1 Peter 3:1 - De Beebaa Dabu

¹ E bei ai hogi, denga haahine dau bodu, goodou hagadubu ina oodou bodu. Gai noo hanu gilaadeu tigi hagadonusia muna a de Maadua, gai gilaadeu e gaavee naa olaadeu lodo i hiidinga dahulinga danuaa a olaadeu bodu, e dee go alaadeu muna e tala,

1 Peter 3:1 Iomraidhean Croise

Genesis 3:16

Gai ia ga hai ange gi de hine laa, “Au e hai naa gi kona doo mmae i doo masavaa e hai ai oo hagalangona; koe e mmae naa i de masavaa oou e haanau ai. Koe e lodo mmao naa i doo bodu, ma de noho i lalo dana hainga.”

Proverbs 11:30

Hua o de heohi go de manu somo o de mouli; gai tangada heiangi e maua e ia lodo o dangada.

Proverbs 18:19

Tangada gu lili laa e makaga ange ono lodo i de aduhale buibui makaga, gai de hagadaumee e bei baalanga hagamakaga o de hale buibui makaga.

Matthew 18:15

“Noo doo daina gu haisala adu gi de goe, aagai koe hannoo hagaagona ange ono haisala gi de ia i de masavaa e deai ai dangada i ooluu daha. Aagai noo ia gu hagallongo adu gi de goe, gai koe gu maua i de hagaahe mai doo daina.

Romans 10:16

Aagai e dee go de gau Israel alodahi ne daohia muna o de longo danuaa; go hiidinga Isaiah ne hagadaba, “Tagi Maolunga, goai ne hagadonusia amaadeu agoago?”

Romans 6:17

Aagai de abodonu ange gi de Maadua! I mua gai goodou ni mee hai hegau niio de haisala, aagai iainei goodou gu hagallongo ange gi mee oodou gu agoago ai, i oodou lodo alodahi.

Romans 7:2

De hine dau bodu e noho i lalo de hainga o de hai bodu i taulooloa de mouli o dono bodu; aagai noo gu magau dono bodu, gai de hine laa gu ilaage mai i de hainga o de hai bodu.

1 Corinthians 11:3

Gai au e lodo goodou gi tonu ange bolo de biho o taane go Klisdo, gai de biho o de hine go taane, gai de biho o Klisdo go de Maadua.

1 Corinthians 14:34

denga haahine gi dee muu i lo te hale daumaha. E dee dugu ange gilaadeu gi pasa, aagai gilaadeu gi daudali i hainga a olaadeu bodu, bei dagodo muna o de hainga.

1 Corinthians 7:16

De hine dau bodu, koe e dee iloo donu be go koe e hidi ai de hagamouli o doo bodu. Taane dau bodu, koe e dee iloo donu be go koe e hidi mai ai de hagamouli o doo bodu.

Ephesians 5:33

Deenei ai, dahi ma dahi gi aloha i dono bodu bei dono aloha donu i de ia, gai de hine gi hagadubu ina dono bodu.

Colossians 3:18

Denga haahine, goodou hagadubu ina oodou bodu, bei de hai e heohi ange ai gi oodou mouli i lodo o Tagi Maolunga.

Colossians 4:5

Goodou gi heiangi i doodou hai e ngalungaalue ange ai gi de gau tua de mee; gai gi dee moumou ina oodou masavaa gai gi hai hegau ai.

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

Hebrews 11:8

De gai o Abraham ne hai ga maua e ia i de daudali i muna a de Maadua, i dono masavaa ne hagahia ai gi hano gi de mommee gu bolo ange gi de ia i muli mai; ia ne hano, gai ia tee iloo donu be go hee oona e hano laa aagena.

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

1 Peter 3:2

i de masavaa alaadeu e gidee ai oodou hegau gilimalali ma de hagadubu.

1 Peter 3:7

Gai e bei hogi, goodou denga daane dau bodu, goodou gi tonu ange gi doodou hai e nnoho ai madali oodou bodu, ma de hagadubu de hine e baageaa ange laa i taane, go hiidinga gilaadeu ni dangada hogi e bolo ange aagena de mouli e dee ngado mai, gi deai ai se mee e buibuia oodou dalodalo.

1 Peter 4:17

Gai gu dae mai de masavaa e daamada ai de hagamodu muna o dangada o de Maadua; gai noo de hagamodu muna e daamada i gidaadeu, gai aahee ai naa dagodo o dangada e dee hagallongo ange gi de longo danuaa a de Maadua?