1 Peter 3:11 - De Beebaa Dabu

¹¹ Ia gi hano gee i de baubau gai gi haia tanuaa; gai ia gi hagaduu ngae gi saalaa de nnoho paba.

1 Peter 3:11 Iomraidhean Croise

De Beebaa go Job 1:1

E dahi daane e noho i de henua go Uz, dono ingoo go Job. Ia se daane e dee haisala gai e heohi, gai ia e madagu i de Maadua ma de kino i de baubau.

De Beebaa go Job 2:3

Gai Tagi Maolunga ne ssili ange gi Satan, “Koe gu gidee naa dagodo o dogu dangada hai hegau go Job? E deai ange donu se dangada e bei ono dagodo i henua i lalo; ia e dee haisala ma de heohi, gai e madagu i de Maadua, ma de kino i de baubau. Gai ia goi duudagi donu huu de hai hegau i de muna abodonu, e dee galemu donu koe gu hai au gi hai baasi ange gi de ia, ma de hagaduasala ia, gai e deai donu hiidinga.”

De Beebaa go Job 28:28

Gai ia ne hai ange gi tangada, ‘Tilo, de madagu i de Ia Aamua go de heiangi abodonu, gai de kino i de baubau go de donu ange abodonu.’ ”

Psalm 125:4

Tagi Maolunga, haia ange tanuaa gi gilaadeu e danuaa, aama gilaadeu e hai hegau i de heohi i olaadeu lodo.

Psalm 34:14

Koe gi hano gee i de baubau, gai haia tanuaa; ma de ssala gi maua e goe de noho paba.

Psalm 37:27

Huli gee i de baubau gai haia tanuaa; gai koe ga maua i de noho i honga de henua ga hano ai.

Proverbs 16:17

De haiava o dangada e haia de mee heohi e hagaui gee i de baubau, gai tangada e dagidiiloo dono haiava e hagaola dono mouli.

Proverbs 16:6

Go de aloha ma de hai hegau i de mee abodonu e maatala ai haisala, gai de madagu i Tagi Maolunga e hai tangada gi hano gee i de baubau.

Proverbs 3:7

Aude hagadaba bolo koe e heiangi, gai koe gi madagu i Tagi Maolunga, ma de kino i de baubau.

Matthew 5:45

gi ni dama ai goodou nii doodou Damana i de langi laa. Ia e hai gi dii de laa i honga o de gau baubau ma gilaadeu e danuaa, gai e hai gi pala iho de langi gi honga olaadeu e heohi, ma gilaadeu e dee heohi.

Matthew 5:9

E manuuia gilaadeu e hagadanuaa ina magavaa o dangada; gilaadeu e hagabinga naa go dama a de Maadua!

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

Mark 14:7

De gau hagaau aloha e nnoho i oodou daha i masavaa alodahi, goodou e maua i de bale ange gilaadeu noo goodou e llodo. Aagai au gu dai hano gee naa donu i oodou daha.

Luke 1:79

e hagamaalama ai gilaadeu e nnoho i lo te gohu aama lalo de malu o de magau, e dagi ange ai gidaadeu gi de haiava o de baba.”

Luke 6:35

Aagai goodou aaloha ange gi oodou hagadaumee, ma de hai ange tanuaa gi gilaadeu, ma de gaavange oodou mee gi dangada, gai e dee maanadu bolo gilaadeu gi suuia adu oodou mee. Gai gi laumalie ai doodou hagaoanga, gai goodou gu hagabinga bolo ni dama nii de Ia Maolunga Mmao laa, go hiidinga ia e abodonu ange gi gilaadeu e dee hagaahe ange de abodonu ma de gau baubau.

Luke 6:9

Gai Iesu ga hai ange gi gilaadeu, “Au e ssili adu gi goodou, dee hee de mee alaange i de hai i de laangi o Sabbath, go de hai tanuaa aabe go de hai de baubau, go de hagamouli aabe go de daa gi magau?”

John 17:15

Au e dee dangidangi adu koe gi gaavee gee gilaadeu i henua i lalo, aagai gi buibuia gilaadeu mai i de ia baubau laa.

Romans 12:18

Gai noo se mee e maua e goodou i de hai, gai goodou gi nnoho i de baba madali dangada alodahi.

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

Romans 14:19

Deenei ai, gidaadeu ga hagaduu ngae e nnoho hagabuni i de baba ma de hagadau hagammahi odaadeu lodo.

Romans 5:1

Deenei ai, go hiidinga gidaadeu ne hagaheohi i de gai, gidaadeu gu nnoho paba madali de Maadua i hiidinga o taadeu Dagi Maolunga go Iesu Klisdo,

Romans 7:19

Au e dee maua i de hai de mee danuaa aagu e lodo laa e hai, aagai de baubau aagu e dee lodo laa e hai, go ia donu aagu e hai.

Romans 7:21

Deenei ai, au e gidee bolo deenei de hainga e hai hegau: de masavaa aagu e lodo ai e hai de mee heohi, gai go de baubau aagu e hai.

Romans 8:6

De maanadu lodo o de angaanga e dagi ange gi de magau, aagai de maanadu lodo o de Hagasaalunga e dagi ange gi de mouli ma de baba.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Galatians 6:10

Deenei ai, noo gu dahi masavaa danuaa, gai gidaadeu gi haia ange tanuaa gi dangada alodahi, gai go huaabodu donu o dangada gu hagadonusia e hai ange mee nei aagena.

Colossians 3:15

Gai de baba o Klisdo gi dagina oodou lodo, go hiidinga goodou ne hagahi gi dau ange gi de angaanga e dahi. Gai goodou gi hagaahe ange de abodonu.

1 Timothy 6:18

Gilaadeu gi haia tanuaa, ma de hagaduu ngae i denga hegau danuaa, gai gilaadeu gi paba ange ma de malangilangi i de abodonu ange gi dangada.

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

Hebrews 13:16

Goodou gi dee ngalo de hai tanuaa ma de ngadi gaavange mee gi dangada, go hiidinga aanei denga hagadaagangaa sigidaumaha o de Maadua e malangilangi ai.

James 4:17

Deenei ai, tangada e iloo e ia de mee heohi dana hai, aagai ia e dee hai, gai ia gu haisala ai donu.

1 Peter 3:12

Go hiidinga Tagi Maolunga e daumada gilaadeu e heohi, gai luoono dalinga e hagallongo alaadeu dalodalo; aagai luu mada o Tagi Maolunga e hai baasi ange gi dangada e haia de baubau.”

3 John 1:11

Dogu soa hagamogomogo, koe gi dee ago ange i hegau baubau nei, aagai koe ago ange i de mee danuaa. Tangada e haia tanuaa se dama donu nii de Maadua, aagai tangada e haia de baubau tigi gidee donu e ia de Maadua.

Judges 11:14

Gai Jephthah ga kave ange hogi hanu dangada gi hulo gi daho de hodooligi o de gau Ammon,