1 Peter 2:6 - De Beebaa Dabu

⁶ Go hiidinga e hagadaba de Beebaa Dabu: “Tilo, au e hagaduu dahi hadu i Zion, go tuludulu hagamogomogo i tege ne hili laa, gai be goai e hagadonusia ia e dee hagadogaa ina donu.”

1 Peter 2:6 Iomraidhean Croise

Genesis 49:24

aagai dana mee hholu e dee ngalungalue naa donu, luoono lima e hai ga mmahi i hiidinga o de Ia Mmahi o Jacob, go de Ia Hagaloosi, ma de Baba mmahi o Israel.

Psalm 40:14

Haia gi dookaa ma de ssenga ange gilaadeu e saalaa de hai e daa ai au gi magau. Haia gi aahe dua ma de dookaa dangada alodahi e llodo e hai mai de baubau gi de au.

Psalm 89:19

Madagidagi gai koe ne hai ange gi oo dangada dabu i de midi hagaago ange, “Au gu bale ange dahi daane dau i de hebagi; Au gu hagaamua dahi dama daane i magavaa o dangada.

Isaiah 28:16

Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Isaiah 41:11

Tilo, dangada alodahi e llili i de goe e dookaa naa ma de hagangadi mee ina; gilaadeu e hai baasi adu gi de goe e hai naa ga deai aama de maakau.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

Isaiah 46:13

au e hai gi baa mai dogu heohi, gai e dee mmao donu; gai dagu hagaola mai e dee mmule donu. Au e hai dagu hagaola gi dagodo i Zion, gai dogu mahamaha i Israel.

Isaiah 50:7

De Ia Aamua go Iahweh ne bale mai au, deelaa ai, au e dee hagangadi mee ina naa donu; deenei ai, au gu soe donu dagu maanadu, gai au e iloo bolo au e dee dogaa naa donu.

Isaiah 54:4

Koe gi dee madagu; koe e dee hagadogaa ina naa donu. Koe gi dee manavasaa i doo hagangadi mee ina; koe e dee hagamaolalo ina. Gai koe e ngalo naa doo hagadogaa ina i de masavaa oou e gauligi ai, gai koe e dee manadua naa donu doo hagadogaa ina i teai soo bodu.

Daniel 10:21

gai i mua dogu hano gai au e tala adu mee gu lava i de sisi i lo te Beebaa o de Mee Abodonu. Gai e deai ange donu e balea mai au e hebagi ange ai gi gilaau, go Michael donu huu, doodou dagi.

Zechariah 10:4

Go Judah e humai ai tuludulu o de logunga, go ono daha e humai de laagau hagamakaga o de hale malo, go ono daha iai de mee hholu ange gi de hebagi, gai go ono daha e loomai ai dagi alodahi.

Matthew 12:18

“Deenei dogu dangada hai hegau go au ne hilia ia, au e aloha i de ia ma de malangilangi i de ia. Au e gaavange naa gi de ia dogu Hagasaalunga, gai ia ga agoago ange ai denga Gentile dagodo o dagu hagamodu heohi.

Mark 12:10

E aha, goodou tigi daulia ange naa donu muna nei i de Beebaa Dabu? ‘De hadu a de gau hagatuu hale ne hagangadi mee gu hai go de hadu i tege;

Luke 20:17

Aagai Iesu ga haaina gilaadeu, ga hai ange, “Dee hee de hagadoonunga o muna gu sisi laa: ‘De hadu a de gau hagatuu hale ne hagangadi mee gu hai go de hadu i tege’?

Luke 23:35

Aagai dangada ne tuu ga haaina ia, gai dagi o de gau Ssuu ga doo mee i de ia, ga hagataba, “Ia ne hagaola dangada ange laa; ia gi hagaola ina ia, noo go ia de Klisdo a de Maadua, de ia aana gu hili!”

John 7:38

Be goai e gai mai gi de au, gai ia e bei muna a de Beebaa Dabu gu tala laa, ‘Denga saalingaa vai o de mouli e ssali mai i ono lodo.’ ”

Acts 1:16

“Denga daina, muna a de Beebaa Dabu gu hai donu ma gu bei, aanei muna a de Hagasaalunga Dabu gu tala i daho David madagidagi, i dagodo o Judas, taane ne dagina mai dangada ne boogia Iesu.

Romans 10:11

Gai e hagadaba de Beebaa Dabu, “Tangada e hagadonusia ia e dee hagadogaa ina naa donu.”

Ephesians 1:4

Gai ia ne hili gidaadeu i mua de hai o henua i lodo o Klisdo, gai ia ga hai ai gidaadeu gi dabu ma tee haisala i mada luoono mada i de aloha.

Ephesians 2:20

Goodou gu hagatuu ange gi honga tagelo a de gau tala ma denga pelaabisi, gai go Klisdo Iesu donu tuludulu o de logunga,

2 Timothy 3:16

Muna alodahi o de Beebaa Dabu ne daamada mai i lodo o de Maadua, gai e haigamaiana ange gi de agoago ai, ma de hagakana ange ai, ma de hagaheohi aama de agoago ai gi heohi tangada,

1 Peter 2:4

Goodou loomai gi de ia, go ia de hadu e mouli laa — ne tili gee laa i daho dangada, aagai de Maadua ne hili ia ga hai gi se hadu hagamogomogo —

1 Peter 2:8

gai “se hadu e hagalaavea vae o dangada gai se hadu e haia ga baakuu gilaadeu.” Gilaadeu e baakuu naa i hiidinga delaadeu dee daudali i de muna — bei de hai gu hagamodu ange ai laa gi gilaadeu.

2 Peter 1:20

Gai deenei de mee hagamogomogo oodou e hai gi tonu ange aagena: e deai donu muna pelaabisi i de Beebaa Dabu ne hagadonu donu i daho tangada.

2 Peter 3:16

Ia ne sisi donu hogi mee nei i lodo ana leda alodahi, ma de basa i dagodo o mee nei. Gai e hanu mee i lodo leda nei e hai ngadaa i taadeu tonu ange aagena, go mee a de gau ssenga ma gilaadeu e llodo lagolago e hagadonu sala, ga hidi mai ai delaadeu daa ga maakau, gai e bei hogi delaadeu hai e hagadonu ai laa muna o de Beebaa Dabu ange laa.