1 Peter 1:24 - De Beebaa Dabu

²⁴ go hiidinga, “Dangada alodahi e bei dagodo o denga helii, olaadeu mahamaha alodahi e bei huaala o denga helii; denga helii e mmae, gai denga huaala e malili,

1 Peter 1:24 Iomraidhean Croise

2 Kings 19:26

Gai dangada e nnoho i kilaa gu deai olaadeu mahi, gilaadeu e maatagu naa ma de dookaa. Gilaadeu gu bei denga manu ssomo vaaligiligi i lo te duu malaelae, se goodo matili age laa, ma denga helii e ssomo laa i tua denga hale, e mmae laa i mua de ssomo age.

De Beebaa go Job 14:2

Ia e hanage bei de huaala, gai e moolau donu hogi de mmae; ia e bei de goohunga e lilo laa, e dee maua donu gi daulooloa.

Psalm 102:4

Ogu lodo e bei denga helii gu duuduu laa ma gu mmae, au gu ngalo de gaimee.

Psalm 103:15

Dagodo o tangada, ono laangi e bei laangi o denga helii; ia e bei huaala i lo te duu malaelae;

Psalm 129:6

Gilaadeu gi bei denga helii i tua denga hale, e mmae laa i mua delaadeu somo age;

Psalm 37:2

go hiidinga gilaadeu e bei denga helii e moolau laa de mmae, ma denga manu ssomo vaaligiligi e moolau laa de maakau.

Psalm 39:6

Ni muna abodonu, tangada e seesee saele bei dagodo o dahi goohunga; ni muna abodonu, ana hegau e deai donu haigamaiana; ia e hagabudu goloa lagolago, gai ia e dee iloo be goai e mee ai.

Psalm 90:5

Koe e kave mouli o dangada bei dagodo o tolona; olaadeu mouli e bei dagodo o de midi bodobodo ma denga helii hoou e ssomo age laa i taiao:

Psalm 92:7

gai ga ssomo age naa donu de gau baubau bei denga helii, gai alodahi e haia de baubau e hagadagadaga age, gai gilaadeu e daa naa ga maakau ga hano ai.

Isaiah 51:12

“Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?

Matthew 6:30

Aagai noo de Maadua e hakahu danuaa denga helii i lo te duu malaelae, go mee e ssomo laa ailaa nei, gai daiao gu tili ange gi lo te ahi, aagai e dee kii ange naa donu dana hakahu goodou — goodou de gau vaaligiligi oodou kai?

James 4:14

Gai goodou e dee iloo donu be ni aha e hai daiao. Aahee dagodo o oodou mouli? Oodou mouli e bei dagodo o de mama o vai e hanage laa i dahi masavaa bodobodo gai e moolau donu de lilo.

1 John 2:17

Henua i lalo ma ono lodo alodahi e llilo donu, aagai tangada e haia lodo o de Maadua e mouli ga hano ai.