1 Peter 2:20 - De Beebaa Dabu

²⁰ Aagai e heohi donu de tuhi a dangada goodou, noo goodou e golomagi oodou lodo i doodou hagaduasala, i hiidinga o oodou hegau baubau? Aagai noo goodou e golomagi oodou lodo i doodou hagaduasala, i hiidinga doodou hai tanuaa, gai de Maadua e malangilangi i goodou.

1 Peter 2:20 Iomraidhean Croise

Matthew 26:67

Aagai gilaadeu ga savasavale ange gi luoono mada, ma de dugidugi ia i olaadeu lima. Gai hanu ne hagailiili ia,

Matthew 5:47

Gai noo goodou e hagaboo ange donu huu gi oodou daina, gai e hanu ai oodou mee e dubu ange ai i de gau ange laa? E dee aanaa hogi hegau a denga Gentile e hai laa?

Mark 14:65

Gai hanu gilaadeu ne daamada de savasavale ange gi Iesu, ga nnoa luoono mada i de malo ga dugidugi ia i olaadeu lima, gai gilaadeu ga hai ange gi de ia, “Daalaa mai be goai ne duugia laa goe!” Gai de gau hagaloosi ne kave hogi ia ga hagailiili.

Luke 6:32

Noo goodou e aaloha donu huu i dangada e aaloha i goodou, gai e dahi ai naa manuuia oodou e mau? De gau haisala e aaloha hogi i dangada e aaloha i gilaadeu.

1 Corinthians 4:11

Iainei donu gai gimaadeu e hiikai ma de hieunu, gimaadeu e deai omaadeu malo, gai e hagailiilia ma teai semaadeu mommee e nnoho ai.

Galatians 4:18

Gai se mee danuaa donu de llodo o dangada i goodou noo se hiidinga danuaa, gai e dee go dogu masavaa donu huu e noho ai i oodou daha.

Ephesians 5:10

gai haia gi iloo e goodou be aahee mee e hagamalangilangi ina Tagi Maolunga.

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

1 Peter 2:19

Gai se manuuia donu niio tangada, noo ia e golomagi ono lodo i dono hagaduasala ina, gai tigi haisala donu, i hiidinga ia e maanadu lodo o de Maadua.

1 Peter 3:14

Aagai e dee galemu naa donu noo goodou gu hagaduasala i doodou hai de mee heohi, gai goodou gu manuuia. Goodou gi dee maatagu i gilaadeu aabe gi manavasaa oodou lodo.

1 Peter 3:17

Gai e danuaa ange, noo goodou e hagaduasala i doodou hai tanuaa, noo go lodo o de Maadua, i doodou hagaduasala i doodou hai de baubau.