1 Peter 1:3 - De Beebaa Dabu

³ Gidaadeu ga tuhi de Maadua ma Tamana o taadeu Dagi Maolunga go Iesu Klisdo! Ia ne hai gi maua e gidaadeu de aahe ange e haanau hoou, gi maua ai e gidaadeu de tali hagalodolodo abodonu, i de mouli age o Iesu Klisdo i de magau, i hiidinga o dono degi laumalie,

1 Peter 1:3 Iomraidhean Croise

1 Kings 8:15

Gai ia ga hai ange: “Duuhia Tagi Maolunga, de Maadua o Israel, go de ia ne hagassula ina mee alodahi aana gu hagatoo donu ange gi dogu damana go David, ma de hagadaba,

1 Chronicles 29:20

Muli mai gai David ne hai ange gi dangada alodahi gu hagabuni laa, “Duuhia Tagi Maolunga doodou Maadua.” Gai dangada alodahi ga tuhi Tagi Maolunga, de Maadua o olaadeu dubuna madagidagi, ga ino gi lalo ga daumaha ange gi Tagi Maolunga, ma de hagadubu de hodooligi.

2 Chronicles 31:8

De masavaa a Hezekiah ma dagi o de henua ne loomai ai ga gidee de hagabudubuduungaa mee gu gaamai laa, gai gilaadeu ga tuhi Tagi Maolunga ma de hagamanuuia ono dangada go de gau Israel.

Psalm 41:13

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai! Amen gai Amen.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Exodus 34:6

Gai Tagi Maolunga ne hano gi mada i mua o Moses, ga hagadaba, “Tagi Maolunga, Tagi Maolunga, de Maadua e lodo aloha ma de degi, e dee moolau de lili, gai e honu i de aloha aama de hai hegau i de muna abodonu,

Isaiah 26:19

De gau maakau e mouli age naa; olaadeu angaanga e hiihidi age naa. Goodou denga angaanga i lodo daanunga, hiihidi age daahili i doodou malangilangi. Go hiidinga oodou mouli hoou e bei de mee suungia i taiao, gai de gelegele e hagaahe age naa denga hagasaalunga o de gau maakau.

Jonah 4:2

Gai ia ne dalodalo ange gi Tagi Maolunga, ga hai ange, “Tagi Maolunga, e dee aanei agu mee ne tala adu gi de goe i dogu masavaa goi noho ai laa i dogu henua? Aalaa donu ogu hiidinga ne hagamoolau ai laa ga hano gi Tarshish. Au e iloo bolo koe se Maadua e degi, ma de lodo aloha, gai e dee moolau de lili, aama de honu i de aloha, gai e moolau de helui oo lodo ga dee ssui ange de baubau.

John 1:13

gai gilaadeu e dee ni dama ne hagadili i de baasi gi de angaanga, be go lodo o de angaanga, aabe go de hagatau a dahi daane, gai go lodo o de Maadua.

Romans 12:12

Goodou gi malangilangi i de tali hagalodolodo, ma de golomagi oodou lodo i doodou hagaduasala ina, gai dalodalo i masavaa alodahi.

Romans 15:13

Gai de Maadua o de tali hagalodolodo gi haia gi honu doodou malangilangi ma doodou nnoho paba i doodou hagadonusia, gai gi hagadagadaga age ai doodou tali hagalodolodo i ssauaa o de Hagasaalunga Dabu.

Romans 4:25

Ia ne gaavange e daa gi magau i hiidinga odaadeu haisala, gai ne mouli age ange e hagaheohi ai gidaadeu.

Romans 5:10

Gai noo de masavaa odaadeu ni hagadaumee ai niio de Maadua, gai gidaadeu ne hagadanuaa odaadeu magavaa ma de Maadua, i de magau o dana Dama, gai dee hee maa ai naa de kii ange taadeu maua de hagamouli i hiidinga o dono mouli, i dua de hagadanuaa oodou magavaa ma de Maadua.

Romans 8:11

Gai noo de Hagasaalunga o de Maadua ne hagamouli ina age laa Iesu i de magau e noho i oodou lodo, gai de ia ne hagamouli ina age laa Iesu i de magau e hagamouli age naa hogi oodou angaanga e maakau laa i dono Hagasaalunga e noho laa i oodou lodo.

Romans 8:24

Gidaadeu ne kave de tali hagalodolodo nei i de masavaa odaadeu ne hagamouli ai. Gai de tali hagalodolodo e gidee laa e dee se tali hagalodolodo abodonu. Gai goai e tali hagalodolodo ange laa gi mee aana gu lava laa i de gidee?

1 Corinthians 13:13

Mee e dolu nei e dee ngado mai donu: go de gai, ma de tali hagalodolodo, aama de aloha, gai de mee e maolunga hugadoo go de aloha.

1 Corinthians 15:20

Aagai se muna abodonu Klisdo ne mouli age donu i de magau, go ia de hua i taamada i dangada gu maakau laa.

2 Corinthians 1:3

Duuhia de Maadua ma Tamana o Iesu Klisdo taadeu Dagi Maolunga, gai go Tamana o de abodonu ma de Maadua e hagaaneane ina lodo alodahi.

Galatians 6:16

De baba ma de abodonu gi dagodo i daho dangada e hai hegau i mee nei, ma daho dangada o de Maadua go de gau Israel.

