1 Peter 5:1 - De Beebaa Dabu

¹ Au e hagakana ange denga dagi o de nohoanga dabu i oodou magavaa, i hiidinga au gu se dagi hogi bei olaadeu dagodo, gai se dangada ne gidee de hagaduasala o Klisdo, gai e kave naa hogi de mahamaha gu dai hagaago mai laa:

1 Peter 5:1 Iomraidhean Croise

Luke 24:48

Gai go goodou de gau tala hagadonu o mee nei.

Acts 1:22

mai i de masavaa a John ne babudaisi ai ga dae ai gi de laangi o Iesu ne gaavee gee ai i odaadeu daha ga gaavage gi lunga — dahi gilaadeu nei e hai gi se dangada e daalaa hagadonu dagodo o dono mouli age madali gidaadeu.”

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Acts 11:30

Gai gilaadeu ne hai donu de hegau nei, ga gaavange denga sseene laa gi Barnabas ma Saul gi gaavee gi denga dagi i kilaa.

Acts 14:23

Gai gilaau ga hili denga dagi i dahi nohoanga dabu ma dahi nohoanga dabu, i de dalodalo ma de hagahiikai, ga gaavange gilaadeu gi Tagi Maolunga, de ia olaadeu e kai ange laa aagena.

Acts 15:4

Gai ga tae huu gilaadeu gi Jerusalem, gai de nohoanga dabu i kilaa, ma de gau tala aama denga dagi ne abodonu ange gi gilaadeu. Gai gilaadeu ga tala ange dagodo mee a de Maadua gu hai i olaadeu daha.

Acts 15:6

Gai de gau tala ma denga dagi ne hagabuni e hagasaele ange ai dagodo o de mee laa.

Acts 2:32

Deenei Iesu a de Maadua ne hagamouli age laa, gai gimaadeu alodahi e tala hagadonu mee nei.

Acts 20:17

Gai ia ne aalu denga dagi o de nohoanga dabu o Ephesus gi loomai gi ono daha i Miletus.

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Acts 21:18

De laangi i ono dua, gai gimaadeu ma Paul ne hulo gi daho James; gai denga dagi alodahi gu i kilaa.

Acts 3:15

Goodou ne daa ga magau Tagi o de mouli, gai de Maadua ne hagamouli age ia mai i de magau. Gai gimaadeu ni dangada e daalaa hagadonu dagodo o mee nei.

2 Corinthians 5:1

Gai gidaadeu e iloo bolo noo de hale malo, go odaadeu angaanga, odaadeu e mouli ai nei i henua i lalo gu maoha, gai e dahi odaadeu hale gu hagaduu i daho de Maadua, e dee se hale e hai i lima o dangada, gai se hale e dee ngado mai i de langi.

2 Corinthians 5:8

Gimaadeu e llodo mmahi ma de malangilangi i de dugu de hale go odaadeu angaanga nei, gai ga hulo e nnoho madali Tagi Maolunga.

Philippians 1:19

go hiidinga au e iloo bolo au e ola mai naa donu i mee gu hai mai gi de au, i doodou dalodalo ma de bale mai i daho de Hagasaalunga o Iesu Klisdo.

1 Timothy 5:1

Aude hagaseegina taane e madua ange i de goe, aagai koe balea ange ia gi bei dagodo o doo damana. Gai koe haia denga dama daane bei dau hai e hai ai laa dahi oo daina daane,

1 Timothy 5:19

Aude anga ange gi de hagabaubau ina o dahi dagi noo tigi dogolua, aabe dogodolu dangada ne gidee dana hai mee laa.

2 Timothy 4:8

Deenei ai, de hau o de heohi gu hagadabena mai donu gi de au, go de hau a Tagi Maolunga, de ia hagamodu muna heohi, e hagao mai ai au i de laangi laa, gai e dee go au donu huu, aagai se mee ange gi gilaadeu alodahi e malangilangi i dono hagasula mai.

Titus 1:5

Au ne hai goe gi noho i Crete, gai koe ga hagalava ai mee tigi lava, ma de hili denga dagi o de nohoanga dabu i denga aduhale hugadoo, bei dagu hai gu tala adu ai.

Philemon 1:9

Gai au e dee lodo e hai de mee nei, aagai au e dangidangi adu i hiidinga dogu aloha i de goe. Deenei ai, go au go Paul, au se daane madumadua, gai iainei gu noho i lo te hale pono i hiidinga o Klisdo Iesu,

Hebrews 12:1

Deenei ai, go hiidinga e soa mmao de gau tala hagadonu, e daumada ina ma de duuli ina gidaadeu bei denga giliiga, deenei ai, gidaadeu ga tili mee alodahi e hagalaavea ina laa gidaadeu, ma de haisala e hai ngaohie laa taadeu noodia ai. Gai gidaadeu gi llodo mmahi i de saavini e houhou ange gi de mee gu hagailonga mai gi gidaadeu.

1 Peter 1:12

Gai ne hagaago ange gi gilaadeu bolo gilaadeu e dee hai hegau ange donu huu gi gilaadeu gai adu hogi gi goodou, i de masavaa alaadeu ne tala adu ai laa mee gu tala adu naa hogi gi goodou iainei i daho olaadeu ne agoagona adu goodou i de longo danuaa, i ssauaa o de Hagasaalunga Dabu ne hai laa gi hano iho i de langi. Gai denga dangada de langi e llodo donu hogi gi tonu ange gilaadeu gi mee nei.

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

1 Peter 4:13

Aagai goodou malangilangi i doodou hagauda de hagaduasala madali Klisdo, gai gi malangilangi ai hogi goodou ma de llodo danuaa i de masavaa oona e hagasula mai ai i dono mahamaha.

1 Peter 5:4

Gai de masavaa naa huu o Tagi o de gau hagaloosi e hagasula mai ai, gai goodou e kave donu de hau mahamaha e dee maua laa gi mmae.

1 John 3:2

Ogu soa hagamogomogo, gidaadeu gu ni dama donu nii de Maadua iainei, gai tigi iloo danuaa odaadeu dagodo i muli mai. Gai gidaadeu e iloo bolo de masavaa naa huu o Klisdo e hagasula mai ai, gai gidaadeu e bei naa ono dagodo; go hiidinga gidaadeu e gidee danuaa naa donu ono dagodo.

2 John 1:1

Mai i daho tagi hagadubu. Ange gi de hine hagadubu gu hilia laa ma ana dama, go dangada oogu e aloha ai i de muna abodonu — gai e dee go au donu huu, aagai go gilaadeu alodahi e iloo de mee abodonu —

3 John 1:1

Mai i daho tagi hagadubu. Ange gi Gaius, taina hagamogomogo, go de ia oogu e aloha ai i de muna abodonu.

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.