1 Peter 2:11 - De Beebaa Dabu

¹¹ Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.

1 Peter 2:11 Iomraidhean Croise

Genesis 21:34

Gai Abraham ne noho i de henua o de gau Philistia i dahi masavaa daulooloa.

Genesis 23:4

“Au se dangada henua gee e noho gaainga i oodou daha, gai goodou gaamai dahi mommee i oodou daha e hai ai dahi mommee e hai ai agu daanunga, gai au ga kave dagu magau e danu ai.”

Genesis 47:9

Jacob ne hai ange gi Pharaoh, “Gu 130 ogu ngadau gu noho gaainga saele ai. Ogu ngadau ne mouli ai e sogoisi ma de hai ngadaa, gai au tigi daea donu ngadau o ogu maadua ne nnoho gainga saele ai.”

1 Chronicles 29:15

Gai gimaadeu ni dangada henua gee i mada luoo mada, gai ni dangada e nnoho gaainga, bei dagodo omaadeu dubuna madagidagi alodahi. Gai omaadeu laangi i henua i lalo e bei de goohunga o de laa e lilo ngaohie laa, e dee maua gi dagodo.

Psalm 119:19

Au se dangada e noho gaainga i henua i lalo; koe gi dee hagamuunia au muna i de au!

Psalm 119:54

Au hainga gu hagasauaa go agu daahili i dogu noho gaainga i henua i lalo nei.

Psalm 39:12

Tagi Maolunga, hagalaangona dagu dalodalo, hagalaangona dogu dangi adu koe gi balea mai; koe gi dee hagangadi mee ina dogu dangi. Go hiidinga au se dangada e noho gaainga gai se dangada henua gee bei ogu dubuna madagidagi alodahi.

Leviticus 15:18

Gai noo dahi daane ma dahi hahine e hagahebaa, gai gilaau ngaadahi gu baalau i denga bii, gai gilaau gi gaugau i vai, gai gilaau e dee gilimalali ga dae ai gi de ahiahi.

Leviticus 25:23

“ ‘Gai denga alahenua e dee maua donu i de hagao gi daha ga hano ai; go hiidinga de henua niiogu, gai goodou ni dangada henua gee e nnoho gaainga i dogu henua.

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

Acts 15:20

Aagai gidaadeu ga sisi e hai ange gilaadeu gi dee gaina mee gu hakino gee i hiidinga o denga diinonga, gilaadeu gi dee dagodo haisala, gai gi dee gaina kano o manu ne milo olaadeu ua, aama dodo.

Acts 15:29

goodou gi dee gaina gai gu sigidaumaha ange gi denga diinonga, ma dodo, ma manu gu milo laa olaadeu ua, aama tee dagodo haisala. Noo goodou e daohi goodou i mee nei, gai gu danuaa. Danuaa loo goodou!”

Romans 12:1

Deenei ai, ogu daina, au e dangidangi adu, i hiidinga de abodonu o de Maadua, goodou gi dugua ange oodou angaanga alodahi e hai ai ssigidaumaha e mouli laa, gai e dabu ma de hagamalangilangi ange gi de Maadua — deenei donu doodou hai daumaha heohi gai se muna abodonu.

Romans 7:23

aagai au e gidee dahi hainga gee e hebagi ange gi de hainga i ogu lodo laa, ma de daohi au gi noho i lalo ssauaa o de haisala e dagodo laa i lodo o de angaanga.

Romans 8:13

go hiidinga noo goodou e mouli i lodo o de angaanga, gai goodou e maakau donu; aagai noo goodou e daa gi maakau denga dahulinga o de angaanga i ssauaa o de Hagasaalunga ⌊Dabu⌋, gai goodou e mouli.

2 Corinthians 5:20

Deenei ai, gimaadeu go sui o Klisdo, e dagodo be go de Maadua e dangidangi adu gi goodou i omaadeu daha. Gai gimaadeu e sui Klisdo e dangidangi adu ai gi goodou: goodou gi hagadanuaa ina oodou magavaa ma de Maadua.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

Galatians 5:24

Gai dangada alodahi o Klisdo Iesu gu lava i de daa gi maakau lodo o de angaanga aama ana maanadu alodahi.

Ephesians 2:19

Deenei ai, goodou gu dee ni dangada tua de mee aabe ni dangada henua gee, aagai gu ni dangada donu de henua madali dangada o de Maadua, goodou gu ni dangada donu dono huaabodu.

Ephesians 4:1

Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

2 Timothy 2:22

Gai koe savini hano gee i lodo dee heohi o denga dama daane mmodo, gai dolohia de heohi, ma de gai, ma de aloha, ma de nnoho paba, madali gilaadeu alodahi e dalodalo ange gi Tagi Maolunga i de lodo e gilimalali.

Hebrews 11:13

Gilaadeu nei alodahi ne mouli i de gai ga dae ai gi delaadeu maakau. Gilaadeu tee kave mee gu lava laa i de hagatoo donu; aagai gilaadeu ne gidee donu huu, bolo mee nei e loomai naa i muli mai ma de malangilangi ai. Gai gilaadeu ne tala bolo gilaadeu ni dangada henua gee, gai ni dangada e nnoho gaainga i henua i lalo.

Hebrews 6:9

Denga daina hagamogomogo, e dee galemu demaadeu pasa adu bee nei gi goodou, gai gimaadeu e iloo bolo e hanu donu manuuia gu hagababa adu gi goodou — go mee oodou e kave madali doodou hagamouli.

James 4:1

Gai aahee hiidinga e ssula age ai laa denga hebagi, ma de hagadaumee i oodou magavaa? E dee go hiidinga o denga lodo e hagadau hebagi i oodou lodo naa?

1 Peter 1:1

Mai i daho Peter, tangada tala o Iesu Klisdo. Ange gi dangada a de Maadua gu hili, gai gu mavaevae saele i denga ungaamee o Pontus, ma Galatia, ma Cappadocia, ma Asia, aama Bithynia,

1 Peter 1:17

Gai noo goodou e hagahi ange Tamana, go de ia e hagamodu ina muna o dangada, gai e dee vae dangada, gai goodou mouli i de hagadubu ma de maatagu i doodou nnoho gaainga i henua i lalo nei.

1 Peter 4:12

Ogu soa hagamogomogo, goodou gi dee llele oodou mouli i de tuu adu denga hagaduasala hagammae gi goodou e hagatale ai goodou, ga maanadu bolo hanu mee e dee heohi de hai gu tuu adu gi goodou.

1 Peter 4:2

Gai dono masavaa e mouli ai i de angaanga nei, gai ia gu dee hai lodo o de angaanga, aagai gu hai lodo o de Maadua.

2 Peter 3:1

Ogu soa hagamogomogo, deenei de lua leda aagu gu sisi adu gi goodou, gai au ga hai gi aahe ange goodou gi manadua mee gilimalali.