1 Peter 1:8 - De Beebaa Dabu

⁸ E dee galemu donu goodou tee gidee ia, gai goodou e aaloha i de ia; e dee galemu donu goodou e dee gidee ia iainei, gai goodou e hagadonusia ia ma de malangilangi i de malangilangi e dee maua laa i de tala ono dagodo aama de lodo danuaa mmao,

1 Peter 1:8 Iomraidhean Croise

Song of Songs 1:7

De ia oogu e aloha ai, daalaa mai be go hee aau e haangai ai au ssiibi, gai go hee o au ssiibi e hagammabu ai i de hualaangi. Gai gu aha gu hai ai gi bei au dagodo o de hine e haoli dono biho i gaogao denga hagabuulingaa ssiibi o oo soa?

Song of Songs 5:16

Dono ngudu e maimai mmao, gai au e vaasuu i ono dagodo alodahi. Denga damaa hine o Jerusalem, deenei dogu dau soa, gai deenei dogu soa.

Song of Songs 5:9

Ni aha o doo dau soa e kii ange i denga haahine ange laa, koe de hine mahamaha hugadoo i magavaa o denga haahine? Ni aha o doo dau soa e kii ange ai i denga dau soa ange laa, gai koe ga basa mai ai naa bee naa gi gimaadeu?

Matthew 10:37

Be goai e kii dono damana be go dono dinana i dono aloha ai i de au, e dee bau ange gi de hagabinga bolo se dangada agoago niiagu; gai be goai e kii dana dama daane be go dana damaa hine i dono aloha ai i de au, gai ia e dee bau ange i de hagabinga bolo se dangada agoago niiagu.

John 14:15

“Noo goodou e aaloha i de au, gai goodou ga daudali i agu hainga.

John 14:21

Be goai e daohia agu muna ga daudali ai, go ia donu e aloha i de au. Gai be goai e aloha i de au gai dogu Damana e aloha hogi i de ia, gai au e aloha hogi i de ia ma de hagaago ange au gi de ia.”

John 14:24

Tangada e dee aloha i de au, e dee daudali i agu muna. Oodou muna gu langona mai i ogu daha e dee niiagu donu, gai ni muna donu nii Tamana ne haia nei au gi humai.

John 16:22

Gai e bei ai hogi oodou dagodo iainei: goodou gu hinangalosaa iainei, gai goodou e malangilangi naa i de masavaa oodou e gide ai au, gai e deai donu se dangada e maua i de kave gee doodou malangilangi.

John 20:29

Iesu ne hai ange gi de ia, “Koe ne hagadonusia donu huu i hiidinga koe gu gidee au. E manuuia tangada tigi gidee gai e hagadonusia!”

John 8:42

Iesu ne hai ange gi gilaadeu, “Noo go de Maadua doodou damana, gai goodou e aaloha i de au, go hiidinga au ne humai donu i daho de Maadua. Au tee humai donu huu i de au, gai go ia ne haia nei au gi humai.

Acts 16:34

Ia ne kave hogi gilaau gi dono hale, ga haangai gilaau. Aagai ia ma dangada alodahi i dono hale gu malangilangi, go hiidinga gilaadeu gu hagadonusia de Maadua.

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

Romans 15:13

Gai de Maadua o de tali hagalodolodo gi haia gi honu doodou malangilangi ma doodou nnoho paba i doodou hagadonusia, gai gi hagadagadaga age ai doodou tali hagalodolodo i ssauaa o de Hagasaalunga Dabu.

1 Corinthians 16:22

Noo dahi goodou e dee aloha i Tagi Maolunga, gai ia e hagamalaia! Gi humai taadeu Dagi Maolunga!

2 Corinthians 1:22

ma de maaga gidaadeu i dono hagailonga, i dana gaamai dono Hagasaalunga gi noho i odaadeu lodo e hagadonu ai mee e loomai.

2 Corinthians 12:4

gai ia ne langona denga mee e dee maua i de pasa ai, gai e dee alaange donu i de tala a dahi dangada daudahi.

2 Corinthians 4:18

go hiidinga gimaadeu e dee kalo ange e tilo mee e gidee, gai e tilo mee e dee gidee laa. Mee e gidee laa e odi donu, aagai mee e dee gidee laa e daakodo donu ga hano ai.

2 Corinthians 5:7

Gai gidaadeu e mouli i de gai, e dee mouli i mee adaadeu e gidee.

2 Corinthians 9:15

Gai de abodonu ange gi de Maadua i dana ngadi gaavange e dee maua laa e gidaadeu i de tala ono dagodo!

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

Ephesians 3:19

ma de tonu ange gi dagodo o de aloha o Klisdo e dubu ange laa i de iloo mee o dangada, gai goodou gi hhao gi hoohonu i dagodo alodahi o de Maadua.

Ephesians 6:24

De abodonu gi dagodo i daho dangada alodahi, e aaloha laa i taadeu Dagi Maolunga go Iesu Klisdo, i de aloha e deai laa se helui.

Philippians 1:25

Au e iloo too donu de mee nei: au e daulooloa naa donu dogu mouli madali goodou alodahi, gi hagadagadaga age ai goodou ma de malangilangi i de gai,

Philippians 3:3

I hiidinga go gidaadeu donu de tuu dagaholiage abodonu, gai e daumaha ange gi de Maadua i de hagasaalunga ma de malangilangi i taadeu buni ma Klisdo Iesu, gidaadeu e dee tali hagalodolodo ange gi mee e hai i de angaanga.

Philippians 4:4

Goodou gi malangilangi i lodo o Tagi Maolunga i masavaa alodahi! Au e ahe ange e hai adu, goodou gi malangilangi!

Hebrews 11:1

De gai go de iloo abodonu bolo mee adaadeu e tali hagalodolodo ange laa aagena e hai donu, ma de iloo abodonu bolo mee adaadeu e dee gidee laa e hanu donu.

Hebrews 11:27

Gai dono gai ne hai ga maua e ia i de hano gee mai i Egypt, ia tee madagu donu i de lili o de hodooligi; ia ne lodo mmahi i de golomagi ono lodo, go hiidinga ia gu gidee de ia e dee gidee laa.

1 Peter 1:6

Goodou llodo danuaa i hiidinga o mee nei, e dee galemu donu goodou e hagaduasala iainei, i denga hagadaagangaa hagatale i dahi masavaa bodobodo.

1 Peter 2:7

Deenei ai, de hadu nei e hagamogomogo adu gi goodou e hagadonusia, aagai ange gi gilaadeu e dee hagadonusia, “De hadu a de gau hagatuu hale ne hagangadi mee laa gu hai go de hadu i tege,”

1 Peter 5:4

Gai de masavaa naa huu o Tagi o de gau hagaloosi e hagasula mai ai, gai goodou e kave donu de hau mahamaha e dee maua laa gi mmae.