1 Peter 5:14 - De Beebaa Dabu

¹⁴ Goodou hagadau hagaboo ma de hagadau oso i de hagadau aaloha. De baba gi dagodo i oodou daha alodahi i lodo o Klisdo.

1 Peter 5:14 Iomraidhean Croise

Matthew 5:47

Gai noo goodou e hagaboo ange donu huu gi oodou daina, gai e hanu ai oodou mee e dubu ange ai i de gau ange laa? E dee aanaa hogi hegau a denga Gentile e hai laa?

John 14:27

Au e gaavadu gi goodou de baba; gai de baba aagu e gaavadu gi goodou, e dee bei de baba a henua i lalo e gaavadu gi goodou. Goodou aude manavasaa oodou lodo aabe gi maatagu.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

John 20:19

Gai de ahiahi laa go de ahiahi o tahi laangi o de uvigi, gai denga dangada agoago gu hagamakaga delaadeu abaaba ma e nnoho ai, i hiidinga delaadeu maatagu i de gau Ssuu. Gai Iesu ga humai ga duu i olaadeu magavaa ga hai ange gi gilaadeu, “De baba gi dagodo i oodou daha.”

John 20:26

Gai dua huu e valu laangi, gai denga dangada agoago gu nnoho hogi i de hale, gai Thomas gu noho madali gilaadeu. Gai denga abaaba gu pono, aagai Iesu ga humai ga duu i olaadeu magavaa, ga hai ange, “De baba gi dagodo i oodou daha.”

Romans 1:7

Ange gi dangada alodahi i Rome o de Maadua e aloha ai laa, gai gu hagahi e hai ai dangada o de Maadua: De abodonu ma de baba mai daho de Maadua taadeu Damana, aama mai i daho Tagi Maolunga go Iesu Klisdo gi dagodo i oodou daha.

Romans 16:16

Goodou hagadau hagaboo i de oso dabu. Denga nohoanga dabu alodahi o Klisdo e gaavadu hogi delaadeu hagaboo gi goodou.

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

1 Corinthians 16:20

Denga daina alodahi e gaavadu hogi delaadeu hagaboo gi goodou. Gai goodou hagadau hagaboo i de oso dabu.

2 Corinthians 13:12

Goodou hagadau hagaboo i de oso dabu.

2 Corinthians 5:17

Deenei ai, noo tangada gu noho i lodo o Klisdo, ia gu se dangada hoou. Mee duai gu llilo; tilo, mee hoou gu daamada.

Ephesians 6:23

Denga daina, de baba gi dagodo i oodou daha, ma de aloha madali de gai mai i daho de Maadua Tamana aama Tagi Maolunga go Iesu Klisdo.

1 Thessalonians 5:26

Dagu hagaboo ange gi denga daina alodahi i de oso dabu.

1 Peter 1:2

go dangada ne hili bei dagodo de iloo mee o de Maadua Tamana, gai gu hai gi se huaadangada dabu i ssauaa o de Hagasaalunga ⌊Dabu⌋, gai gi hagallongo ange ai gilaadeu gi Iesu Klisdo ma de hagagilimalali i ono dodo: Gi laumalie de abodonu ma de baba i oodou daha.

3 John 1:14

Au e tali bolo e moolau naa donu taau hegide, gai gidaau ga madaangudu ai i taau hedae.