1 Peter 3:18 - De Beebaa Dabu

¹⁸ Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

1 Peter 3:18 Iomraidhean Croise

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Numbers 7:15

ma e dahi kaau daane gauligi, ma e dahi ssiibi daane, ma e dahi ssiibi daane gu dahi laa ono ngadau, e hai ai ssigidaumaha dudu;

Matthew 27:19

Gai de masavaa o Pilate ne noho ai i honga dono nohoanga hagamodu muna, gai dono bodu ne aalu mai, ga hai ange, “Aude haia ange dahi mee daudahi gi taane heohi naa, go hiidinga au gu kona dogu duasala anailaa nei i ono hiidinga, i dagu midi.”

Matthew 27:24

Gai ga gidee huu e Pilate bolo gu deai donu ana mee e hai, aagai dangada gu hellumi, gai ia ga hhui luoono lima i madamada o de gau soa laa, ga hai ange, “Au e dee haisala donu i de magau o taane heohi nei; go goodou e diiloo e haia de hegau nei!”

John 16:10

dagodo o de heohi, i hiidinga au e hano gi daho dogu Damana, gai goodou e dee gidee naa ngau;

Acts 22:14

Gai ia ga hai mai, ‘De Maadua o odaadeu maadua madagidagi gu hili goe e hagaago adu ono lodo gi de goe, ma de hai gi gidee e goe de Ia Heohi laa, ma de hai gi langona e goe dono leo.

Acts 3:14

Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.

Romans 1:4

gai gu hagaago mai bolo ia go Tama Daane a de Maadua i ssauaa o de Hagasaalunga Dabu, i hiidinga dono mouli age mai i de magau: deenei, go Iesu Klisdo taadeu Dagi Maolunga.

Romans 4:25

Ia ne gaavange e daa gi magau i hiidinga odaadeu haisala, gai ne mouli age ange e hagaheohi ai gidaadeu.

Romans 5:2

gai go ono hiidinga adaadeu ne kave ai nei de abodonu o de Maadua i de gai. Gai gidaadeu e tala tuhi taadeu tali de masavaa adaadeu e kave ai de mahamaha o de Maadua.

Romans 8:11

Gai noo de Hagasaalunga o de Maadua ne hagamouli ina age laa Iesu i de magau e noho i oodou lodo, gai de ia ne hagamouli ina age laa Iesu i de magau e hagamouli age naa hogi oodou angaanga e maakau laa i dono Hagasaalunga e noho laa i oodou lodo.

Romans 8:3

Mee a de hainga tee maua laa i de hai, i hiidinga de baageaa o de baasi gi de angaanga, gai de Maadua ne hai gi humai dana Dama Daane dagidahi gi hagadulagi ange gi de angaanga e haisala laa, e hai ai ssigidaumaha e tala ai haisala. Gai ia ga daa ai gi magau de haisala e hai hegau laa i lo te angaanga,

2 Corinthians 1:24

Go hiidinga e dee go gimaadeu e huahua i oodou kai, aagai gimaadeu e hai hegau madali goodou gi malangilangi ai goodou, go hiidinga go de gai oodou e tuu ai ga makaga.

2 Corinthians 13:4

Gai ia ne daudau i de laagau lui i de baageaa, aagai ne mouli age i ssauaa mmahi o de Maadua. Gimaadeu e baageaa hogi bei ono dagodo, aagai e hai hegau adu gi goodou i hiidinga gimaadeu gu mouli age madali ia i ssauaa mmahi o de Maadua.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Galatians 1:4

Iesu Klisdo ne gaavange dono mouli i hiidinga odaadeu haisala, gai ia ga hagaola ai gidaadeu mai i de masavaa o de baubau go iainei, bei dagodo lodo o taadeu Maadua ma Tamana.

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

Ephesians 3:12

go de ia odaadeu e lo taane ai ma tee maatagu i de loomai gi mada luu mada o de Maadua i de gai.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Hebrews 10:10

Gai de lua hagatau ne hai ga dabu gidaadeu i ssigidaumaha o de angaanga o Iesu Klisdo i e dahi donu huu hanonga.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

Hebrews 9:26

Noo deenei tagodo, gai Klisdo ne aheahe ange ga hagaduasala mai i taamada de hai o henua i lalo. Aagai tagodo donu, ia ne humai i dahi hanonga daudahi i denga laangi hagaodi nei, e gaavange dono mouli e hai ai ssigidaumaha e kave gee ai haisala.

Hebrews 9:28

gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.

James 5:6

Goodou ne hagabaubau ma de daa ga magau tangada tigi haisala, gai ia tee hai baasi adu donu gi goodou.

1 Peter 3:19

gai go de Hagasaalunga nei oona ne hano ai ga agoago ange gi denga hagasaalunga, goi nnoho laa i lo te hale pono,

1 Peter 4:1

Deenei ai, go hiidinga Klisdo gu lava donu i de hagaduasala i de angaanga nei, oodou maanadu gi bei hogi ana maanadu, go hiidinga tangada gu hagaduasala i de angaanga nei gu tuu dono haisala.

1 Peter 4:6

Aanei hiidinga ne agoago ange ai laa de longo danuaa gi gilaadeu e maakau iainei, gi maua ai i de hagamodu olaadeu muna i de angaanga nei, aagai olaadeu hagasaalunga gu mouli ange gi de Maadua.

1 John 1:9

Gai noo gidaadeu e tala odaadeu haisala, gai de Maadua e hai hegau i de muna abodonu ma de heohi, ia e degi mai donu gi odaadeu haisala, ga hagagilimalali gidaadeu mai i denga dee heohi alodahi.