1 Peter 3:12 - De Beebaa Dabu

¹² Go hiidinga Tagi Maolunga e daumada gilaadeu e heohi, gai luoono dalinga e hagallongo alaadeu dalodalo; aagai luu mada o Tagi Maolunga e hai baasi ange gi dangada e haia de baubau.”

1 Peter 3:12 Iomraidhean Croise

2 Chronicles 16:9

Gai luu mada o Tagi Maolunga e daumada henua i lalo alodahi, gai ia ga hagammahi ai gilaadeu e heohi olaadeu lodo i mada luoono mada. Koe ne hai mee nei i doo lodo senga, dua iainei gai e deai naa donu se tuu de hebagi i oo daha.”

2 Chronicles 7:15

Gai au e galo iho naa ma de hagallongo dalodalo a dangada e dangidangi mai ai i de mommee nei.

Psalm 11:4

Tagi Maolunga e noho i lo tono temple dabu; Tagi Maolunga e noho i honga dono nohoanga i de langi. Luoono mada e daumada; luoono mada e hagatale dagodo hegau a dangada.

Psalm 33:18

Aagai Tagi Maolunga e daumada gilaadeu e maatagu i de ia, ma gilaadeu e tali hagalodolodo ange gi dono abodonu,

Psalm 65:2

Koe, de ia e hagalaangona amaadeu dalodalo, dangada alodahi gi loomai gi de goe.

Psalm 80:16

Dangada gu sele iho dau grapevine ma gu dudu i de ahi; gai koe gi huli ange daia gilaadeu gi maakau i doo lili.

Proverbs 15:29

Tagi Maolunga e mmao gee i de gau baubau, aagai ia e hagallongo dalodalo alaadeu e heohi.

Proverbs 15:3

Luu mada o Tagi Maolunga i mommee alodahi, ia e dagitilo de gau baubau aama gilaadeu e danuaa.

Proverbs 15:8

Ssigidaumaha a tangada baubau se mee hakino gee i daho Tagi Maolunga, aagai ia e malangilangi i dalodalo a dangada e heohi laa.

Jeremiah 21:10

Au gu baba ange donu e hai ange de baubau gi de aduhale nei, e dee tanuaa, go Tagi Maolunga e hagadaba. De aduhale nei e dugu ange naa gi de hodooligi o Babylon gi hagadee kii ina, gai ia e dudu naa de aduhale i de ahi.’

Jeremiah 39:12

“Gaavee ia diiloo ange; koe e dee vaivai hai ia, aagai haia gi bei mee alodahi aana e lodo koe gi haia.”

Ezekiel 15:7

Au e hai baasi ange naa donu gi gilaadeu. Gai ga ssao mai naa donu gilaadeu i de ahi, gai de ahi e ahe ange naa donu ga dudu gilaadeu. Gai gi iloo ai e goodou bolo go au donu go Iahweh, i de masavaa aagu e hai baasi ange ai gi gilaadeu.

Leviticus 17:10

Noo dahi dangada Israel be se dangada henua gee i oodou magavaa e gai kano manu iai dodo — gai au e hai baasi ange donu gi tangada e gaina kano iai dodo, ga vvae gee ia mai i daho ono dangada.

Leviticus 20:3

Au e hai baasi ange gi tangada bee nei, ma de vvae gee ia mai i daho ono dangada, i hiidinga ia gu sigidaumaha ange dahi ana dama gi Molek; ia gu hai ma gu hakino gee dogu mommee dabu, aama de hagangadi mee dogu ingoo dabu.

Leviticus 20:6

Gai noo dahi dangada e ssala tangada e hagahia laa hagasaalunga o de gau maakau ma gilaadeu e pasa ange gi denga hagasaalunga baubau, gai au e hai baasi ange donu gi tangada laa, ga vvae gee ia gi dee nnoho madali ono dangada.

Leviticus 26:17

Gai au e huli adu naa ga hai baasi adu gi goodou, ma de hai oodou hagadaumee gi hagadee kii ina goodou; gai dangada e kino laa i goodou e dagi naa goodou, gai goodou e maatagu naa ga saavini gai e deai donu dangada e dolohia goodou.

Zechariah 4:10

Be goai e hagangadi mee ina de laangi o de hegau damaa mee nei, gai gilaadeu e malangilangi naa ma de gidee de uga haide i lo te lima o Zerubbabel. Denga laama e hidu nei go ganomada o Tagi Maolunga e tilo ai laa henua i lalo alodahi.”

John 9:31

Gidaadeu e iloo bolo de Maadua e dee hagallongo dalodalo a de gau baubau, gai ia e hagallongo dangidangi a dangada e daumaha ange gi de Maadua ma de daudali ono lodo.

Deuteronomy 11:12

gai se henua nii Tagi Maolunga doodou Maadua e tilo danuaa ange; gai Tagi Maolunga doodou Maadua e daumada i masavaa alodahi, mai i taamada o de ngadau ga dae ai gi de hagaodi.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.