Ephesians 1:17

Au e dalodalo ange gi de Maadua o Iesu Klisdo taadeu Dagi Maolunga, Tamana o de mahamaha, ia gi gaavadu gi goodou de Hagasaalunga o de heiangi ma de hagaago adu gi iloo e goodou ono dagodo,

Ephesians 1:3

Duuhia de Maadua ma Tamana o taadeu Dagi Maolunga go Iesu Klisdo, ne hagamanuuia ina laa gidaadeu i daho Klisdo i denga manuuia alodahi i de baasi gi de hagasaalunga i de langi.

Ephesians 1:7

Gai ia ne hagaola gidaadeu i ono dodo, ma de degi mai gi odaadeu haisala, bei dagodo de abodonu laumalie o de Maadua,

Ephesians 2:4

Aagai de Maadua, de ia e honu abodonu laa dono degi, i hiidinga dono aloha mmao i gidaadeu,

Ephesians 3:20

Gidaadeu gi duuhia de ia e maua laa i de hagahai hegau dono sauaa, gi kii ange i mee odaadeu e dangidangi ange ai aabe go adaadeu maanadu, bei dagodo o dono sauaa e hai hegau laa i odaadeu lodo,

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Colossians 1:27

Gai de Maadua ne hagatau bolo e hai gi iloo e denga Gentile dagodo de laumalie de mahamaha o de mee nogo dee iloo laa, go Klisdo i oodou lodo, go de mahamaha adaadeu e tali hagalodolodo ange laa aagena.

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.

1 Thessalonians 4:13

Denga daina, gimaadeu e llodo goodou gi tonu ange gi dagodo o de gau maakau, gi dee hinangalosaa ai goodou bei dagodo dangada e deai selaadeu tali.

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

1 Timothy 1:14

Gai tegi laumalie o taadeu Dagi Maolunga ne gaamai gi de au i de gai ma de aloha i daho Klisdo Iesu.

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

Hebrews 3:6

Aagai Klisdo ne hai hegau i de muna abodonu i de tilo ange de hale o de Maadua bei dagodo o tama donu. Gai gidaadeu go dono hale donu, noo gidaadeu e daohi taadeu lo taane ma de malangilangi i taadeu tali hagalodolodo.

James 1:18

Gai ia ne lodo e hagadili gidaadeu i de muna abodonu, gai ia ga hai ai gidaadeu go hua i taamada o mee alodahi aana ne hai.

1 Peter 1:13

Deenei ai, goodou hagadabena ina oodou maanadu ma oodou lodo. Goodou gi paba ange aama de tali hagalodolodo ange gi de manuuia gu dai gaavadu gi goodou i de masavaa o Iesu Klisdo e hagasula mai ai.

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.

1 Peter 1:23

Goodou gu aahe ange ma gu haanau hoou, gai tee hhaa mai i mee e hulo laa ga pobo, aagai go mee e dee maua laa gi pobo, go muna a de Maadua e mouli laa ga hano ai e dee ngado mai;

1 Peter 2:2

Goodou gi bei dagodo o denga gaagaa, e llodo laa i vai uu o de baasi gi de hagasaalunga e dee hilo laa i hanu mee gee, gi maatua abodonu ai goodou ma de hagamouli,

1 Peter 3:15

Aagai goodou haia Klisdo go Tagi Maolunga i oodou lodo. Gai goodou gi paba i masavaa alodahi, e tala ange gi dangada alodahi, e siilia adu gi goodou dagodo o de tali hagalodolodo i oodou lodo naa. Aagai haia de mee nei i de daudonu ma de hagadubu,

1 Peter 3:21

Gai de babudaisi e hagadagodo ange gi de mee nei, go de babudaisi e hagamouli ai laa goodou iainei — e dee go de aau gi deai gelegele i odaadeu angaanga, aagai go de dangidangi ange gi de Maadua gi hagagilimalali ina tagi o de lodo, i hiidinga de mouli age o Iesu Klisdo,

1 Peter 3:5

Gai deenei de hai a denga haahine dabu e tali hagalodolodo ange ai gi de Maadua ne hagamahamaha ai gilaadeu; gilaadeu ne hagallongo ange gi olaadeu bodu,

1 John 2:29

Noo goodou e iloo bolo Klisdo e heohi, gai goodou e iloo hogi bolo dangada alodahi e haia de mee heohi ne haanau mai i ono daha.

1 John 3:3

Gai dangada alodahi gu dagodo de tali hagalodolodo nei i olaadeu daha e hai gi gilimalali gilaadeu bei ono dagodo, ia e gilimalali.

1 John 3:9

E deai donu se dangada gu haanau i daho de Maadua e aheahe ange ga haisala, go hiidinga hua o de Maadua e dagodo i ono daha; ia e dee maua donu i de aheahe ange e haisala, go hiidinga ia gu haanau i daho de Maadua.

1 John 4:7

Ogu soa hagamogomogo, gidaadeu ga hagadau aaloha; go hiidinga de aloha se mee mai i daho de Maadua, gai tangada e hai hegau i de aloha se dama donu nii de Maadua gai ia e iloo de Maadua.

1 John 5:1

Be goai e hagadonusia bolo Iesu go de Klisdo ne haanau donu i daho de Maadua, gai be goai e aloha i tamana e aloha hogi i tama ne hagadili laa i ono daha.

1 John 5:18

Gidaadeu e iloo bolo tangada gu haanau i daho de Maadua e dee aheahe ange ga haisala, aagai Tama dagidahi a de Maadua e hagaloosi ia, gai de ia hagabaubau e dee maua donu i de poo ange gi de ia.

1 John 5:4

gai tangada gu haanau i daho de Maadua gu kii donu i henua i lalo. Deenei de mee adaadeu e hagadee kii ai henua i lalo: go odaadeu kai.