1 Peter 2:16 - De Beebaa Dabu

¹⁶ Goodou mouli bei dagodo o dangada e ilaage, aagai goodou gi dee hagahai hegau ina oodou ilaage gi hagamuunia ai oodou hegau baubau, gai gi mouli bei dagodo o de gau hai hegau o de Maadua.

1 Peter 2:16 Iomraidhean Croise

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

John 15:22

Noo au tee humai ga tala ange muna nei gi gilaadeu, gai gilaadeu e dee haisala. Aagai iainei gilaadeu gu dee maua i de hagaheohi olaadeu haisala.

Romans 6:18

Iainei goodou gu ilaage mai i de haisala, gai gu hai gi ni mee hai hegau niio de heohi.

Romans 6:22

Aagai iainei goodou gu ilaage mai i de haisala, gai gu ni dangada hai hegau niio de Maadua, gai doodou mee e maua ai go doodou hai ga ni dangada e dabu, gai de hagaodi o de mee nei go de mouli e dee ngado mai.

1 Corinthians 7:22

Go hiidinga tangada se dangada hai hegau i dono masavaa ne hagahia ange ai i lodo o Tagi Maolunga se dangada ilaage niio Tagi Maolunga. E bei ai hogi, tangada ilaage i dono masavaa ne hagahia ai, gu se dangada hai hegau niio Klisdo.

Galatians 5:1

Klisdo ne hai ga ilaage gidaadeu, gai gi ilaage abodonu ai gidaadeu. Deenei ai, goodou tuu gi makaga, gai gi dee aahe ange gi haia goodou gi ni dangada hai hegau e dee ilaage.

Galatians 5:13

Denga daina, goodou ne hagahia ange gi de ilaage; aagai goodou gi dee haia oodou ilaage gi haia ai lodo o de angaanga, aagai goodou gi hagadau bale i de aloha.

Ephesians 6:6

Gai gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai hai hegau gi bei dagodo o de gau hai hegau o Klisdo, e haia lodo o de Maadua i de lodo se muna abodonu.

Colossians 3:24

Gai goodou e iloo bolo goodou e kave donu de hagaoanga o oodou hegau mai i daho Tagi Maolunga, i hiidinga goodou e hai hegau ange donu gi Tagi Maolunga go Klisdo.

1 Thessalonians 2:5

Goodou e iloo bolo gimaadeu tee hagasegesege adu donu goodou i amaadeu muna, be ne hagasenga goodou gi dee iloo ai e goodou demaadeu nnoo hagamau mee — go de Maadua demaadeu dangada tala hagadonu.

James 1:25

Aagai tangada e diiloo mee i lo te hainga e honu abodonu laa, go de hainga o de ilaage, ma de duudagi de hai de mee nei — gai ia e dee ngalo ana mee gu langona, aagai e hai hegau ai — tangada bee nei e manuuia i mee alodahi aana e hai.

James 2:12

Deenei ai, oodou muna ma oodou hegau gi bei dagodo o dangada e tonu iho laa bolo gilaadeu e hagamodu olaadeu muna i de hainga e haia laa gidaadeu ga ilaage.

2 Peter 2:19

Gilaadeu e hagatoo donu ange gi dangada bolo gilaadeu e ilaage donu, aagai gilaadeu donu, ni dangada hai hegau niio denga lodo hakino gee; go hiidinga dangada ni dangada hai hegau donu niio de mee e dagina gilaadeu.

Jude 1:4

Go hiidinga hanu dangada gu ulu hagammuni adu gi oodou magavaa, aanei gilaadeu gu sisi laa madagidagi bolo e hagaduasala. Gilaadeu ni dangada baubau, gilaadeu e hagahadu muna de abodonu o taadeu Maadua gi maua ai e gilaadeu i de hai denga dahulinga hakino gee, gai ga hagangadi mee taadeu Ia Aamua ma Tagi Maolunga e dahi laa donu huu, go Iesu Klisdo.