1 Peter 1:6 - De Beebaa Dabu

⁶ Goodou llodo danuaa i hiidinga o mee nei, e dee galemu donu goodou e hagaduasala iainei, i denga hagadaagangaa hagatale i dahi masavaa bodobodo.

1 Peter 1:6 Iomraidhean Croise

Psalm 119:28

Au gu deai ogu mahi i de daemaha ogu lodo; koe gi hagamaamaane ina ogu lodo, bei dagodo o au muna.

Psalm 119:75

Tagi Maolunga, au e iloo bolo au hagamodu e heohi, gai koe ne hagaduasala ngau i hiidinga doo hai hegau i de abodonu.

Psalm 34:19

Ga lagolago naa donu hai ngadaa o tangada heohi, aagai Tagi Maolunga e hagaola mai ia i mee nei hugadoo.

Psalm 35:10

Au e hagadaba naa i ogu lodo alodahi, “Tagi Maolunga, goai e bei oo dagodo? Koe e hagaola tangada hagaau aloha mai i tangada e mmahi ange i de ia, gai tangada hagaau aloha ma de duasala i gilaadeu e gaiaadia alaadeu mee.”

Psalm 69:20

Au gu kona mmao de mmae ogu lodo i dogu hagadogaa ina, gai au gu dee baba ogu lodo. Au ne ssala dahi gi lodo aloha mai gi de au, aagai au tee gidee dahi dangada daudahi; au ne ssala dahi dangada gi hagaaneane ina ogu lodo, gai au tee gidee dahi dangada daudahi.

Psalm 9:14

gai au ga tala tuhi ai goe i denga haitoga o tamaa hine o Zion, ma de malangilangi i kilaa i dau hagaola mai au.

Psalm 95:1

Loomai, gidaadeu ga daahili ange gi Tagi Maolunga i de malangilangi; gidaadeu ga hevaalogi e tuhi de Baba e hagaola ina gidaadeu.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Matthew 11:28

Loomai gi de au, goodou alodahi e daalea ma de daemaha, gai au ga hagammabu goodou.

Matthew 26:37

Gai ia ne kave Peter ma luu dama daane a Zebedee madali ia, gai ia gu daemaha mmao ma tee baba ono lodo.

Matthew 5:12

Goodou llodo danuaa ma de malangilangi, go hiidinga e laumalie doodou hagaoanga i de langi. Gilaadeu ne vaivai hai donu hogi denga pelaabisi i mua.

Luke 1:47

gai dogu hagasaalunga gu malangilangi i de Maadua dogu Ia Hagaola,

Luke 10:20

Aagai goodou gi dee llodo danuaa i de hagallongo adu o denga hagasaalunga baubau gi goodou; aagai goodou llodo danuaa i hiidinga oodou ingoo gu sisi i de langi.”

Luke 2:10

Gai tangada de langi ga hai ange gi gilaadeu, “Goodou aude maatagu! Tilo, au ne gaamai gi goodou dahi longo danuaa ma de hagamalangilangi ange gi dangada alodahi.

John 16:22

Gai e bei ai hogi oodou dagodo iainei: goodou gu hinangalosaa iainei, gai goodou e malangilangi naa i de masavaa oodou e gide ai au, gai e deai donu se dangada e maua i de kave gee doodou malangilangi.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

Romans 12:12

Goodou gi malangilangi i de tali hagalodolodo, ma de golomagi oodou lodo i doodou hagaduasala ina, gai dalodalo i masavaa alodahi.

Romans 5:11

Gai e dee deenei donu huu, gai gidaadeu e malangilangi hogi i de Maadua, i daho taadeu Dagi Maolunga go Iesu Klisdo, go de ia ne haia ga maua e gidaadeu de hagadanuaa odaadeu magavaa ma de Maadua.

Romans 5:2

gai go ono hiidinga adaadeu ne kave ai nei de abodonu o de Maadua i de gai. Gai gidaadeu e tala tuhi taadeu tali de masavaa adaadeu e kave ai de mahamaha o de Maadua.

Romans 9:2

bolo au e kona mmao de daemaha ma tee baba ogu lodo.

2 Corinthians 4:17

Go hiidinga odaadeu hai ngadaa e hai donu huu i dahi masavaa bodobodo, e hagadabena ange ai gidaadeu gi de mahamaha laumalie e dee ngado mai laa, e dee maua laa i de hagahedae ange gi dahi mee daudahi,

2 Corinthians 6:10

ni dangada e hagadaemaha ina, aagai e malangilangi i masavaa alodahi; ni dangada hagaau aloha, aagai e hai lava dangada soa; ni dangada e deai omaadeu mee, aagai gu bolo ange aagena mee alodahi.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Philippians 2:26

Go hiidinga ia gu kona mmao dono buliaamoou i goodou alodahi, ma dono daemaha i hiidinga ia gu iloo bolo goodou gu langona bolo ia nogo magi.

Philippians 3:3

I hiidinga go gidaadeu donu de tuu dagaholiage abodonu, gai e daumaha ange gi de Maadua i de hagasaalunga ma de malangilangi i taadeu buni ma Klisdo Iesu, gidaadeu e dee tali hagalodolodo ange gi mee e hai i de angaanga.

Philippians 4:4

Goodou gi malangilangi i lodo o Tagi Maolunga i masavaa alodahi! Au e ahe ange e hai adu, goodou gi malangilangi!

1 Thessalonians 1:6

Goodou ne ago mai i gimaadeu aama Tagi Maolunga, gai goodou ne malangilangi i de kave de longo danuaa e dee galemu de kona doodou duasala ai, ma de malangilangi mai i daho de Hagasaalunga Dabu.

James 1:2

Denga daina, goodou gi malangilangi i de masavaa oodou e tuu ange ai gi denga hagadaagangaa hagatale,

James 1:9

Taina e maolalo laa gi duuhia dagodo o dono hagamaolunga ina,

James 4:9

Goodou llodo baubau ma de tangi aama de tangi see. Goodou gi dee kada aagai gi llodo baubau, gai haia gi dee malangilangi goodou gai gi daemaha.

1 Peter 3:17

Gai e danuaa ange, noo goodou e hagaduasala i doodou hai tanuaa, noo go lodo o de Maadua, i doodou hagaduasala i doodou hai de baubau.

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

1 Samuel 2:1

Gai Hannah ne dalodalo ga hagadaba, “Ogu lodo e malangilangi mmao i Tagi Maolunga; au e hagaamua Tagi Maolunga i ogu mahi. Au e gadagada i ogu hagadaumee, i hiidinga au gu malangilangi i dau hagaola.