1 Peter 4:17 - De Beebaa Dabu

¹⁷ Gai gu dae mai de masavaa e daamada ai de hagamodu muna o dangada o de Maadua; gai noo de hagamodu muna e daamada i gidaadeu, gai aahee ai naa dagodo o dangada e dee hagallongo ange gi de longo danuaa a de Maadua?

1 Peter 4:17 Iomraidhean Croise

Isaiah 10:12

Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Jeremiah 25:29

Tilo, au gu daamada de hai gi humai dahi hai ngadaa gi de aduhale iai dogu ingoo; e aha, goodou e maanadu bolo goodou e dee hagaduasala? Goodou e hagaduasala donu, go hiidinga au e hagahi mai naa de gadilaasa gi hai baasi ange gi dangada alodahi e nnoho i henua i lalo, go Tagi o denga hagabuulinga hebagi e hagadaba.’

Jeremiah 49:12

E hagadaba Tagi Maolunga, “Noo dangada e dee heohi delaadeu unu i de ubu o de hagaduasala nei e unu ai, gai goodou e maanadu bolo goodou e dee hagaduasala? Goodou e dee haihai naa donu ga dee hagaduasala, aagai goodou e unu donu i de ubu nei.

Ezekiel 9:6

Daia gi maakau denga daane maatua, ma denga dama daane ma damaa hine, ma denga gauligi ma denga haahine, aagai goodou aude poo ange gi dangada gu lava laa i de maaga. Gai goodou daamada mai i de mommee dabu.” Gai gilaadeu ne daamada de daa denga dagi e tuu laa i ma te temple.

Amos 3:2

“Go goodou donu huu i denga huaabodu o henua i lalo alodahi aagu gu iloo; deenei ai, au e hagaduasala naa goodou i hiidinga oodou baubau alodahi.”

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Luke 23:31

Gai noo dangada e hai mee nei i de masavaa e lau kohu ai denga manu ssomo, gai ni aha naa alaadeu e hai i de masavaa e mmae ai?”

Romans 1:1

Mai i daho Paul, tangada hai hegau o Klisdo Iesu gu hagahia laa gi se dangada tala, ma de hili ange gi daalaa de longo danuaa a de Maadua,

Romans 2:9

Gai e dae mai naa de hagaduasala ma de hai ngadaa gi dangada alodahi e haia de baubau, ange gi de gau Ssuu i mua aama ange hogi gi denga Gentile,

Galatians 3:1

De gau Galatia, goodou e llodo ssenga! Goai ne helau ina naa goodou? Dagodo de daudau o Iesu Klisdo i de laagau lui gu lava donu i de hagadonu danuaa adu gi goodou.

Galatians 5:7

Goodou nogo saavini danuaa donu; gai goai ne daohia goodou gi dee daudali i de muna abodonu?

Galatians 6:10

Deenei ai, noo gu dahi masavaa danuaa, gai gidaadeu gi haia ange tanuaa gi dangada alodahi, gai go huaabodu donu o dangada gu hagadonusia e hai ange mee nei aagena.

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

1 Timothy 3:15

Gai noo au gu mmule adu, gai koe gu iloo doo hai e hai hegau ange ai gi dangada i lo te huaabodu o de Maadua, go de nohoanga dabu o de Maadua e mouli laa, gai go tuludulu ma tagelo o de mee abodonu.

Hebrews 11:8

De gai o Abraham ne hai ga maua e ia i de daudali i muna a de Maadua, i dono masavaa ne hagahia ai gi hano gi de mommee gu bolo ange gi de ia i muli mai; ia ne hano, gai ia tee iloo donu be go hee oona e hano laa aagena.

Hebrews 2:2

Gai noo muna ne tala i daho denga dangada de langi e too donu, gai denga haisala alodahi ma dee hagallongo i muna ne kave donu de hagaduasala e heohi ange laa aagena,

Hebrews 2:4

Gai de Maadua ne tala hagadonu hogi mee nei, i denga hagailonga ma mee hagalele mouli ma denga hagadaagangaa sauaa mmahi, aama denga duuhanga mai i daho de Hagasaalunga Dabu, bei dagodo o dana hagatau.

Hebrews 3:6

Aagai Klisdo ne hai hegau i de muna abodonu i de tilo ange de hale o de Maadua bei dagodo o tama donu. Gai gidaadeu go dono hale donu, noo gidaadeu e daohi taadeu lo taane ma de malangilangi i taadeu tali hagalodolodo.

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

1 Peter 2:5

gai e bei ai hogi oodou dagodo, goodou go de hadu e mouli laa, e hagaduu ai laa de hale daumaha i de baasi gi de hagasaalunga, e hai ai de gau haimeedabu dabu, gai goodou ga hai ai denga sigidaumaha i de baasi gi de hagasaalunga, e hagamalangilangi ina de Maadua i hiidinga o Iesu Klisdo.

1 Peter 2:8

gai “se hadu e hagalaavea vae o dangada gai se hadu e haia ga baakuu gilaadeu.” Gilaadeu e baakuu naa i hiidinga delaadeu dee daudali i de muna — bei de hai gu hagamodu ange ai laa gi gilaadeu.