono Hagasaalunga Dabu gi olaadeu magavaa,

Jeremiah 13:17

Aagai noo goodou e dee hagallongo mai, gai au e dangi hagammuni naa i hiidinga doodou hagamaolunga. Au e kona naa donu de dangi ma de ssali ogu loimada go hiidinga de hagabuulingaa ssiibi a Tagi Maolunga gu gaavee gee i de henua.

Jeremiah 13:20

Dangage age diiloo dangada e loomai laa i ngaiho. Gai i hee iai de hagabuulingaa ssiibi gu gaavadu gi de goe, go de hagabuulingaa ssiibi oou e basa hagasoenga ai laa?

Jeremiah 6:13

Mai i tangada maolalo ga dae ai gi tangada maolunga, go gilaadeu alodahi e nnoo ange laa gi mee e maua i hegau dee heohi; gai mai i denga pelaabisi ga dae ai gi de gau haimeedabu, gilaadeu alodahi e hai hegau i de hadu muna.

Jeremiah 8:10

Deenei ai, au e gaavange naa olaadeu bodu gi hanu daane gee, gai olaadeu alahenua e gaavange naa gi olaadeu hagadaumee. Mai i tangada maolalo ga dae ai gi tangada maolunga, gilaadeu alodahi gu nnoo hagamau mee; denga pelaabisi ma de gau haimeedabu gu se dagodo daudahi donu, gilaadeu alodahi e hegau i de hagasenga.

Ezekiel 34:23

Au e hili naa dahi dangada hagaloosi gi diiloo ange gilaadeu, go dogu dangada hai hegau go David, gai ia ga tilo ange ai gilaadeu, ga haangai ma de hagaloosi ange gilaadeu.

Ezekiel 34:31

Goodou go agu ssiibi, go ssiibi o dagu mommee iai helii, gai au go doodou Maadua, go de Ia Aamua go Iahweh e hagadaba.’ ”

Ezekiel 46:24

Gai ia ne hai mai gi de au, “Aanei mommee e hai ai ahi e boale ai sigidaumaha a dangada.”

Micah 3:11

Dagi o Jerusalem e hagamodu muna e kave ai denga ngadi gaavange hagasenga, de gau haimeedabu e agoago e kave ai dahi hagaoanga, gai denga pelaabisi e tala mee tigi loomai e kave ai denga sseene. Aagai gilaadeu e hagataba bolo delaadeu tali go Tagi Maolunga, “E aha, Tagi Maolunga e dee noho nei i odaadeu daha? E deai naa donu se hai ngadaa e baa i gidaadeu.”

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Micah 7:14

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.

Zechariah 11:17

E vakaa naa tangada hagaloosi deai ono haigamaiana, go de ia ne dilia de hagabuulingaa ssiibi! De gadilaasa gi duudia dono lima ma dono ganomada madau! Dono lima masui gi magau, dono ganomada madau gi dee gide!”

Malachi 1:10

Mee naa dahi goodou gi bonodia denga abaaba o de temple, gi dee duungia ai e goodou denga ahi dee haigamaiana naa i honga dagu mommee o ssigidaumaha! Au e dee malangilangi i goodou, go Tagi o denga hagabuulinga hebagi e hagadaba, gai au e dee kave naa donu oodou sigidaumaha e gaamai.

Numbers 18:7

Gai goodou ma au dama daane e hai hegau a tangada haimeedabu, i de mommee o ssigidaumaha ma lo te Aabi Dabu mmao. Au gu gaavadu gi goodou hegau a tangada haimeedabu. Aagai be goai ange naa huu e humai e hagapaa ange gi de mommee dabu, gai e daa donu gi magau.”

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Acts 20:29

Au e iloo bolo dua naa huu dogu hano gee i oodou daha, gai denga wolf alasala e loomai naa gi oodou magavaa, gai gilaadeu e dee hagaola naa donu denga ssiibi.

Acts 21:13

Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.”

Romans 1:15

Deenei ai, au gu lodo mmao hogi e agoago adu de longo danuaa gi goodou e nnoho i Rome.

1 Corinthians 9:7

Gai goai taane hebagi e hagao donu huu ono goloa e hano ai e hebagi? Gai goai tangada e dooa dahi veelengaa grape gai e dee gai denga grape iai? Gai goai tangada hagaloosi ssiibi ma guudi e dee unu vai uu o denga manu laa?

1 Timothy 3:3

ia gi dee lodo e unu gi senga, ia gi dee alasala aagai gi daudonu, ia gi dee lodo e hagadaumee, ma tee nnoo ange gi sseene.

1 Timothy 3:8

Gai e bei hogi denga deacon, gilaadeu gi ni dangada e hagadubu i daho dangada, gilaadeu gi dee hadu muna, ma tee llodo e unu uvaini lagolago, gai gi dee nnoo hagamau mee.

Titus 1:11

Gai e heohi donu de hai de gau bee nei gi dee pasa, go hiidinga gu soa huaabodu alaadeu ne hai gi huuhuli gee i de mee heohi i alaadeu agoago dee heohi nei. Gai gilaadeu e hai mee nei i hiidinga delaadeu llodo i sseene.

Titus 1:7

Go hiidinga tagi o de nohoanga dabu o de Maadua, e hai donu gi deai ono mee e hagabaubau ina ai — ia gi dee hagamaolunga, be gi moolau de lillili, be gi se dangada e lodo e unu gi senga, be se dangada alasala, aabe go de nnoo hagamau mee,

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Titus 3:1

Gai hagamanadua ange gi dangada gilaadeu gi hagadubu ina denga dagi ma gilaadeu iai ssauaa e dagi ai, gilaadeu gi daudali i alaadeu muna, ma de hai gi paba ange gilaadeu gi denga hegau danuaa alodahi;

Philemon 1:14

Aagai au tee lodo e hai dahi mee noo tigi dugua mai i oo daha; doo abodonu mai gi de au gi se mee mai donu i oo lodo, gai gi dee se mee ne hai gi de mahi.

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.